BBK 11: ನಾಮಿನೇಷನ್​ನಿಂದ ಬಚಾವ್ ಆಗಲು ಹರಸಾಹಸ: ಕ್ಯಾಪ್ಟನ್ ವಿರುದ್ಧ ರೊಚ್ಚಿಗೆದ್ದ ಸ್ವರ್ಗ ವಾಸಿಗಳು

ಬಿಗ್ ಬಾಸ್ ಕನ್ನಡ ಸೀಸನ್ 11 ರಲ್ಲಿ (Bigg Boss Kannada 11) ಎರಡನೇ ವಾರ ನಡೆಯುತ್ತಿದ್ದು, ಸ್ಪರ್ಧಿಗಳು ಟಾಸ್ಕ್​ನಲ್ಲಿ ಮುಳುಗಿ ಹೋಗಿದ್ದಾರೆ. ನಾಮಿನೇಷನ್​ನಿಂದ ಪಾರಾಗಲು ಬಿಗ್ ಬಾಸ್ ಒಂದೊಂದೆ ಟಾಸ್ಕ್ ನೀಡುತ್ತಿದ್ದಾರೆ. ಇದರಲ್ಲಿ ಗೆದ್ದ ತಂಡದ ಸದಸ್ಯರಿಗೆ ನಾಮಿನೇಷನ್​ನಿಂದ ಬಚಾವ್ ಆಗಲು ಅವಕಾಶ ನೀಡಲಾಗುತ್ತಿದೆ. ಹೀಗಾಗಿ ಟಾಸ್ಕ್ ಗೆಲ್ಲುವುದು ಪ್ರತಿ ತಂಡಕ್ಕೆ ಮುಖ್ಯವಾಗಿದೆ. ಇವುಗಳ ಮಧ್ಯೆ ಕ್ಯಾಪ್ಟನ್ ಹಂಸ ಅವರು ತೆಗೆದುಕೊಂಡ ನಿರ್ಧಾರಗಳು ಮನೆಯವರ ಅಸಮಾಧಾನಕ್ಕೆ ಕಾರಣವಾಗಿದೆ.

ನಿನ್ನೆ (ಅ. 9) ಕೂಡ ಕ್ಯಾಪ್ಟನ್ ಹಂಸ ಮತ್ತು ನರಕ ವಾಸಿಗಳು-ಸ್ವರ್ಗ ವಾಸಿಗಳ ಮಧ್ಯೆ ದೊಡ್ಡ ಜಗಳ ಆಗಿತ್ತು. ಟಾಸ್ಕ್​ನ ಉಸ್ತುವಾರಿ ನಿಭಾಹಿಸಿದ ಹಂಸ ಅಲ್ಲಲ್ಲಿ ಎಡವಟ್ಟು ಮಾಡಿಕೊಂಡಿದ್ದರು. ನಿಯಮವನ್ನು ಸರಿಯಾಗಿ ಹೇಳದೆ ಗೊಂದಲ ಸೃಷ್ಟಿಸಿದ್ದರು. ಇದು ಇಂದು ಕೂಡ ಮುಂದುವರೆದಂತೆ ಕಾಣುತ್ತಿದೆ.

ಟಾಸ್ಕ್​ ವೇಳೆ ಹಂಸ ಅವರು ನರಕದ ಪರವಾಗಿ ತೀರ್ಪು ಕೊಟ್ಟಿದ್ದಾರೆ. ಈ ತೀರ್ಪಿನಿಂದ ಇಡೀ ಮನೆ ಹೊತ್ತಿ ಉರಿದಿದೆ. ಸ್ವರ್ಗದವರು ಹಂಸಾ ವಿರುದ್ಧ ತಿರುಗಿ ಬಿದ್ದಿದ್ದಾರೆ. ಡಿಸಿಷನ್ ಕೊಡಬೇಕಾದರೆ ಯೋಚನೆ ಮಾಡಿ ಕೊಡ್ಬೇಕು ಎಂದು ಹಂಸ ಬಳಿ ಭವ್ಯಾ ರೇಗಾಡಿದ್ದಾರೆ. ಯಾಕೆ ನಿಯತ್ತಿಲ್ವ ನಿಮ್ಗೆ ಎಂದು ಉಗ್ರಂ ಮಂಜು ಕೂಡ ಕ್ಯಾಪ್ಟನ್ ವಿರುದ್ಧ ರೈಸ್ ಆಗಿದ್ದಾರೆ. ಒಟ್ಟಿನಲ್ಲಿ ಇಂದು ಕೂಡ ದೊಡ್ಮನೆಯೊಳಗೆ ಮಹಾ ಕಾಳಗ ನಡೆಯಲಿದೆ.

