BBK 11: ನಿಖರ ಫಲಿತಾಂಶ ನೀಡುವಲ್ಲಿ ಎಡವಿದ ಹನುಮಂತ?: ಸಿಡಿದೆದ್ದ ಚೈತ್ರಾ-ಗೌತಮಿ

ಬಿಗ್ ಬಾಸ್ ಕನ್ನಡ ಸೀಸನ್ 11 (Bigg Boss Kannada 11) ಆರನೇ ವಾರಕ್ಕೆ ಕಾಲಿಟ್ಟಿದೆ. ಇದೀಗ ಟಾಸ್ಕ್​ನ ಕಾವು ಏರುತ್ತಿದ್ದು, ಜಗಳಗಳು ಕೂಡ ಜೋರಾಗುತ್ತಿವೆ. ಸದ್ಯ ಮನೆಯ ಕ್ಯಾಪ್ಟನ್ ಆಗಿರುವ ಹನುಮಂತ ಆಟದ ಉಸ್ತುವಾರಿ ನೋಡಿಕೊಳ್ಳುತ್ತಿದ್ದಾರೆ. ಆದರೆ, ಫಲಿತಾಂಶ ನೀಡುವಾಗ ಹನುಮಂತ ಎಡವಿದ್ರಾ ಎಂಬ ಅನುಮಾನ ವ್ಯಕ್ತವಾಗುತ್ತಿದೆ, ಇದಕ್ಕೆ ಕಾರಣ ಚೈತ್ರಾ ಕುಂದಾಪುರ ಹಾಗೂ ಗೌತಮಿ ಜಾಧವ್ ಆಡಿದ ಮಾತುಗಳು.

ಬಂಡಾಯ ಎದ್ರು ಚೈತ್ರಾ, ಹನುಮಂತುಗೆ ತಡೆಯೋಕ್ಕಾಗುತ್ತಾ ಈ ಹೊಡೆತ? ಎಂದು ಶೀರ್ಷಿಕೆಯೊಂದಿಗೆ ಇಂದಿನ ಸಂಚಿಕೆಯ ಪ್ರೋಮೋ ಅನಾವರಣಗೊಂಡಿದೆ. ಬಿ ಪಾಸಿಟಿವ್​ ಎಂದು ಹೆಚ್ಚಾಗಿ ಪ್ರಬುದ್ಧತೆಯಿಂದಲೇ ಪರಿಸ್ಥಿತಿಯನ್ನು ನಿಭಾಯಿಸುವ ಗೌತಮಿ ಅವರೂ ಕೂಡಾ ಇಲ್ಲಿ ತಾಳ್ಮೆ ಕಳೆದುಕೊಂಡಿದ್ದಾರೆ. ಚೈತ್ರಾ ಕುಂದಾಪುರ ಎಂದಿನಂತೆ ರೊಚ್ಚಿಗೆದ್ದು ಅಸಮಾಧಾನ ಹೊರಹಾಕಿದ್ದಾರೆ.

ಟಾಸ್ಕ್ ಅನುಸಾರ ಬೃಹತ್ ಚೆಂಡನ್ನು ಗೋಲ್ ಒಳಗೆ ಹಾಕಬೇಕಿತ್ತು. ಈ ವೇಳೆ ಹಸಿರು ಬಣ್ಣ ತಂಡದ ಮಂಜು – ಹಳದಿ ಬಣ್ಣ ತಂಡದ ಶಿಶಿರ್ ಮಧ್ಯೆ ಫಿಕ್ಸಿಂಗ್ ಆಗಿರುವ ಹಾಗಿದೆ. ಗೆಲ್ಲುವ ತಂಡ ಒಂದು ತಂಡವನ್ನ ಆಟದಿಂದ ಹೊರಗೆ ಇಡಬೇಕು ಎಂಬ ನಿಯಮ ಇರುವುದರಿಂದ ಮಂಜು – ಶಿಶಿರ್‌ ಫಿಕ್ಸಿಂಗ್ ಮಾಡಿಕೊಂಡು ಆಟವಾಡುತ್ತಿದ್ದಾರೆ ಅಂತ ಚೈತ್ರಾ ಕುಂದಾಪುರ ಹಾಗೂ ಗೌತಮಿ ಜಾಧವ್ ಸಿಡಿದೆದ್ದಿದ್ದಾರೆ.

