ಹೈದರಾಬಾದ್: ಅನಾರೋಗ್ಯದಿಂದ ಬಳಲುತ್ತಿದ್ದ ಹಿರಿಯ ನಟ ಕೈಕಲಾ ಸತ್ಯ ನಾರಾಯಣ ನಿಧನರಾಗಿದ್ದು, ಟಾಲಿವುಡ್’ಗೆ ದೊಡ್ಡ ಆಘಾತ ನೀಡಿದೆ.
ಹಿರಿಯ ನಟ, ‘ಸಿಪಾಯಿಯ ಮಗಳು’ ಚಿತ್ರದ ಮೂಲಕ ಮೊದಲ ಬಾರಿಗೆ ಬೆಳ್ಳಿತೆರೆಗೆ ಪ್ರವೇಶಿಸಿದರು. ಪೌರಾಣಿಕ, ಜಾನಪದ ಮತ್ತು ಕಮರ್ಷಿಯಲ್ ಎಲ್ಲದರಲ್ಲೂ ಮಿಂಚಿ ಸೈ ಎನಿಸಿಕೊಂಡರು. ಕೈಕಾಲ ಅನೇಕ ಚಿತ್ರಗಳಲ್ಲಿ ನಾಯಕ, ಹಾಸ್ಯನಟ, ಖಳನಾಯಕ ಮತ್ತು ಕ್ಯಾರೆಕ್ಟರ್ ಆರ್ಟಿಸ್ಟ್ ಆಗಿ ನಟಿಸಿದ್ದಾರೆ.
ಸುಮಾರು 770ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ ಈ ಹಿರಿಯ ನಟನ ಕೊನೆಯ ಚಿತ್ರ 2019ರಲ್ಲಿ ತೆರಕಂಡ ‘ಮಹರ್ಷಿ’ ಸಿನಿಮಾ ಆಗಿದೆ.
ನಂದಮೂರಿ ಬಾಲಕೃಷ್ಣ ಟ್ವೀಟ್ ಮಾಡಿ, ‘ಕೈಕಲಾ ಸತ್ಯನಾರಾಯಣ ಅವರ ನಿಧನ ದಿಂದ ಆಘಾತವಾಗಿದೆ. ಕೈಕಲಾ ಸತ್ಯ ನಾರಾಯಣ ಅವರು ಪೌರಾಣಿಕ, ಸಾಮಾಜಿಕ, ಚಾರಿತ್ರಿಕ ಮತ್ತು ಜಾನಪದ ಪಾತ್ರಗಳಲ್ಲಿ ನವರಸ ನಟನಾ ಸಾರ್ವಭೌಮರಾಗಿ ತಮ್ಮ ಬಹುಮುಖ ಅಭಿನಯದಿಂದ ಆರು ದಶಕಗಳ ಕಾಲ ತೆಲುಗು ಚಲನಚಿತ್ರೋದ್ಯಮವನ್ನು ರಂಜಿಸಿದರು.
ಕೈಕಲಾ ಸತ್ಯ ನಾರಾಯಣ ಅವರು ನಮ್ಮ ಕುಟುಂಬದೊಂದಿಗೆ ಸ್ನೇಹ ಸಂಬಂಧವನ್ನು ಹೊಂದಿದ್ದಾರೆ. ಅವರು ತಮ್ಮ ತಂದೆಯೊಂದಿಗೆ ಅನೇಕ ಚಲನಚಿತ್ರಗಳಿಗೆ ಕೆಲಸ ಮಾಡಿದರು’ ಎಂದಿದ್ದಾರೆ.
Read E-Paper click here
