ಬಿಗ್ ಬಾಸ್ ಕನ್ನಡ ಸೀಸನ್ 11 (Bigg Boss Kannada 11) ಆರಂಭದಿಂದಲೂ ಉತ್ತಮ ಬಾಂಡಿಂಗ್ ಕಾಪಾಡಿಕೊಂಡು ಬಂದಿದ್ದ ಉಗ್ರಂ ಮಂಜು-ಗೌತಮಿ ಜಾಧವ್ ಹಾಗೂ ಮೋಕ್ಷಿತಾ ನಡುವಣ ಅಣ್ಣ-ತಂಗಿ ಸಂಬಂಧದಲ್ಲಿ ಈ ವಾರ ಬಿರುಕು ಮೂಡಿತ್ತು. ಮೂವರು ಟಾಸ್ಕ್ ಮಧ್ಯೆ ಮನೆಯೊಳಗೆ ಜಗಳ ಆಡಿದ್ದರು. ಮುಖ್ಯವಾಗಿ ಉಗ್ರಂ ಮಂಜು ಆಡಿದ ರೀತಿಗೆ ಗೌತಮಿ ಅವರು ಅಸಮಾಧಾನಗೊಂಡು ಕಿರುಚಾಡಿದ್ದರು. ಕೆಲ ಸಮಯ ದೂರ-ದೂರ ಆಗಿದ್ದ ಇವರು ದಿನ ಮುಗಿಯುವ ಹೊತ್ತಿಗೆ ಮತ್ತೆ ಒಂದಾಗಿದ್ದರು. ಆದರೀಗ ಈ ಗುಂಪಿನಿಂದ ಮೋಕ್ಷಿತಾ ದೂರವಾಗಿದ್ದಾರೆ.
ಮೊನ್ನೆ ಚೆಂಡನ್ನು ಗೋಲ್ಗೆ ತಳ್ಳುವ ಆಟದಲ್ಲಿ ಉಗ್ರಂ ಮಂಜು ಇನ್ನೊಂದು ತಂಡದ ಜೊತೆಗೆ ಕೈಜೋಡಿಸಿ ಗೆಳೆಯರಾದ ಗೌತಮಿ ಮತ್ತು ಮೋಕ್ಷಿತಾ ತಂಡಕ್ಕೆ ಕೈಕೊಟ್ಟಿದ್ದಾರೆ. ಇದು ಗೌತಮಿ-ಮೋಕ್ಷಿತಾಗೆ ತೀವ್ರ ಸಿಟ್ಟು ತರಿಸಿತು. ಮಂಜು ಹೈಲೆಟ್ ಆಗೋದಿಕ್ಕೆ ನೋಡುತ್ತಿದ್ದಾರೆ ಬಂದಾಗಿನಿಂದಲೂ. ನೀವು ಒಬ್ಬರೇ ಬಂದಿರೋದು, ನಿಮಗಾಗಿ ಅಷ್ಟೇ ಆಡಿ ಎಂದು ಮೋಕ್ಷಿತಾ ಹೇಳಿದ್ದರು.
ಆದರೆ, ರಾತ್ರಿ ವೇಳೆಗೆ ಮೂವರು ಕುಳಿತುಕೊಂಡು ಮಾತನಾಡಿ ಪುನಃ ಒಂದಾಗಿದ್ದರು. ಮಂಜು ಅವರು ಸ್ವಾರಿ ಎಂದು ಇಬ್ಬರ ಬಳಿ ಕೇಳಿದ್ದರು. ಆದರೀಗ ಅಣ್ಣ-ತಂಗಿ ಸಂಬಂಧಕ್ಕೆ ಮೋಕ್ಷಿತಾ ಇತಿಶ್ರೀ ಹಾಡಿದ್ದಾರೆ. ನಾನು ಈ ಅಣ್ಣ-ತಂಗಿ ಸಂಬಂಧಕ್ಕೆ ಫುಲ್ ಸ್ಟಾಪ್ ಇಡುತ್ತಿದ್ದೇನೆ ಎಂದು ಮೋಕ್ಷಿತಾ ಅವರು ನೇರವಾಗಿ ಮಂಜು ಬಳಿಯೇ ಹೇಳಿದ್ದಾರೆ.
ನಾನಂತೂ ಬರಲ್ಲ ಮಂಜಣ್ಣ, ಅಲ್ಲಿ ಕೂತ್ಕುಂಡು ಮಾತನಾಡೋಕೆ ಬರಲ್ಲ ಅಷ್ಟೇ. ಇನ್ಮುಂದೆ ನನ್ನ ನಿರ್ಧಾರವೇ ಬೇರೆ ಆಗಿದೆ. ನಮ್ಮ ನಡುವೆ ಇರುವ ಅಣ್ಣ-ತಂಗಿ ಬಾಂಡ್‌ ಇರುವಷ್ಟು ನಮ್ಮ ನಿರೀಕ್ಷೆಗಳು ಬೇರೇ ಥರ ಇರುತ್ತದೆ. ಅದೆಲ್ಲದಕ್ಕೂ ಫುಲ್ ಸ್ಟಾಪ್ ಅಷ್ಟೇ. ಇದೆಲ್ಲ ಇವತ್ತೇ ಮುಗೀತು. ಗೊತ್ತಿಲ್ಲ ಈ ವಾರ ಏನು ಆಗುತ್ತದೆ ಅಂಥ. ನಾವು ಫ್ಲೆಶ್‌ ಔಟ್‌ ಆಗುತ್ತೇವೆ ಅಂಥ ಮಾತು ಬಂದದ್ದೇ ನಿಮ್ಮಿಂದ. ಇದೆಲ್ಲ ನನಗೆ ನಿಮ್ಮ ಬಳುವಳಿ ಅಷ್ಟೇ ಎಂದು ಮೋಕ್ಷಿತಾ ಅವರು ಮಂಜುಗೆ ಹೇಳಿದ್ದಾರೆ.
BBK 11: ಹನುಮಂತನ ರಿಯಲ್ ಗೇಮ್ ಕಂಡು ದಂಗಾದ ಮನೆಮಂದಿ: ವೀಕ್ಷಕರು ಕೂಡ ಶಾಕ್
