ವಿಮಾನದಲ್ಲಿ ಪ್ರಯಾಣಿಸುವ ಯೋಜನೆ ಇದೆಯೇ? ಹಾಗಿದ್ದರೆ ಗಮನಿಸಿ. ವಿಮಾನ ನಿಲ್ದಾಣದ (Airport Rules) ಕೆಲವೊಂದು ನಿಯಮಗಳು ಬದಲಾಗಲಿವೆ.
ಪ್ರಯಾಣಿಕರ ಸುರಕ್ಷತೆಗಾಗಿ ವಿಮಾನ ನಿಲ್ದಾಣ ಪ್ರಾಧಿಕಾರವು (Airport Authority) ತನ್ನ ನಿಯಮಗಳಲ್ಲಿ ಕೆಲವು ಪ್ರಮುಖ ಬದಲಾವಣೆಗಳನ್ನು ಮಾಡಿದೆ. ಇದು ವಿಶೇಷವಾಗಿ ದುಬೈ ವಿಮಾನ (dubai flight) ಪ್ರಯಾಣಿಕರಿಗಾಗಿ ಆಗಿದೆ.
ವಿಮಾನ ಪ್ರಯಾಣಿಕರು (Dubai passengers) ಸಾಮಾನ್ಯವಾಗಿ ಕ್ಯಾಬಿನ್ ಬ್ಯಾಗ್‌ಗಳಲ್ಲಿ ಔಷಧಗಳಂತಹ ಅಗತ್ಯ ವಸ್ತುಗಳನ್ನು ಕೊಂಡೊಯ್ಯಬಹುದು. ಆದರೆ ದುಬೈಗೆ ಹೋಗುವ ಪ್ರಯಾಣಿಕರಿಗೆ ಇದು ಸಾಧ್ಯವಿಲ್ಲ.
ಬ್ಯಾಗೇಜ್ ಹೊಸ ನಿಯಮಗಳ (baggage rule) ಪ್ರಕಾರ, ಎಲ್ಲಾ ರೀತಿಯ ಔಷಧಗಳನ್ನು ಕ್ಯಾಬಿನ್ ಬ್ಯಾಗ್ ನಲ್ಲಿ ತೆಗೆದುಕೊಂಡು ಹೋಗಲು ಸಾಧ್ಯವಿಲ್ಲ. ಇದರಲ್ಲಿ ಅನುಮತಿಸುವ ವಸ್ತುಗಳನ್ನು ಮಾತ್ರ ಸಾಗಿಸಬಹುದಾಗಿದೆ. ದುಬೈ ಫ್ಲೈಟ್ ಬ್ಯಾಗೇಜ್ ನಿಯಮಗಳಲ್ಲಿ ಈ ಬದಲಾವಣೆಯನ್ನು ಮಾಡಲಾಗಿದೆ.
ಅನೇಕ ಬಾರಿ ಜನರು ತಿಳಿಯದೆ ತಮ್ಮೊಂದಿಗೆ ಕೆಲವು ವಸ್ತುಗಳನ್ನು ತೆಗೆದುಕೊಂಡು ಹೋಗುತ್ತಾರೆ. ಇದನ್ನು ವಿಮಾನದಲ್ಲಿ ಸಾಗಿಸುವುದು ಕಾನೂನು ಅಪರಾಧವೆಂದು ಪರಿಗಣಿಸಲಾಗುತ್ತದೆ.
ಇನ್ನು ಮುಂದೆ ದುಬೈಗೆ ಪ್ರಯಾಣಿಸುವಾಗ ವಿಮಾನದ ಚೆಕ್ ಇನ್ ಬ್ಯಾಗೇಜ್ ಜೊತೆಗೆ ಕ್ಯಾಬಿನ್ ಬ್ಯಾಗೇಜ್‌ನಲ್ಲಿ ಏನನ್ನು ಪ್ಯಾಕ್ ಮಾಡಬಹುದು ಮತ್ತು ಪ್ಯಾಕ್ ಮಾಡಬಾರದು ಎಂಬುದನ್ನು ಮೊದಲೇ ತಿಳಿದುಕೊಳ್ಳುವುದು ಉತ್ತಮ. ದುಬೈಗೆ ಹೋಗುವವರು, ಹೋಗಲು ಯೋಜನೆ ರೂಪಿಸುತ್ತಿರುವವರಿಗೆ ಇದು ಸಹಾಯ ಮಾಡುತ್ತದೆ.
ದುಬೈಗೆ ವಿಮಾನದಲ್ಲಿ ಪ್ರಯಾಣಿಸುವಾಗ ಹಲವಾರು ನಿಯಮಗಳನ್ನು ಅನುಸರಿಸಬೇಕು. ಇದರಲ್ಲಿ ಬ್ಯಾಗ್ ನಲ್ಲಿ ಕೊಂಡೊಯ್ಯಬಾರದ ಕೆಲವು ವಸ್ತುಗಳ ವಿವರ ಇಂತಿದೆ.
