ಹರಿಯಾಣ: ಹರಿಯಾಣದ ಜಿಂದ್ ಜಿಲ್ಲೆಯಲ್ಲಿ ಮಂಗಳವಾರ ಮಿನಿ ಟ್ರಕ್‌ ಮತ್ತು ಲಾರಿ ನಡುವೆ ಡಿಕ್ಕಿ ಹೊಡೆದ ಪರಿಣಾಮ ಒಂದೇ ಕುಟುಂಬದ ಆರು ಮಂದಿ ಮೃತಪಟ್ಟು, 17 ಮಂದಿ ಗಾಯಗೊಂಡಿದ್ದಾರೆ.
ನಾರ್ನಾಂಡ್‌ನ ಒಂದೇ ಕುಟುಂಬದ 23 ಜನರು ಹರಿದ್ವಾರಕ್ಕೆ ಸದಸ್ಯರೊಬ್ಬರ ಚಿತಾಭಸ್ಮವನ್ನು ನದಿಗೆ ವಿಸರ್ಜಿಸಿ ಹಿಂದಿರುಗುತ್ತಿದ್ದಾಗ ಬೆಳಗ್ಗೆ ದುರ್ಘಟನೆ ನಡೆದಿದೆ.
ಮೃತರನ್ನು ಪಂಜಾಬ್ ಮೂಲದ ಚನ್ನೋ (45), ಶಿಶ್ಪಾಲ್ (39), ಅಂಕುಶ್ (15), ಧನ್ನಾ (70), ಸುರ್ಜಿ ದೇವಿ (65) ಮತ್ತು ಕುಟುಂಬದ ಅಪರಿಚಿತ ಸಂಬಂಧಿ ಎಂದು ಅಧಿಕಾರಿಗಳು ಗುರುತಿಸಲಾಗಿದೆ.
ಗಾಯಗೊಂಡವರನ್ನು ಸ್ಥಳೀಯ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಘಟನೆ ನಡೆಯುತ್ತಿದ್ದಂತೆ ಲಾರಿ ಚಾಲಕ ಸ್ಥಳದಿಂದ ಪರಾರಿಯಾಗಿದ್ದಾನೆ. ಈ ಬಗ್ಗೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.
