ಮಸಾಲೆ ಸೇರಿಸುವ ಮೊದಲು ಎಚ್ಚರ

ಅರಿವು 

ಪ್ರಕಾಶ ಹೆಗಡೆ

ಪ್ಯಾಕ್ ಮಾಡಿದ ಮಸಾಲೆಗಳು ಕ್ಯಾನ್ಸರ್‌ಗೆ ಕಾರಣವಾಗುವ ಪದಾರ್ಥವನ್ನು ಹೊಂದಿರುತ್ತವೆಯೆಂಬ ಸುದ್ದಿ ಅಂತಾರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಕಾಡ್ಗಿಚ್ಚಿನಂತೆ ಹರಡುತ್ತಿದೆ. ಸಿಂಗಾಪುರ ಮತ್ತು ಹಾಂಗ್ ಕಾಂಗ್ ದೇಶಗಳಲ್ಲಿನ ಆಹಾರ ಅಧಿಕಾರಿಗಳು, ಭಾರತದ ಪ್ರಸಿದ್ಧ ಬ್ರಾಂಡ್ ಹೊಂದಿರುವ ಕಂಪನಿಗಳಿಂದ ಉತ್ಪಾದನೆಯಾಗುವ ಹಲವು ಮಸಾಲೆಗಳನ್ನು ನಿಷೇಧಿಸಿದ್ದಾರೆ.

ಸರಪಳಿ ಪ್ರತಿಕ್ರಿಯೆಂಬಂತೆ ಯುರೋಪಿಯನ್ ಒಕ್ಕೂಟವು ಭಾರತದಿಂದ ಬರುವ ಕೆಲ ಸಂಬಾರು ಪದಾರ್ಥಗಳಲ್ಲಿ ನಿಷೇಧಿತ ಪದಾರ್ಥವಿದೆ ಯೆಂದು
ಕಂಡುಹಿಡಿದಿದೆ. ಈಗ ಅಮೆರಿಕ, ಆಸ್ಟ್ರೇಲಿಯಾದ ಆಹಾರ ಇಲಾಖೆಯವರು ನಿಷೇಧಿತ ರಾಸಾಯನಿಕಗಳಿರ ಬಹುದೆಂದು ಭಾರತದಿಂದ ಆಮದಾಗು ತ್ತಿರುವ ಸಂಬಾರ ಪದಾರ್ಥಗಳ ಮೌಲ್ಯಮಾಪನ ಮಾಡುತ್ತಿದ್ದಾರೆ.

ಎಥಿಲೀನ್ ಆಕ್ಸೈಡ್ ಎಂಬ ರಾಸಾಯನಿಕ ಈ ದೋಷಕ್ಕೆ ಕಾರಣ ವಾಗಿದೆ. ಇದು ಉರಿಯಬಲ್ಲ, ಬಣ್ಣರಹಿತ, ಸಿಹಿ-ವಾಸನೆಯ ಅನಿಲವಾಗಿದ್ದು, ಇದನ್ನು ಆಂಟಿ ಫ್ರೀಜ್‌ನಂತಹ ಇತರ ರಾಸಾಯನಿಕ ಗಳನ್ನು ಉತ್ಪಾದಿಸಲು ಬಳಸಲಾಗುತ್ತದೆ. ಕಡಿಮೆ ಪ್ರಮಾಣದಲ್ಲಿ ಬಳಸಿದರೆ ಇದು ವೈದ್ಯಕೀಯ ಉಪಕರಣ ಗಳನ್ನು ಕ್ರಿಮಿನಾಶಕಗಳಿಂದ ಸ್ಟರಲೈಸ್ ಮಾಡಲು ಸಹಾಯ ಮಾಡುತ್ತದೆ. ಕೀಟನಾಶಕವಾಗಿಯೂ ಈಟಿಒ ಕಾರ್ಯನಿರ್ವಹಿಸುತ್ತದೆ. ಎಥಿಲೀನ್ ಆಕ್ಸೈಡ್ ಒಂದು ಪೆಟ್ರೋಲಿಯಂ ಉತ್ಪನ್ನವಾಗಿದ್ದು, ಪ್ಲಾಸ್ಟಿಕ್‌ಗಳು, ಔಷಧಿಗಳು, ಡಿಟರ್ಜೆಂಟ್‌ಗಳು, ಅಂಟುಗಳು ಇತ್ಯಾದಿಗಳನ್ನು ಯಾರಿಸಲು ಬಿಲ್ಡಿಂಗ್ ಬ್ಲಾಕ್ ಆಗಿ ಬಳಸಲಾಗುವ ಮೂಲ ರಾಸಾಯನಿಕವಾಗಿದೆ.

