ಹೈದರಾಬಾದ್‌: ಟಾಲಿವುಡ್‌ನ ಪ್ಯಾನ್‌ ಇಂಡಿಯಾ ಚಿತ್ರ ʼಪುಷ್ಪ 2ʼ (Pushpa 2 Movie) ಸದ್ಯ ದೇಶಾದ್ಯಂತ ಕುತೂಹಲ ಕೆರಳಿಸಿದೆ. ಈ ಚಿತ್ರದ ಬಿಡುಗಡೆಗಾಗಿ ಅಲ್ಲು ಅರ್ಜುನ್‌ (Allu Arjun) ಮತ್ತು ರಶ್ಮಿಕಾ ಮಂದಣ್ಣ (Rashmika Mandanna) ಅಭಿಮಾನಿಗಳು ಕಾದು ಕುಳಿತಿದ್ದಾರೆ. ಇತ್ತೀಚೆಗೆ ರಿಲೀಸ್‌ ಆಗಿರುವ ಚಿತ್ರದ ಟ್ರೈಲರ್‌ ನಿರೀಕ್ಷೆಯನ್ನು ಮತ್ತಷ್ಟು ಹೆಚ್ಚಿಸಿದೆ. ಟ್ರೈಲರ್‌ನಲ್ಲಿ ಹೇಳಿರುವಂತೆ ನ್ಯಾಷನಲ್‌ ಅಲ್ಲ ಇಂಟರ್‌ ನ್ಯಾಷನಲ್‌ ಲೆವೆಲ್‌ಗೆ ಚಿತ್ರ ಮೂಡಿ ಬಂದಿದೆ ಎನ್ನುವ ಸೂಚನೆ ಈಗಾಗಲೇ ಸಿಕ್ಕಿದೆ. ʼಪುಷ್ಪ 2ʼ ವಿಶ್ವಾದ್ಯಂತ ಡಿ. 5ರಂದು ಬಿಡುಗಡೆಯಾಗಲಿದೆ. ಈ ಮಧ್ಯೆ ಚಿತ್ರತಂಡ ಫ್ಯಾನ್ಸ್‌ಗೆ ಸರ್‌ಪ್ರೈಸ್‌ ಗಿಫ್ಟ್‌ ಕೊಡಲು ಮುಂದಾಗಿದೆ.
ಹೌದು, ʼಪುಷ್ಪ 2ʼ ಚಿತ್ರದ ಐಟಂ ಸಾಂಗ್‌ ರಿಲೀಸ್‌ ದಿನಾಂಕವನ್ನು ಸಿನಿಮಾತಂಡ ಘೋಷಿಸಿದೆ. ಈ ವರ್ಷದ ಬಹು ನಿರೀಕ್ಷಿತ ಹಾಡು ಎಂದೇ ಕರೆಯಲ್ಪಡುವ ʼಕಿಸಿಕ್…’ನ ಬಿಡುಗಡೆಯ ವಿವರಗಳನ್ನು ಚಿತ್ರತಂಡ ಸೋಷಿಯಲ್‌ ಮೀಡಿಯಾದಲ್ಲಿ ಪ್ರಕಟಿಸಿದೆ. ದೇವಿಶ್ರೀ ಪ್ರಸಾದ್‌ ಸಂಗೀತಕ್ಕೆ ಅಲ್ಲು ಅರ್ಜುನ್‌ ಜತೆ ಕನ್ನಡತಿ ಶ್ರೀಲೀಲಾ ಭರ್ಜರಿಯಾಗಿ ಹೆಜ್ಜೆ ಹಾಕಿದ್ದು, ಕಣುಂಬಿಕೊಳ್ಳಲು ಅಭಿಮಾನಿಗಳು ತುದಿಗಾಲಿನಲ್ಲಿ ನಿಂತಿದ್ದಾರೆ.
#Kissik 📸 song from #Pushpa2TheRule Flashing Worldwide on November 24th from 7:02 PM ❤🔥
— Mythri Movie Makers (@MythriOfficial) November 21, 2024
It is time for Icon Star @alluarjun & Dancing Queen @sreeleela14 to set the dance floor on fire 🔥
A Rockstar @Thisisdsp's Musical Flash⚡⚡
GRAND RELEASE WORLDWIDE ON 5th DECEMBER,… pic.twitter.com/Qi5E7nRO5X
ʼಕಿಸಿಕ್ʼ ಯಾವಾಗ ರಿಲೀಸ್‌?
