ನವದೆಹಲಿ: ಸಿಬಿಲ್, ಈಕ್ವಿಫ್ಯಾಕ್ಸ್ ಸೇರಿದಂತೆ 4 ಕ್ರೆಡಿಟ್ ರೇಟಿಂಗ್ ಸಂಸ್ಥೆಗಳಿಗೆ ಭಾರ ತೀಯ ರಿಸರ್ವ್ ಬ್ಯಾಂಕ್ ತಲಾ 25 ಲಕ್ಷ ರೂ.ನಷ್ಟು ದಂಡ ವಿಧಿಸಿದೆ.
ಕ್ರೆಡಿಟ್ ಮಾಹಿತಿ ಕಂಪನಿಗಳ ಕಾಯ್ದೆಯ ಕೆಲ ನಿಯಮಗಳನ್ನು ಉಲ್ಲಂಘಿಸಿದ ಕಾರಣಕ್ಕೆ ಈ ನಾಲ್ಕು ಏಜೆನ್ಸಿಗಳಿಗೆ ದಂಡ ಹಾಕಲಾಗಿದೆ. ಟ್ರಾನ್ಸ್ಯೂನಿಯನ್ ಸಿಬಿಲ್, ಸಿಆರ್ಐಎಫ್ ಹೈಮಾರ್ಕ್ ಕ್ರೆಡಿಟ್ ಇನ್ಫಾರ್ಮೇಶನ್ ಸರ್ವಿಸಸ್ , ಎಕ್ಸ್ಪೀರಿಯನ್ ಕ್ರೆಡಿಟ್ ಇನ್ಫಾರ್ಮೇಶನ್ ಕಂಪನಿ ಮತ್ತು ಈಕ್ವಿಫ್ಯಾಕ್ಸ್ ಕ್ರೆಡಿಟ್ ಇನ್ಫಾರ್ಮೇಶನ್ ಸರ್ವಿಸಸ್ ಸಂಸ್ಥೆಗಳಿಗೆ ದಂಡ ಹಾಕುವ ಮುನ್ನ , ಕಾರಣ ಕೇಳಿ ಶೋಕಾಸ್ ನೋಟೀಸ್ ಜಾರಿ ಮಾಡಲಾಗಿತ್ತು .
ವಿಧಿಸಲಾದ ದಂಡ
- ಟ್ರಾನ್ಸ್ಯೂನಿಯನ್ ಸಿಬಿಲ್: 26 ಲಕ್ಷ ರೂ
- ಸಿಆರ್ಐಎಫ್ ಹೈ ಮಾರ್ಕ್ ಕ್ರೆಡಿಟ್ ಇನ್ಫಾರ್ಮೇಶನ್ ಸರ್ವಿಸಸ್: 25.75 ಲಕ್ಷ ರೂ
- ಎಕ್ಸ್ಪೀರಿಯನ್ ಕ್ರೆಡಿಟ್ ಇನ್ಫಾರ್ಮೇಶನ್ ಕಂಪನಿ: 24.75 ಲಕ್ಷ ರೂ
- ಈಕ್ವಿಫ್ಯಾಕ್ಸ್ ಕ್ರೆಡಿಟ್ ಇನ್ಫಾರ್ಮೇಶನ್ ಸರ್ವಿಸಸ್: 24.25 ಲಕ್ಷ ರೂ
ಸಿಬಿಲ್, ಸಿಆರ್ಐಎಫ್ ಮತ್ತು ಈಕ್ವಿಫ್ಯಾಕ್ಸ್ ಕಂಪನಿಗಳು ಕೆಲ ಕ್ರೆಡಿಟ್ ಮಾಹಿತಿಯನ್ನು ಸಮರ್ಪಕವಾಗಿ ಇಟ್ಟುಕೊಂಡಿಲ್ಲ ಎಂಬುದು ವಿವಿಧ ದಾಖಲೆಗಳ ಪರಿಶೀಲನೆಯಿಂದ ತಿಳಿದು ಬಂದಿದೆ ಎಂದು ಆರ್ಬಿಐ ಆರೋಪಿಸಿದೆ. ಕೆಲ ಸಾಲಗಾರರು ತಮಗೆ ನೀಡಲಾದ ಕ್ರೆಡಿಟ್ ರೇಟಿಂಗ್ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿ ನೀಡಲಾದ ದೂರುಗಳ ವಿಚಾರದಲ್ಲೂ ಈ ಸಂಸ್ಥೆಗಳು ನಿರ್ಲಕ್ಷ್ಯ ವಹಿಸಿವೆ.
