ಚೆನ್ನೈ: ಕಾಲಿವುಡ್‌ ಸೂಪರ್ ಸ್ಟಾರ್‌, ಉಳಗನಾಯಗನ್ ಕಮಲ್ ಹಾಸನ್ (Kamal Haasan) ಅವರಿಗಿಂದು (ನ. 7) ಜನ್ಮ ದಿನದ ಸಂಭ್ರಮ. ಅವರು 70ನೇ ವರ್ಷದ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದಾರೆ. ಇದೇ ವೇಳೆ ಅವರ ಅಭಿಮಾನಿಗಳಿಗೆ ಸರ್‌ಪ್ರೈಸ್‌ ಗಿಫ್ಟ್‌ ಸಿಕ್ಕಿದೆ. ಬಹು ನಿರೀಕ್ಷಿತ ಪ್ಯಾನ್‌ ಇಂಡಿಯಾ ಚಿತ್ರ ʼಥಗ್‌ ಲೈಫ್‌ʼ (Thug Life)ನ ಟೀಸರ್‌ ರಿಲೀಸ್ ಮಾಡಿದ ಸಿನಿಮಾ ತಂಡ ಬಿಡುಗಡೆ ದಿನಾಂಕವನ್ನೂ ಘೋಷಿಸಿದೆ.
ರಾಷ್ಟ್ರ ಪ್ರಶಸ್ತಿ ವಿಜೇತರಾದ ಕಮಲ್ ಹಾಸನ್ ಮತ್ತು ವಿಷನರಿ ಡೈರೆಕ್ಟರ್ ಮಣಿರತ್ನಂ (Mani Ratnam) ಸುಮಾರು 37 ವರ್ಷದ ಬಳಿಕ ಮತ್ತೆ ಒಂದಾಗುತ್ತಿರುವ ಚಿತ್ರ ʼಥಗ್‌ ಲೈಫ್‌ʼ. ಹೀಗಾಗಿ ಈ ಆ್ಯಕ್ಷನ್ ಡ್ರಾಮಾ ಸೆಟ್ಟೇರಿದಾಗಿನಿಂದಲೂ ಗಮನ ಸೆಳೆದಿದೆ. ವಿಶೇಷ ಎಂದರೆ ಕಮಲ್ ಹಾಸನ್ ನಟನೆಯ 234ನೇ ಸಿನಿಮಾ ಇದು. ಈ ಕಾರಣಕ್ಕಾಗಿಯೂ ಚಿತ್ರ ನಿರೀಕ್ಷೆ ಹೆಚ್ಚಿಸಿದೆ.
His STORY, His RULES#KHBirthdayCelebrations#HBDKamalHaasan#ThugLifeFromJune5
— Raaj Kamal Films International (@RKFI) November 7, 2024
Tamil – https://t.co/uveSa7Pu5c #KamalHaasan #ManiRatnam #SilambarasanTR #Thuglife
A #ManiRatnam Film
Telugu – https://t.co/40fSKXbi1k
Kannada – https://t.co/nEWa5B4eT0
Malayalam -… pic.twitter.com/In6CALBMri
ಯಾವಾಗ ರಿಲೀಸ್?
ತಮಿಳಿನ ಜತೆಗೆ ವಿವಿಧ ಭಾಷೆಗಳಲ್ಲಿ ಮೂಡಿ ಬರುತ್ತಿರುವ ʼಥಗ್‌ ಲೈಫ್‌ʼ 2025ರ ಜೂ. 5ರಂದು ವಿಶ್ವಾದ್ಯಂತ ತೆರೆಗೆ ಬರಲಿದೆ. ರಂಗರಾಯ ಸತ್ಯವೇಲ್ ನಾಯಕನ್ ಎನ್ನುವ ಗ್ಯಾಂಗ್‌ಸ್ಟರ್‌ ಪಾತ್ರದಲ್ಲಿ ಕಮಲ್ ಹಾಸನ್ ಮೋಡಿ ಮಾಡಲು ಸಜ್ಜಾಗಿದ್ದಾರೆ. ಭರ್ಜರಿ ಆ್ಯಕ್ಷನ್ ಮೂಲಕ ವಿರೋಧಿಗಳಿಗೆ ಟಕ್ಕರ್ ಕೊಡುವ ಪಾತ್ರದಲ್ಲಿ ಅವರು ಕಾಣಿಸಿಕೊಂಡಿದ್ದಾರೆ ಎನ್ನಲಾಗಿದೆ. ರಾಜ್ ಕಮಲ್ ಇಂಟರ್ ನ್ಯಾಷನಲ್ ಫಿಲ್ಮ್ಸ್ ಹಾಗೂ ಮದ್ರಾಸ್ ಟಾಕೀಸ್ ನಡಿ ಕಮಲ್ ಹಾಸನ್, ಮಣಿರತ್ನಂ, ಆರ್.ಮಹೇಂದ್ರನ್ ಮತ್ತು ಶಿವ ಅನಂತಿ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ.