ಟಾಸ್ಕ್ ಗೆದ್ದಾಗಿದೆ; ಈಗ ನಾಮಿನೇಷನ್‍‍ನಿಂದ ಸೇಫ್ ಆಗೋರು ಯಾರು?

ಬಿಗ್ ಬಾಸ್ ಕನ್ನಡ ಸೀಸನ್ 11 | ಸೋಮ-ಶುಕ್ರ 9:30#BiggBossKannada11 #BBK11 #HosaAdhyaya #ColorsKannada #BannaHosadaagideBandhaBigiyaagide #ಕಲರ್‌ಫುಲ್‌‌ಕತೆ #colorfulstory #Kicchasudeepa pic.twitter.com/OnPjpv1ugp

— Colors Kannada (@ColorsKannada) October 10, 2024

ಬಿಗ್ ಬಾಸ್ ಮನೆಯಲ್ಲಿದೆಯಾ ದೆವ್ವ?:

ಬಿಗ್ ಬಾಸ್ ಅಡುಗೆ ಮನೆಯಲ್ಲಿ ಯಾರೂ ಇಲ್ಲದಿರುವಾಗ ಪಿಂಗಾಣಿ ತಟ್ಟೆಯೊಂದು ಕೆಳಕ್ಕೆ ಬಿದ್ದು ಒಡೆದಿದೆ. ತಟ್ಟೆ ಬಿದ್ದ ಸಪ್ಪಳಕ್ಕೆ ಗಾಬರಿಯಲ್ಲಿಯೇ ಮನೆಮಂದಿ ಎದ್ದು ಅಡುಗೆ ಕೋಣೆಯತ್ತ ಓಡಿ ಬರುತ್ತಾರೆ. ಆದರೆ, ಅಲ್ಲಿ ಯಾರೂ ಕೂಡ ಇರುವುದಿಲ್ಲ. ಬಿದ್ದ ತಟ್ಟೆಯ ತುಣುಕುಗಳನ್ನು ತುಂಬಿ ಡಸ್ಟ್‌ಬಿನ್‌ಗೆ ಹಾಕಿ ಇತ್ತ ಬರುತ್ತಿದ್ದಂತೆ, ಮತ್ತೊಂದು ತಟ್ಟೆ ಬಿದ್ದ ಸದ್ದಾಗಿದೆ. ಬಿಗ್ ಬಾಸ್ ಮನೆಯಲ್ಲಿ ನಡೆದ ಈ ಘಟನೆಯಿಂದ ಎಲ್ಲರೂ ಗಾಬರಿಯಾಗಿದ್ದಾರೆ.

ಅಯ್ಯೋ ಈ ಮನೆಯಲ್ಲಿ ದೆವ್ವ ಇದೆ ಅಂತ ಅನಿಸ್ತಿದೆ ಎಂದು ಐಶ್ವರ್ಯಾ ಸಿಂಧೋಗಿ ಹೇಳಿದ್ದಾರೆ. ನನ್ನ ತಲೆಯಲ್ಲಿ ಅದೇ ಓಡ್ತಿದೆ. ನನಗೆ ಈ ಮನೆಯಲ್ಲಿ ಯಾವುದೂ ಸೂಪರ್‌ ನ್ಯಾಚುಲರ್‌ ಆಕ್ಟಿವಿಟಿ ಆಗ್ತಿದೆಯಾ ಎಂದು ಅನಿಸ್ತಿದೆ ಎಂದು ಸರ್ಧಿಗಳು ಹೇಳಿದ್ದಾರೆ. ಆದರೆ, ನೆಗೆಟಿವ್‌ ಎನರ್ಜಿ ಡೆಸ್ಟ್ರಾಯ್‌ ಆಗ್ತಿದೆ ಅಂತ ಅಂದುಕೊಳ್ಳಿ, ದೆವ್ವ ಗಿವ್ವ ಇಲ್ಲ. ಯಾವುದೇ ಸ್ಥಳದಲ್ಲಿಯೂ ಧನಾತ್ಮಕ ಮತ್ತು ಋಣಾತ್ಮಕ ಶಕ್ತಿ ಇದ್ದೇ ಇರುತ್ತದೆ ಎಂದು ಗೌತಮಿ ಹೇಳಿದ್ದಾರೆ.

BBK 11: ಬಿಗ್ ಬಾಸ್ ಮನೆಯಲ್ಲಿದೆಯಾ ದೆವ್ವ?: ಈ ವಿಡಿಯೋದಲ್ಲಿ ಇರುವುದೇನು?