ಹೈದರಾಬಾದ್‌ : ಅಲ್ಲು ಅರ್ಜುನ್‌ (Allu Arjun) ಅಭಿನಯದ ಪುಷ್ಪಾ 2 ಟ್ರೈಲರ್‌ (Pushpa 2 trailer) ಬಿಡುಗಡೆಯಾಗಿದ್ದು, ಸಿನಿಮಾ ಮೇಲಿನ ನಿರೀಕ್ಷೆಯನ್ನು ಇನ್ನಷ್ಟು ಹೆಚ್ಚಿಸಿವೆ. ಬಿಹಾರದ ಪಾಟ್ನಾದಲ್ಲಿ (Patna) ಅಭಿಮಾನಿಗಳ ಎದುರು ಟ್ರೇಲರ್‌ ಬಿಡುಗಡೆ ಮಾಡಲಾಗಿದೆ. ಈ ಹೈವೋಲ್ಟೇಜ್‌ ಟ್ರೈಲರ್‌ ನೋಡಿ ಸಿನಿ ಪ್ರಿಯರು ಖುಷಿಯಾಗಿದ್ದಾರೆ. ಭಾರತೀಯ ಚಿತ್ರರಂಗದ ಅತ್ಯುತ್ತಮ ನಿರ್ದೇಶಕ ಎಸ್‌. ಎಸ್‌. ರಾಜಮೌಳಿ (SS Rajamouli) ಕೂಡ ಸಿನಿಮಾ ನೋಡಿ ಖುಷಿಯಾಗಿದ್ದು, ಸೋಶಿಯಲ್‌ ಮೀಡಿಯಾದಲ್ಲಿ ತಮ್ಮ ಅಭಿಪ್ರಾಯವನ್ನು ಹಂಚಿಕೊಂಡಿದ್ದಾರೆ.
ಬಾಹುಬಲಿ, ಆರ್‌ಆರ್‌ಆರ್‌ ನಂತಹ ಹಿಟ್‌ ಚಿತ್ರಗಳನ್ನು ನೀಡಿದ ರಾಜಮೌಳಿ ಅವರು ಪುಷ್ಪಾ 2ರ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಪಾಟ್ನಾದಲ್ಲಿ ಶುರುವಾದ ಕಾಡ್ಗಿಚ್ಚು ಡಿಸೆಂಬರ್‌ 5 ರಂದು ವಿಶ್ವದಾದ್ಯಂತ ಹಬ್ಬುತ್ತದೆ. ಪಾರ್ಟಿಗಾಗಿ ಕಾಯಲು ಸಾಧ್ಯವಿಲ್ಲ ಪುಷ್ಪಾ ಎಂದು ಚಿತ್ರತಂಡಕ್ಕೆ ಶುಭ ಹಾರೈಸಿದ್ದಾರೆ.
WILDFIRE started in Patna!!
— rajamouli ss (@ssrajamouli) November 18, 2024
Spreading across the country!!
Explodes on Dec 5th!!!
CAN’T WAIT for the party PUSHPA!!!
ಬಿಹಾರದ ಪಾಟ್ನಾದಲ್ಲಿ ಟ್ರೈಲರ್‌ ಲಾಂಚ್‌ ನಡೆದಿದ್ದು, ಲಕ್ಷಾಂತರ ಅಭಿಮಾನಿಗಳು ಸೇರಿದ್ದರು. ದಕ್ಷಿಣ ಭಾರತದ ನಟನೊಬ್ಬನಿಗೆ ಉತ್ತರ ಭಾರದಲ್ಲಿಯೂ ಇಷ್ಟು ಅಭಿಮಾನಿಗಳಿರುವುದು ಪುಷ್ಪಾ ಸಿನಿಮಾದ ಕ್ರೇಜ್‌ ಮತ್ತಷ್ಟು ಹೆಚ್ಚಿಸಿದೆ.
No, this is not a scene from any political rally, these scenes are from the trailer launch of Pushpa 2 at Gandhi Maidan, Patna. 😭 #Pushpa2 #AlluArjun pic.twitter.com/WlTGcLlb5z
— Prayag (@theprayagtiwari) November 17, 2024
ಪುಷ್ಪಾ1 ಕ್ಕಿಂತ ಹೆಚ್ಚು ಸಾಹಸ ದೃಶ್ಯಗಳಿದ್ದು, ಅಲ್ಲು ಅರ್ಜುನ್‌ ಆ್ಯಕ್ಷನ್‌ ಸಿನಿಮಾದಲ್ಲಿ ಮಿಂಚಲಿದ್ದಾರೆ. ಮೊದಲ ಭಾಗಕ್ಕಿಂತ ಎರಡನೇ ಭಾಗದಲ್ಲಿ ಪುಷ್ಪರಾಜ್‌ ಲುಕ್‌ ವಿಭಿನ್ನವಾಗಿದೆ. ಮಲಯಾಳಂ ನಟ ಫಹಾದ್‌ ಕೂಡ ಚಿತ್ರದಲ್ಲಿ ನಟಿಸಿದ್ದು , ಪೊಲೀಸ್‌ ಪಾತ್ರದಲ್ಲಿ ಮಿಂಚಿದ್ದಾರೆ. ರಶ್ಮಿಕಾ ಇಲ್ಲಿಯೂ ಶ್ರೀವಲ್ಲಿಯಾಗಿ ಕಾಣಿಸಿಕೊಂಡಿದ್ದಾರೆ. ಕನ್ನಡದ ನಟ ಡಾಲಿ ಧನಂಜಯ ಕೂಡ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಮೈತ್ರಿ ಮೂವಿ ಮೇಕರ್ಸ್‌ ಈ ಚಿತ್ರವನ್ನು ನಿರ್ಮಿಸಿದ್ದು, ಸುಕುಮಾರ್‌ ಕಥೆ ಬರೆದು ನಿರ್ದೇಶಿಸಿದ್ದಾರೆ. ಡಿಸೆಂಬರ್‌ 2 ರಂದು ವಿಶ್ವದಾದ್ಯಂತ ಬಿಡುಗಡೆಗೆ ರೆಡಿ ಆಗಿದೆ.
ಇದನ್ನೂ ಓದಿ: Pushpa 2: ಗನ್‌ ಹಿಡಿದು ‘ಪುಷ್ಪ 2’ ಲುಕ್‌ನಲ್ಲಿ ಮಿಂಚಿದ ಕ್ರಿಕೆಟಿಗ ವಾರ್ನರ್‌
ಪುಷ್ಪಾ ಪ್ಯಾನ್‌ ಇಂಡಿಯಾ ಚಿತ್ರವಾಗಿದ್ದು, ಹಿಂದಿ, ತೆಲಗು, ತಮಿಳು,ಕನ್ನಡ ಮಲಯಾಳಂ ಸೇರಿದಂತೆ ಹಲವು ಭಾಷೆಗಳಲ್ಲಿ ಬಿಡುಗಡೆಗೆ ಸಜ್ಜಾಗಿದೆ. ಸಿನಿಮಾದ ಹಾಡುಗಳು ಈಗಾಗಲೇ ಟ್ರೆಂಡ್‌ ಸೃಷ್ಟಿಸಿವೆ.