ಬಹು ತಾರಾಗಣ
ಬಹು ತಾರಾಗಣ ಮೂಲಕವೂ ʼಥಗ್‌ ಲೈಫ್‌ʼ ಸದ್ದು ಮಾಡುತ್ತಿದೆ. ವಿವಿಧ ಚಿತ್ರರಂಗದ ಪ್ರಮುಖರು ಈ ಸಿನಿಮಾದ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಸಿಂಬು, ತ್ರಿಷಾ ಕೃಷ್ಣನ್‌, ಅಶೋಕ್‌ ಸೆಲ್ವನ್‌, ಅಲಿ ಫಜಲ್‌, ಪಂಕಜ್‌ ತ್ರಿಪಾಠಿ, ಜೋಜು ಜಾರ್ಜ್‌, ನಾಸರ್‌, ಐಶ್ವರ್ಯಾ ಲಕ್ಷ್ಮೀ, ಸನ್ಯಾ ಮಲ್ಹೋತ್ರಾ, ರೋಹಿತ್‌ ಸರಫ್‌ ಮತ್ತಿತರರು ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿದ್ದು, ಮಣಿರತ್ನಂ ಅವರ ನೆಚ್ಚಿನ ನಿರ್ದೇಶಕ, ಮ್ಯೂಸಿಕ್‌ ಮಾಂತ್ರಿಕ ಎ.ಆರ್.ರೆಹಮಾನ್‌ ಸಂಗೀತ ನೀಡುತ್ತಿದ್ದಾರೆ. ವಯಸ್ಸಾದ ಮತ್ತು ಯಂಗ್‌ ಲುಕ್‌ನಲ್ಲಿ ಕಮಲ್ ಹಾಸನ್ ಕಾಣಿಸಿಕೊಂಡಿದ್ದು, ಇದೀಗ ರಿಲೀಸ್ ಆಗಿರುವ ಟೀಸರ್‌ನಲ್ಲಿ ಕಮಲ್ ಹಾಸನ್ ಮತ್ತು ಸಿಂಬು ಅವರ ಫೈಟ್‌ ಸೀನ್‌ ಹೈಲಟ್‌ ಆಗಿದೆ.
‘ನಾಯಕನ್’ನ ಹಿಟ್ ಜೋಡಿ
1987ರಲ್ಲಿ ಕಮಲ್ ಹಾಸನ್ ನಟನೆಯ, ಮಣಿರತ್ನಂ ನಿರ್ದೇಶನದ ‘ನಾಯಕನ್’ ಸಿನಿಮಾ ರಿಲೀಸ್ ಆಗಿತ್ತು. ಇದಾದ ಬಳಿಕ ಸುಮಾರು 37 ವರ್ಷಗಳ ಬಳಿಕ ಸೂಪರ್ ಹಿಟ್ ಜೋಡಿ ಒಂದಾಗುತ್ತಿರುವ ಕಾರಣಕ್ಕೆ ಚಿತ್ರದ ಮೇಲಿನ ನಿರೀಕ್ಷೆ ಬೆಟ್ಟದಷ್ಟಾಗಿದೆ. ಅಲ್ಲದೆ ಇತ್ತೀಚೆಗೆ ತೆರೆಕಂಡ ಕಮಲ್ ಹಾಸನ್ ಅಭಿನಯದ ʼಇಂಡಿಯನ್‌ 2ʼ ಸಿನಿಮಾ ಬಾಕ್ಸ್‌ ಆಫೀಸ್‌ನಲ್ಲಿ ಮಕಾಡೆ ಮಲಗಿದ್ದು, ಈ ಸಿನಿಮಾ ಮೂಲಕ ಕಂಬ್ಯಾಕ್‌ ಮಾಡುವ ಯೋಜನೆಯಲ್ಲಿದ್ದಾರೆ.
ಈ ಸುದ್ದಿಯನ್ನೂ ಓದಿ: Bax office collection: ಬಾಕ್ಸ್‌ ಆಫೀಸ್‌ ಧೂಳೆಬ್ಬಿಸಿದ ಸಿಂಗಂ ಅಗೇನ್‌, ಭೂಲ್‌ ಭುಲೈಯಾ 3; ಒಟ್ಟು ಕಲೆಕ್ಷನ್‌ ಎಷ್ಟು?