ಇದು ಸಂಬಾರ ಪದಾರ್ಥಗಳಿಗೆ ದೀರ್ಘಾವಽಯ ಶೆಲ ಜೀವಿತಾವಧಿಯನ್ನು ಒದಗಿಸುತ್ತದೆ. ಆದರೆ ಈ ಗುಣಲಕ್ಷಣಗಳೇ ಈಟಿಒವನ್ನು ತುಂಬಾ ಅಪಾಯ ಕಾರಿಯನ್ನಾಗಿಯೂ ಪರಿವರ್ತಿಸುತ್ತವೆ. ಇದು ಕ್ಯಾನ್ಸರ್‌ಗೆ ಕಾರಣವಾಗಬಹುದು ಹಾಗೂ ಅಂಗಾಂಗಗಳ ಹಾನಿಗೂ ಕಾರಣವಾಗಬಹುದು. ಎಥಿಲೀನ್ ಆಕ್ಸೈಡ್ ಸ್ವಾಭಾವಿಕ ಗರ್ಭಪಾತ, ಸ್ನಾಯು ದೌರ್ಬಲ್ಯ, ಬಾಹ್ಯ ಪಾರ್ಶ್ವವಾಯು, ದುರ್ಬಲ ಚಿಂತನೆ ಮತ್ತು ಸ್ಮರಣೆಯ ವಿತ್ಯಯಕ್ಕೆ ಕಾರಣವಾಗ ಬಹುದು. ಆಹಾರ ಉತ್ಪನ್ನಗಳಲ್ಲಿ ಎಥಿಲೀನ್ ಆಕ್ಸೈಡ್ ಶೇಕಡಾವಾರು ಪ್ರಮಾಣವು ಯಾವುದೇ ಅಂತಾರಾಷ್ಟ್ರೀಯ ಮಾನದಂಡಗಳನ್ನು ಹೊಂದಿಲ್ಲ. ದೇಶಗಳು ಆಗಾಗ್ಗೆ ತಮ್ಮದೇ ಆದ ನೀತಿಗಳನ್ನು ಹೊರಡಿಸುತ್ತವೆ.

ಭಾರತದಲ್ಲಿ ಎ-ಎಸ್‌ಎಸ್‌ಎಐ ಎಥಿಲೀನ್ ಆಕ್ಸೈಡ್ ಅನ್ನು ೦.೦೧ ಎಂಜಿ/ಕೆಜಿ ಎಂಬಷ್ಟು ಅನುಮತಿಸಲಾದ ಮಟ್ಟವಾಗಿ ನಿಗದಿಪಡಿಸಿದೆ. ಇದು ಜಪಾನ್ ಮತ್ತು ಇತರ ಕೆಲವು ದೇಶಗಳು ಅಳವಡಿಸಿಕೊಂಡ ಸಮದ ಮಾನದಂಡವಾಗಿದೆ. ಆದರೆ ಈ ವರ್ಷದ ಏಪ್ರಿಲ್ ೧೮ರಂದು, ಈ ಸುತ್ತೋಲೆಯೊಂದು ಇದನ್ನು ರದ್ದುಗೊಳಿಸಿತು. ಈಗ ಹೊಸ ಸ್ವೀಕಾರಾರ್ಹ ಮಟ್ಟವು ೦.೧ ಎಂಜಿ/ಕೆಜಿಯಾಗಿದೆ. ಮಿತಿಯನ್ನು ಹತ್ತು ಪಟ್ಟು ಹೆಚ್ಚಿಸಲಾಗಿದೆ. ಇದಕ್ಕೆ ಕಾರಣ ವೇನೆಂಬುದು ತಿಳಿದಿಲ್ಲ. ಈ ಬಾರಿ, ನಮ್ಮ ಮಸಾಲೆ ತಯಾರಕರು ಆ ಮಿತಿಯನ್ನು ಅಂತಾರಾಷ್ಟ್ರೀಯ ಮಾರುಕಟ್ಟೆಯ ಮೌಲ್ಯಮಾಪನವನ್ನು ದಾಟಿzರೆ ಎಂದು ತೋರುತ್ತದೆ.

