ಬಿಗ್ ಬಾಸ್ ಕನ್ನಡ ಸೀಸನ್ 11 (Bigg Boss Kannada 11) ಇದೀಗ ಸಾಕಷ್ಟು ರೋಚಕತೆ ಸೃಷ್ಟಿಸಿದೆ. ಮನೆಗೆ ಇಬ್ಬರು ಹೊಸ ಸ್ಪರ್ಧಿಗಳು ವೈಲ್ಡ್ ಕಾರ್ಡ್ ಮೂಲಕ ಎಂಟ್ರಿ ಕೊಟ್ಟಿದ್ದಾರೆ. ಇದೀಗ ಮನೆಯ ವಾತಾವರಣ ಸಂಪೂರ್ಣ ಬದಲಾಗಿದೆ. ಶೋಭಾ ಶೆಟ್ಟಿ ಮತ್ತು ರಂಜಿತ್ ಬುಜ್ಜಿ ಇಬ್ಬರು ಸ್ಟ್ರಾಂಗ್ ಕಂಟೆಸ್ಟೆಂಟ್ ಮನೆಗೆ ಕಾಲಿಟ್ಟಿರುವುದರಿಂದ ಇತರೆ ಸದಸ್ಯರಿಗೆ ಕೊಂಚ ಢವ ಢವ ಶುರುವಾಗಿದೆ. ಇವರನ್ನು ಹುಟ್ಟಡಗಿಸಲು ಮನೆಯ ಕೆಲ ಸದಸ್ಯರು ಮಾಸ್ಟರ್ ಪ್ಲ್ಯಾನ್ ಕೂಡ ರೂಪಿಸುತ್ತಿದ್ದಾರೆ.
ತ್ರಿವಿಕ್ರಮ್ ಅವರ ಬಗ್ಗೆ ಮಾತನಾಡಿದ ರಜತ್, ನೀವು ಈ 50 ದಿನಗಳಲ್ಲಿ ಸಾಧಿಸಿರೋದನ್ನು ನಾನು ವೈಲ್ಡ್ಕಾರ್ಡ್ ಎಂಟ್ರಿ ಮೂಲಕ ಮಾಡಿ ತೋರಿಸುತ್ತೇನೆ ಎಂದು ಹೇಳಿದ್ದಾರೆ. ಹಾಗೆಯೆ ಉಗ್ರಂ ಮಂಜು ಬಗ್ಗೆಯೂ ಖಡಕ್ ಆಗಿ ಮಾತನಾಡಿದ್ದಾರೆ. ಇದೀಗ ರಜತ್ಗೆ ಪಾಠ ಕಲಿಸಲು ತ್ರಿವಿಕ್ರಮ್-ಮಂಜು ಜೊತೆಯಾಗಿದ್ದಾರೆ.
ತ್ರಿವಿಕ್ರಮ್ ಮತ್ತು ಧರ್ಮ ಕಿಚನ್ನಲ್ಲಿ ಅಡುಗೆ ತಯಾರಿ ನಡೆಸುತ್ತಿರುವಾಗ ಉಗ್ರಂ ಮಂಜು ಅಲ್ಲಿಗೆ ಬರುತ್ತಾರೆ. ಆಗ ತ್ರಿವಿಕ್ರಮ್ ಅವರು ‘ಅಣ್ಣಾ ನಿನಗೆ ಆತ ಪರಿಚಯನಾ?’ (ರಜತ್) ಎಂದು ಮಂಜು ಬಳಿ ಕೇಳುತ್ತಾರೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಮಂಜು, ರಜತ್ ಬಗ್ಗೆ ಏಕವಚನದಲ್ಲೇ ಮಾತನಾಡಿ, ಆತ ರೀಲ್ಸ್ ಮಾಡಿಕೊಂಡಿದ್ದ. ಬಿಎಂಡಬ್ಲ್ಯೂ ಕಾರು ತೆಗೆದುಕೊಂಡು ಅಲ್ಲಿ, ಇಲ್ಲಿ ಸುತ್ತಾಡಿಕೊಂಡಿದ್ದ. ಒಂದಷ್ಟು ಸೀರಿಯಲ್ ಆರ್ಟಿಸ್ಟ್ಗಳ ಪರಿಚಯ ಕೂಡ. ಭವ್ಯ ಗೌಡಗೂ ಆತ ಪರಿಚಯ ಎಂದು ಹೇಳಿದ್ದಾರೆ.
ಮಾತು ಮುಂದುವರೆಸಿದ ಮಂಜು, ಹಾಕು ಮಗ.. ಹೇಳ್ತೀನಿ.. ಒಂದು ರೌಂಡು. ನಾವು ಏನು ಎಂದು ತಟ್ಟಿ ಕಳುಹಿಸುತ್ತಾ ಇರೋಣ. ಅದೇನೇ ಆಗಿರಲಿ, ನಾವು ನಮ್ಮದು. ನಾವು ಬಿಟ್ಟು ಕೊಡುವ ಸೀನೇ ಇಲ್ಲ ಎಂದು ಹೇಳಿದ್ದಾರೆ. ಇದಕ್ಕೆ ತ್ರಿವಿಕ್ರಮ್ ಅವರು ಅಷ್ಟೊಂದು ಇಲ್ಲ ಎನ್ನುತ್ತಾರೆ. ಹೀಗೆ ರಜತ್ ಅವರನ್ನು ಹೊಡೆದುರುಳಿಸಲು ಮಂಜು-ತ್ರಿವಿಕ್ರಮ್ ದೊಡ್ಡ ಸ್ಕೆಚ್ ಹಾಕಿದಂತಿದೆ.
ಯಾರು ಈ ರಜತ್?:
ರಂಜಿತ್ ಅವರು ನಟರಾಗಿದ್ದು, ಕಿರುತೆರೆ ಧಾರಾವಾಹಿಗಳಲ್ಲಿ ಅವರು ಕಾಣಿಸಿಕೊಂಡಿದ್ದಾರೆ. 2013ರಲ್ಲಿ ಕನ್ನಡ ಕಿರುತೆರೆಯ ರಿಯಾಲಿಟಿ ಶೋ ಮೂಲಕ ಜನರಿಗೆ ಪರಿಚಯವಾದ ರಜತ್, ಪಕ್ಕಾ ಫ್ಯಾಮಿಲಿ ಮ್ಯಾನ್ ಆಗಿ ಬ್ಯುಸಿನೆಸ್ ನೋಡಿಕೊಳ್ಳುತ್ತಿದ್ದಾರೆ. ರಜತ್ ಕೆಲವು ದಿನಗಳ ಹಿಂದೆ ದರ್ಶನ್-ರೇಣುಕಾಸ್ವಾಮಿ ಘಟನೆ ಬಗ್ಗೆ ಧ್ವನಿ ಎತ್ತಿದ್ದರು.
BBK 11: ಬಿಗ್ ಬಾಸ್ ಮನೆಯಲ್ಲಿ ಹೊತ್ತಿ ಉರಿದ ನಾಮಿನೇಷನ್ ಬೆಂಕಿ: ತಾರಕಕ್ಕೇರಿದ ಮಂಜು-ತ್ರಿವಿಕ್ರಮ್ ಗಲಾಟೆ
