ಚೆನ್ನೈ: ನಟ ರಾಮ್ ಚರಣ್ ಅವರಿಗೆ ಚೆನ್ನೈನಲ್ಲಿರುವ ವೇಲ್ಸ್ ವಿಶ್ವವಿದ್ಯಾಲಯದಿಂದ ಅವರಿಗೆ ಗೌರವ ಡಾಕ್ಟರೇಟ್ ಘೋಷಿಸಿದೆ.
ಏ.13 ರಂದು ವೇಲ್ಸ್ ವಿಶ್ವವಿದ್ಯಾಲಯದಲ್ಲಿ ನಡೆಯಲಿರುವ ವಿಶ್ವವಿದ್ಯಾಲಯದ ಮುಂಬರುವ ಪದವಿ ಪ್ರದಾನ ಸಮಾರಂಭ ದಲ್ಲಿ ಚರಣ್ ಮುಖ್ಯ ಅತಿಥಿಯಾಗಿ ಕಾರ್ಯನಿರ್ವಹಿಸಲಿದ್ದಾರೆ. ಈ ಸಂದರ್ಭದಲ್ಲಿ ಅವರಿಗೆ ಅಧಿಕೃತವಾಗಿ ಗೌರವ ಡಾಕ್ಟರೇಟ್ ಪ್ರದಾನ ಮಾಡಲಾಗುವುದು.
‘ಆರ್ ಆರ್ ಆರ್ ‘ ಚಿತ್ರದಲ್ಲಿನ ಪಾತ್ರಕ್ಕಾಗಿ ಅವರ ಅಂತರರಾಷ್ಟ್ರೀಯ ಮೆಚ್ಚುಗೆಯ ನಂತರ ಈ ಮಾನ್ಯತೆ ಬಂದಿದೆ. ಇದು ‘ಗ್ಲೋಬಲ್ ಸ್ಟಾರ್’ ಆಗಿ ಅವರ ಸ್ಥಾನಮಾನವನ್ನು ಮತ್ತಷ್ಟು ಗಟ್ಟಿಗೊಳಿಸಿದೆ.
ಚರಣ್ ಅವರೊಂದಿಗೆ, ಇಸ್ರೋದ ಚಂದ್ರಯಾನದ ಯೋಜನಾ ಸಂಯೋಜಕ ಡಾ.ಪಿ.ವೀರಮುತ್ತುವೇಲ್ ಮತ್ತು ಇತರ ಹಲವಾರು ಗೌರವಾನ್ವಿತ ಜನರು ಈ ವರ್ಷದ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.