ಐಐಎಸ್‌ಯ ಪ್ರಾಧ್ಯಾಪಕರೊಬ್ಬರು ಇನ್ಹೇಲೆಂಟ್ ಆಗಿ ಎಥಿಲೀನ್ ಆಕ್ಸೈಡ್ ಹೆಚ್ಚಿನ ಪ್ರಮಾಣದಲ್ಲಿ ಸೇವಿಸಿದರೆ ಅದು ಗಂಭೀರ ರೂಪಕ್ಕೆ ತಿರುಗುವುದು ಖಚಿತ. ಎಥಿಲೀನ್ ಆಕ್ಸೈಡ್ ಅನ್ನು ಫ್ಯೂಮಿಗೇಟ್ ರೀತಿಯಲ್ಲಿಯೂ ಬಳಸುವ ಕಾರ್ಖಾನೆಗಳು/ಸಂಸ್ಥೆಗಳು, ಅಥವಾ ಇತರ ಉಪಯುಕ್ತ ರಾಸಾಯನಿಕ ಗಳಿಗೆ ಪರಿವರ್ತಿಸಲು ಕಚ್ಚಾ ವಸ್ತುವಾಗಿ ಎಥಿಲೀನ್ ಆಕ್ಸೈಡ್ ಅನ್ನು ಬಳಸುವ ಸ್ಥಳಗಳಲ್ಲಿ ಈ ಗಂಭೀರತೆ ಗಮನೀಯವಾಗಿದೆ ಎಂದು ಹೇಳುತ್ತಾರೆ. ಆದರೆ ಅವರು ಮಾಡುವ ಪ್ರಮುಖ ಅಂಶವೆಂದರೆ ಸಂಬಾರ ಪದಾರ್ಥಗಳಲ್ಲಿ ಅವಶೇಷವಾಗಿ ಎಥಿಲೀನ್ ಆಕ್ಸೈಡ್ ಇದ್ದರೆ ಅದು ಸಾಮಾನ್ಯವಾಗಿ ತುಂಬಾ ಕಡುಮೆ ಪ್ರಮಾಣದಲ್ಲಿದೆ, ಮತ್ತು ಇನ್ಹೇಲೆಂಟಿಗಿಂತ ಹಾನಿಯಾಗುವ ಸಾಧ್ಯತೆ ಬಹಳ ಕಡಿಮೆ.

ಸಂಕ್ಷಿಪ್ತವಾಗಿ ಹೇಳುವುದಾದರೆ, ಎಥಿಲೀನ್ ಆಕ್ಸೈಡ್ ಆಹಾರ ದಲ್ಲಿನ ಅವಶೇಷವು ಕಾರ್ಸಿನೋಜೆನಿಕ್ ಎಂದು ಜಾಗತಿಕವಾಗಿ ನಿಶ್ಚಯಿಸಲಾಗಿಲ್ಲ. ವಿಜ್ಞಾನಿಗಳ ಪ್ರಕಾರ, ವಿeನವು ಇಲ್ಲಿಯವರೆಗೆ ಆಹಾರದ ಮೂಲಕ ಎಥಿಲೀನ್ ಆಕ್ಸೈಡ್‌ಗೆ ಒಡ್ಡಿಕೊಳ್ಳುವ ಬಗ್ಗೆ ಬಲವಾದ ಕಾರ್ಸಿ ನೋಜೆನಿಕ್ ಸಂಪರ್ಕ ವನ್ನು ಸೂಚಿಸುವುದಿಲ್ಲ. ಅದರೆ ಇನ್ಹೇಲೆಂಟ್ ಆಗಿ ಎಥಿಲೀನ್ ಆಕ್ಸೈಡ್ ಒಂದು ಸ್ಥಾಪಿತ ಕಾರ್ಸಿನೋ ಜೆನಿಕ್ ಸಂಪರ್ಕವನ್ನು ಹೊಂದಿದೆ ಎಂದು ನಿಶ್ಚಯವಾಗಿ ಹೇಳಬಹುದು. ಆದ್ದರಿಂದ ನಾವು ಪ್ಯಾಕೇಜ್ ಮಾಡಿದ ಮಸಾಲೆಗಳು ಅಥವಾ ಪ್ಯಾಕೇಜ್ ಮಾಡಿದ ಆಹಾರದಲ್ಲಿನ ಎಥಿಲೀನ್ ಆಕ್ಸೈಡ್ ಅವಶೇಷಗಳ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಳ್ಳಬೇಕಾಗಿಲ್ಲ ಎಂದು ವಿಜ್ಞಾನಿಗಳ ಅನಿಸಿಕೆ.