ಸೂಪರ್​ ಹನುಮಂತಣ್ಣ, ನಿಮ್ಮ ಆಟದಲ್ಲೇ ಈ ನಿಯತ್ತನ್ನು ನೋಡಬೇಕಿತ್ತು ನಾನು. ವೋಟ್​ ಹಾಕೋ ಜನಕ್ಕೆ ಯಾವ ನಿಯತ್ತಿನ ಬಗ್ಗೆ ಉತ್ತರ ಕೊಡ್ತೀರಿ ಎಂಬುದನ್ನು ನೋಡಬೇಕಿದೆ. ಜನ ನೋಡ್ತಾರೆ ಈ ನಿಯತ್ತನ್ನು ಎಂದು ಕಿಡಿಕಾರಿದ್ದಾರೆ. ಬಾ ಗುರು ನೋಡೇ ಬಿಡೋಣ, ಈವರೆಗೆ ಸುಮ್ಮನಿದ್ವಿ ಎಂದು ಗೌತಮಿ ಸಹ ಅಸಮಾಧಾನ ಹೊರಹಾಕಿದ್ದಾರೆ. ಇದನ್ನೆಲ್ಲ ಕಂಡು ಕರೆಕ್ಟ್ ಫಲಿತಾಂಶ ಘೋಷಣೆ ಮಾಡುವಲ್ಲಿ ಹನುಮಂತ ಎಡವಿದರು ಎಂಬ ಅನುಮಾನ ಕೂಡ ವ್ಯಕ್ತವಾಗಿದೆ.

ಬಂಡಾಯ ಎದ್ರು ಚೈತ್ರಾ, ಹನುಮಂತುಗೆ ತಡೆಯೋಕ್ಕಾಗುತ್ತಾ ಈ ಹೊಡೆತ?

ಬಿಗ್ ಬಾಸ್ ಕನ್ನಡ ಸೀಸನ್ 11 | ಸೋಮ-ಶುಕ್ರ ರಾತ್ರಿ 9:30#BiggBossKannada11 #BBK11 #HosaAdhyaya #ColorsKannada #BannaHosadaagideBandhaBigiyaagide #ಕಲರ್‌ಫುಲ್‌‌ಕತೆ #colorfulstory #Kicchasudeepa #BBKPromo pic.twitter.com/MRE9zrlry2

— Colors Kannada (@ColorsKannada) November 5, 2024

ಹನುಮಂತನಿಗೆ ಸಿಕ್ಕಿತ್ತು ಕಿಚ್ಚನ ಚಪ್ಪಾಳೆ:

ವೀಕೆಂಡ್ ಎಪಿಸೋಡ್​ನಲ್ಲಿ ಮೊದಲಿಗೆ ಹನುಮಂತನಿಗೆ ಸ್ವಾಗತ ಕೋರಿದ ಕಿಚ್ಚ ಸುದೀಪ್, ಆ ನಂತರ ಅವರು ಎರಡು ಬಾರಿ ಕ್ಯಾಪ್ಟನ್ ಆಗಿದ್ದಕ್ಕೆ ಅಭಿನಂದನೆ ಸಲ್ಲಿಸಿದರು. ಟಾಸ್ಕ್​ನಲ್ಲಿ ಗೆದ್ದು ಬೀಗಿದ್ದಕ್ಕೆ ಸುದೀಪ್ ಅವರು ಭೇಷ್ ಕೂಡ ಎಂದರು. ಈ ಸಂದರ್ಭದಲ್ಲಿ ಸುದೀಪ್ ಅವರು ಕಿಚ್ಚನ ಚಪ್ಪಾಳೆ ಯಾಕೆ ನೀಡುತ್ತಾರೆ ಎಂದು ಹನುಮಂತ ಅವರಿಗೆ ತಿಳಿಸಿದ್ದಾರೆ. ಸುದೀಪ್ ಅವರು, ಇಷ್ಟಪಟ್ಟವರಿಗೆ ಕೈಯಲ್ಲಿ ತಟ್ಟೋದು, ಮಿಕ್ಕಿದವರಿಗೆ ಬಾಯಲ್ಲಿ ತಟ್ಟೋದು. ಇದು ನಿಮಗೆ ಕೈಯಲ್ಲಿ ತಟ್ಟಿದ್ದು, ಬೇಷ್ ಅಂದಿದ್ದು ಎಂದು ಹೇಳಿದ್ದಾರೆ. ಆ ನಂತರ ಫೋಟೋ ಒಂದನ್ನು ಕಳುಹಿಸಿದ್ದರು.

BBK 11: ಬಿಗ್ ಬಾಸ್​ನಲ್ಲಿ ತನ್ನ ಜೀವನದ ಬಿಗ್ ಸೀಕ್ರೆಟ್ ರಿವೀಲ್ ಮಾಡಿದ ಹನುಮಂತ