ಕೊಕೇನ್, ಹೆರಾಯಿನ್, ಗಸಗಸೆ, ಮತ್ತು ತಲೆತಿರುಗುವಿಕೆಗೆ ಕಾರಣವಾಗುವ ಔಷಧಗಳು, ವೀಳ್ಯದೆಲೆ ಮತ್ತು ಕೆಲವು ಗಿಡಮೂಲಿಕೆಗಳು, ದಂತ ಮತ್ತು ಘೇಂಡಾಮೃಗಗಳ ಕೊಂಬು, ಜೂಜಾಟದ ಉಪಕರಣಗಳು, ಮೂರು ಪದರಗಳ ಮೀನುಗಾರಿಕೆ ಬಲೆಗಳು ಮತ್ತು ಬಹಿಷ್ಕರಿಸಿದ ದೇಶಗಳಿಂದ ಆಮದು ಮಾಡಿಕೊಳ್ಳುವ ಸರಕುಗಳ ಸಾಗಣೆಯನ್ನು ಅಪರಾಧವೆಂದು ಪರಿಗಣಿಸಲಾಗುತ್ತದೆ. ಮುದ್ರಿತ ವಸ್ತು, ತೈಲ ವರ್ಣಚಿತ್ರಗಳು, ಛಾಯಾಚಿತ್ರಗಳು, ಪುಸ್ತಕಗಳು, ಕಲ್ಲಿನ ಶಿಲ್ಪಗಳು, ನಕಲಿ ಕರೆನ್ಸಿ, ಮನೆಯಲ್ಲಿ ಬೇಯಿಸಿದ ಆಹಾರ, ಮತ್ತು ಮಾಂಸಾಹಾರಿ ಆಹಾರವನ್ನು ಸಹ ಕೊಂಡೊಯ್ಯಲು ಸಾಧ್ಯವಿಲ್ಲ.
ಯಾವುದೇ ಪ್ರಯಾಣಿಕರು ನಿಷೇಧಿತ ಈ ವಸ್ತುಗಳನ್ನು ಸಾಗಿಸುತ್ತಿರುವುದು ಕಂಡುಬಂದರೆ ಅವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವ ಸಾಧ್ಯತೆ ಇದೆ.
ಕೆಲವೊಂದು ವಸ್ತುಗಳನ್ನು ಪಾವತಿ ಮಾಡಿ ಪಡೆಯಬಹುದು. ದುಬೈನಲ್ಲಿ ಪ್ರಯಾಣಿಸಲು ಯೋಜಿಸುತ್ತಿದ್ದರೆ ಮುಂಗಡ ಪಾವತಿ ಮಾಡಿ ಅಗತ್ಯವಿರುವ ಹಲವಾರು ಉತ್ಪನ್ನ ಮತ್ತು ಸೇವೆಗಳನ್ನು ಪಡೆಯಬಹುದು.
ಇದರಲ್ಲಿ ಸಸ್ಯಗಳು, ರಸಗೊಬ್ಬರ, ಔಷಧ, ವೈದ್ಯಕೀಯ ಉಪಕರಣ, ಪುಸ್ತಕ, ಸೌಂದರ್ಯವರ್ಧಕ, ಪ್ರಸರಣ ಮತ್ತು ವೈರ್‌ಲೆಸ್ ಸಾಧನಗಳು, ಆಲ್ಕೊಹಾಲ್ಯುಕ್ತ ಪಾನೀಯ, ವೈಯಕ್ತಿಕ ಆರೈಕೆ ಉತ್ಪನ್ನ, ಇ-ಸಿಗರೇಟ್‌ ಮತ್ತು ಎಲೆಕ್ಟ್ರಾನಿಕ್ ಹುಕ್ಕಾಗಳು ಸೇರಿವೆ.
Justin Trudeau: ಭಾರತಕ್ಕೆ ಬೆದರಿದ್ರಾ ಕೆನಡಾ ಪ್ರಧಾನಿ? ತಮ್ಮದೇ ಅಧಿಕಾರಿಗಳನ್ನು ಅಪರಾಧಿ ಎಂದು ಕರೆದ ಟ್ರುಡೋ
ಕೆಲವು ಡ್ರಗ್ಸ್ ಗಳನ್ನು ಕೊಂಡೊಯ್ಯುವುದು ಸಾಧ್ಯವಿಲ್ಲ. ಅವುಗಳಲ್ಲಿ ಬೆಟಾಮೆಥೋಡಾಲ್, ಆಲ್ಫಾ ಮೀಥೈಲ್ಫೆನಾನಿಲ್, ಗಾಂಜಾ, ಕೋಡಾಕ್ಸಿಮ್, ಫೆಂಟಾನಿಲ್, ಮೆಥಡೋನ್, ಅಫೀಮು, ಆಕ್ಸಿಕೊಡೋನ್, ಟ್ರಿಮೆಪೆರಿಡಿನ್, ಫೆನೋಪೆರಿಡಿನ್, ಕ್ಯಾಥಿನೋನ್, ಕೊಡೈನ್, ಆಂಫೆಟಮೈನ್ ಸೇರಿದೆ.
