ರುದ್ರಪ್ರಯಾಗ: ಹಿಮಾಲಯದ ಪವಿತ್ರ ಹಾಗೂ ಪ್ರಮುಖ ದೇವಾಲಯಗಳು ಭಕ್ತರಿಗಾಗಿ ಬಾಗಿಲುಗಳು ತೆರೆಯುವು ದರಿಂದ ಚಾರ್ ಧಾಮ್ ಯಾತ್ರೆ ಶುಕ್ರವಾರದಿಂದ ಪ್ರಾರಂಭವಾಗಿದೆ.
ಬಹಳ ದಿನಗಳ ನಂತರ ಗಂಗೋತ್ರಿ, ಯಮುನೋತ್ರಿ ಮತ್ತು ಕೇದಾರನಾಥ ದೇವಾಲಯಗಳ ಬಾಗಿಲುಗಳು ಏಕಕಾಲದಲ್ಲಿ ಅಂದರೆ ಶುಕ್ರವಾರ ಬೆಳಗ್ಗೆ 6:55 ಕ್ಕೆ ತೆರೆಯಲ್ಪಟ್ಟವು. ಈ ಕ್ಷಣ ಕಣ್ತುಂಬಿಕೊಳ್ಳಲು ಸುಮಾರು 15 ಸಾವಿರ ಯಾತ್ರಿಕರು (ಭಕ್ತರು) ಗಂಗೋತ್ರಿ ಮತ್ತು ಕೇದಾರನಾಥ ಧಾಮ ತಲುಪಿದ್ದರು.
ಚಾರ್ ಧಾಮ್ ಯಾತ್ರೆಗೆಂದು ಹೆಚ್ಚಿನ ಸಂಖ್ಯೆಯಲ್ಲಿ ಭಕ್ತರು ದೇವಸ್ಥಾನಗಳಿಗೆ ಭೇಟಿ ನೀಡುತ್ತಿದ್ದಾರೆ. 35 ಸಾವಿರಕ್ಕೂ ಹೆಚ್ಚು ಯಾತ್ರಾರ್ಥಿಗಳು ವಿವಿಧೆಡೆ ರೈಲು, ಬಸ್ ನಿಲ್ದಾಣಗಳಲ್ಲಿ ತಂಗಿದ್ದಾರೆ. ಮೇ 12 ರಿಂದ ಬದರಿನಾಥ ದೇವಸ್ಥಾನದಲ್ಲಿ ದರ್ಶನ ಆರಂಭವಾಗಲಿದೆ.
ಮೊದಲಿಗೆ ಕೇದಾರನಾಥ ಧಾಮದ ಬಾಗಿಲು ಬೆಳಗ್ಗೆ 6 ಗಂಟೆಗೆ ತೆರೆಯಿತು. ಬಾಬಾ ಕೇದಾರ್ ಪಂಚಮುಖಿ ಚಲ್ ವಿಗ್ರಹದ ಡೋಲಿ ಉತ್ಸವ ಕೂಡ ಶುಕ್ರವಾರ ಮಧ್ಯಾಹ್ನ 6 ಗ್ರೆನೇಡಿಯರ್ ಆರ್ಮಿ ರೆಜಿಮೆಂಟ್ ಬ್ಯಾಂಡ್‌ನ ಸುಮಧುರ ಶಬ್ದಗಳ ನಡುವೆ ಕೇದಾರಪುರಿ ತಲುಪಿತು.