ಭಾನುವಾರ (ನ. 24) ಸಂಜೆ 7 ಗಂಟೆ 2 ನಿಮಿಷಕ್ಕೆ ಈ ಹಾಡು ಬಿಡುಗಡೆ ಆಗಲಿದೆ. ಸದ್ಯ ಈ ಪೋಸ್ಟರ್‌ ನೋಡಿ ಪಡ್ಡೆಗಳು ಬೆರಗಾಗಿದ್ದಾರೆ. ಅಲ್ಲು ಅರ್ಜುನ್‌ ಮತ್ತು ಶ್ರೀಲೀಲಾ ಜೋಡಿಗೆ ಜೈ ಎಂದಿದ್ದಾರೆ. ಅಲ್ಲು ಅರ್ಜುನ್‌ ಮತ್ತು ಶ್ರೀಲೀಲಾ ಇಬ್ಬರೂ ಉತ್ತಮ ಡ್ಯಾನ್ಸರ್‌ ಆಗಿರುವುದರಿಂದ ನಿರೀಕ್ಷೆ ಹೆಚ್ಚೇ ಇದೆ. ಅದರಲ್ಲಿಯೂ ಬಾಲಿವುಡ್‌ನ ಖ್ಯಾತ ನೃತ್ಯ ನಿರ್ದೇಶಕ ಗಣೇಶ್‌ ಆಚಾರ್ಯ ಅವರ ಕೊರಿಯೊಗ್ರಫಿ ಈ ಹಾಡಿಗಿದ್ದು, ಧೂಳೆಬ್ಬಿಸಲಿದೆ ಎಂದೇ ಹೇಳಲಾಗುತ್ತಿದೆ. 2021ರಲ್ಲಿ ತೆರೆಕಂಡ ʼಪುಷ್ಪʼ ಚಿತ್ರದ ಹಾಡಿಗೂ ಇವರು ನೃತ್ಯ ನಿರ್ದೇಶನ ಮಾಡಿದ್ದರು.
ʼಪುಷ್ಪʼ ಸಿನಿಮಾದ ಗೆಲುವಿನಲ್ಲಿ ಅದರ ಸಂಗೀತವೂ ಪ್ರಧಾನ ಪಾತ್ರ ವಹಿಸಿತ್ತು. ಚಿತ್ರದ ಎಲ್ಲ ಹಾಡುಗಳೂ ಹಿಟ್‌ ಆಗಿದ್ದವು. ಅದರಲ್ಲಿಯೂ ಸಮಂತಾ ಕಾಣಿಸಿಕೊಂಡಿದ್ದ ʼಊ ಅಂಟಾಮʼ ಐಟಂ ಹಾಡು ಇಂದಿಗೂ ಪಡ್ಡೆಗಳ ಹಾಟ್‌ ಫೆವರೇಟ್‌ ಎನಿಸಿಕೊಂಡಿದೆ. ಸಮಂತಾ ಈ ಹಾಡಿನಲ್ಲಿ ಮಾದಕವಾಗಿ ಕಾಣಿಸಿಕೊಂಡು ಅಭಿಮಾನಿಗಳ ನಿದ್ದೆ ಕದ್ದಿದ್ದರು. ʼಪುಷ್ಪ 2ʼ ಸಿನಿಮಾದಲ್ಲಿಯೂ ಅಂತಹದ್ದೇ ಸ್ಪೆಷಲ್‌ ಹಾಡು ಇರಲಿದೆ ಎಂದು ಸಿನಿಮಾತಂಡ ಈ ಹಿಂದೆಯೇ ಘೋಷಿಸಿತ್ತು. ಹೀಗಾಗಿ ಈ ಹಾಡಿನ ಬಗ್ಗೆ ಪಡ್ಡೆಗಳು ಅಂದಿನಿಂದಲೇ ಕನಸು ಕಾಣತೊಡಗಿದ್ದರು. ಇತ್ತೀಚೆಗೆ ಸಾಂಗ್‌ ಶೂಟಿಂಗ್‌ ಸೆಟ್‌ನ ಫೋಟೊ ಲೀಕ್‌ ಆಗಿ ವೈರಲ್‌ ಆಗಿತ್ತು.
ಮೈತ್ರಿ ಮೂವೀ ಮೇಕರ್ಸ್ ನಿರ್ಮಾಣದ ಈ ಚಿತ್ರವನ್ನು ಸುಕುಮಾರ್ ನಿರ್ದೇಶಿಸುತ್ತಿದ್ದು, ʼಪುಷ್ಪʼದ ಕಲಾವಿದರೇ ಇಲ್ಲೂ ಮುಂದುವರಿದಿದ್ದಾರೆ. ಫಹದ್‌ ಫಾಸಿಲ್‌, ಡಾಲಿ ಧನಂಜಯ್‌, ತಾರಕ್‌ ಪೊನ್ನಪ್ಪ, ಪ್ರಕಾಶ್‌ ರೈ ಮತ್ತಿತರರು ಮುಖ್ಯ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಈಗಾಗಲೇ ರಿಲೀಸ್‌ ಆಗಿರುವ 2 ಹಾಡುಗಳು ಹಿಟ್‌ ಲಿಸ್ಟ್‌ ಸೇರಿವೆ. ಈ ಚಿತ್ರ ಬಾಕ್ಸ್‌ ಆಫೀಸ್‌ನಲ್ಲಿ ದಾಖಲೆ ನಿರ್ಮಿಸಲಿದೆ ಎಂದೇ ಸಿನಿ ಪಂಡಿತರು ಭವಿಷ್ಯ ನುಡಿದಿದ್ದಾರೆ.
ಈ ಸುದ್ದಿಯನ್ನೂ ಓದಿ: Pushpa 2 Trailer: ಮತ್ತೆ ರೂಲ್‌ ಮಾಡಲು ಅಲ್ಲು ಅರ್ಜುನ್‌-ರಶ್ಮಿಕಾ ರೆಡಿ; ‘ಪುಷ್ಪ 2’ ಪವರ್‌ಫುಲ್‌ ಟ್ರೈಲರ್‌ ಔಟ್‌
