ಡೆಹ್ರಾಡೂನ್‌: ಇತ್ತೀಚೆಗೆ ಡೆಹ್ರಾಡೂನ್‌ನಲ್ಲಿ ನಡೆದ ಭೀಕರ ಅಪಘಾತಕ್ಕೆ ಸಂಬಂಧಿಸಿದಂತೆ ಯಾವುದೇ ರೀತಿಯ ಸುಳ್ಳು ವದಂತಿಗಳನ್ನು ಹಬ್ಬಿಸಬೇಡಿ ಎಂದು ಘಟನೆಯಲ್ಲಿ ಬದುಕುಳಿದ ವಿದ್ಯಾರ್ಥಿಯ ತಂದೆ ವಿನಂತಿಸಿಕೊಂಡಿದ್ದಾರೆ. ಡೆಹ್ರಾಡೂನ್‌ನ ಓಎನ್‌ಜಿಸಿ ಕ್ರಾಸಿಂಗ್‌ ಸಮೀಪ ಈ ಭಯಾನಕ ರಸ್ತೆ ಅಪಘಾತ ಸಂಭವಿಸಿತ್ತು (Dehradun Car Accident). ಸರಕು ಸಾಗಾಣಿಕೆಯ ಲಾರಿಯೊಂದು ಇನ್ನೋವಾ ಕಾರಿಗೆ ಡಿಕ್ಕಿ ಹೊಡೆದ ಪರಿಣಾಮವಾಗಿ ಕಾರಿನಲ್ಲಿದ್ದ ಒಟ್ಟು 7 ಮಂದಿ ಪೈಕಿ 6 ಜನ ಅಸುನೀಗಿದ್ದು, ಒಬ್ಬ ವಿದ್ಯಾರ್ಥಿ ಗಂಭೀರವಾಗಿ ಗಾಯಗೊಂಡಿದ್ದ.
ಅಪಘಾತದ ಬಗ್ಗೆ ಮಾತನಾಡಿರುವ ವಿದ್ಯಾರ್ಥಿಯ ತಂದೆ ವಿಪಿನ್ ಅಗರ್ವಾಲ್, ಅಪಘಾತದಲ್ಲಿ ಸಾವನ್ನಪ್ಪಿದ 6 ಯುವಕರ ಬಗ್ಗೆ ಸಮಾಜ ಸಹಾನುಭೂತಿ ತೋರಿಸಬೇಕೆಂದು ಆಗ್ರಹಿಸಿದರು. ʼʼಅಪಘಾತದ ಬಗ್ಗೆ ಅರ್ಧ ಸತ್ಯವನ್ನು ನಂಬಬೇಡಿ. ನಾವು 6 ಮಕ್ಕಳನ್ನು ಕಳೆದುಕೊಂಡಿದ್ದೇವೆ. ಈ 6 ಮಕ್ಕಳ ಕುಟುಂಬಗಳು ಎಷ್ಟು ಆಳವಾದ ಸಂಕಟದಲ್ಲಿವೆ ಎಂದು ಹೇಳಲಾದಗದು. ಒಬ್ಬ ತುರ್ತು ನಿಗಾ ಘಟಕದಲ್ಲಿ ಸಾವು ಬದುಕಿನ ಮಧ್ಯೆ ಹೋರಾಟುತ್ತಿದ್ದಾನೆ. ಈ ಸಮಯದಲ್ಲಿ ಅವರು ಮದ್ಯಪಾನ ಮಾಡಿ ಚಲಾಯಿಸುತ್ತಿದ್ದರು, ನಶೆಯಲ್ಲಿದ್ದರು ಎಂದು ವಂದಂತಿಗಳನ್ನು ಹರಡಬೇಡಿ. ತನಿಖೆ ಈಗಾಗಲೇ ನಡೆಯುತ್ತಿದ್ದು, ಸತ್ಯ ಹೊರಬರಲಿದೆ” ಎಂದು ವಿನಂತಿಸಿಕೊಂಡಿದ್ದಾರೆ. ಯಾವುದೇ ವೈದ್ಯಕೀಯ ವರದಿ ಅಥವಾ ಶವಪರೀಕ್ಷೆ ಇನ್ನೂ ಮದ್ಯ ಸೇವನೆಯನ್ನು ದೃಢಪಡಿಸಿಲ್ಲ ಎಂದು ಹೇಳಿದ್ದಾರೆ.
देहरादून शहर में मध्य रात्रि के बाद तेज रफ्तार कार में सवार छह युवक युवतियों की जिंदगी सड़क पर दम तोड़ गई। बगैर नंबर की नई इनोवा कार में सात लोग थे, एक आईसीयू में है, क्रिटिकल है। नष्ट हो चुकी गाड़ी का मंजर गवाही देने के लिए काफ़ी है कि एक्सीडेंट कितना भयंकर था। पिछले कई सालों… pic.twitter.com/Sxp1WNIDZE
— Ajit Singh Rathi (@AjitSinghRathi) November 12, 2024
ಘಟನೆಯೇನು?
ಇತ್ತೀಚೆಗೆ ಡೆಹ್ರಾಡೂನ್‌ನ ಓಎನ್‌ಜಿಸಿ ಕ್ರಾಸಿಂಗ್‌ ಸಮೀಪ ರಸ್ತೆ ಅಪಘಾತದಲ್ಲಿ 6 ಮಂದಿ ಸ್ಥಳದಲ್ಲಿಯೇ ಮೃತಪಟ್ಟಿದ್ದು, ಓರ್ವನ ಸ್ಥಿತಿ ಗಂಭೀರವಾಗಿದೆ. ಈ ಭೀಕರ ದುರ್ಘಟನೆಗೆ ಸಂಬಂಧಿಸಿದಂತೆ ಹಲವು ವಂದತಿಗಳು ಸುಳಿದಾಡುತ್ತಿದ್ದು, ಯುವಕರು ಕಾರು ಹತ್ತುವ ಮೊದಲು ಮದ್ಯ ಸೇವಿಸಿದ್ದರು ಎಂದು ಹೇಳಲಾಗಿತ್ತು. ಬಳಿಕ ಐಷಾರಾಮಿ ಕಾರಿನ ಜತೆ ರೇಸಿಂಗ್‌ ಮಾಡಿದ್ದರು ಎನ್ನುವ ಸುದ್ದಿಯೂ ಹರಡಿತ್ತು. ಆ ಸಂಬಂಧ ವಿಡಿಯೊವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಮೃತಪಟ್ಟವರು ಅದರದಲ್ಲಿ ಇದ್ದರೋ ಇಲ್ಲವೋ ಎಂದು ತನಿಖೆಯ ಮೂಲಕ ಬಹಿರಂಗವಾಗಬೇಕಾಗಿದೆ.
