ನವದೆಹಲಿ: ತೈಲ ಮಾರುಕಟ್ಟೆ ಕಂಪೆನಿಗಳು ಬುಧವಾರದಿಂದ ಜಾರಿಗೆ ಬರುವಂತೆ ವಾಣಿಜ್ಯ ಬಳಕೆಯ ಪ್ರತಿ ಎಲ್’ಪಿಜಿ ಸಿಲಿಂಡರ್ ಬೆಲೆಯನ್ನು 135 ರೂ. ಇಳಿಕೆ ಮಾಡಿವೆ. ಬೆಂಗಳೂರಿನಲ್ಲಿ 19 ಕೆ.ಜಿ. ತೂಕದ ಪ್ರತಿ ಸಿಲಿಂಡರ್ ಬೆಲೆ ರೂ.2,300ಕ್ಕೆ ಇಳಿಕೆಯಾಗಿದೆ.
ನವದೆಹಲಿಯಲ್ಲಿ 19 ಕೆಜಿ ವಾಣಿಜ್ಯ ಬಳಕೆಯ ಪ್ರತಿ ಸಿಲಿಂಡರ್ ಬೆಲೆ 2,355.50 ರೂ. ನಿಂದ 2219.00 ರೂ.ಗೆ ಇಳಿಕೆಯಾಗಿದೆ.
ಮುಂಬೈನಲ್ಲಿ ವಾಣಿಜ್ಯ ಎಲ್ ಪಿಜಿ ಬೆಲೆ ಪ್ರತಿ ಸಿಲಿಂಡರ್ ಗೆ 2307 ರೂ.ನಿಂದ 2171.50ಗೆ, ಕೋಲ್ಕತಾದಲ್ಲಿ 2455 ರೂ. ನಿಂದ 2322 ರೂ.ಗೆ ಹಾಗೂ ಚೆನ್ನೈನಲ್ಲಿ ಗ್ರಾಹಕರು ಇಂದಿನಿಂದ 2,508 ರೂ. ಬದಲಿಗೆ 2, 373 ರೂ.ವ್ಯಯಿಸಬೇಕಾಗಿದೆ.
ಗೃಹ ಬಳಕೆಯ ಸಬ್ಸಿಡಿರಹಿತ ಪ್ರತಿ 14.2 ಕೆಜಿ ತೂಕದ ಎಲ್ ಪಿಜಿ ಸಿಲಿಂಡರ್ ಬೆಲೆಯಲ್ಲಿ ಬದಲಾವಣೆಯಾಗಿಲ್ಲ. ನವದೆಹಲಿ ಯಲ್ಲಿ 1,003 ರೂ. ಹಾಗೂ ಬೆಂಗಳೂರಿನಲ್ಲಿ 14.2 ಕೆಜಿ ತೂಕದ ಸಿಲಿಂಡರ್ ಬೆಲೆ 1,006 ರೂ. ಆಗಿದೆ.
