ನವದೆಹಲಿ: ವಿದ್ಯುಚ್ಛಕ್ತಿ ನಿಯಮಗಳಲ್ಲಿ ಮಾಡಲಾದ ತಿದ್ದುಪಡಿಗಳಂತೆ ಏಪ್ರಿಲ್ 1, 2025ರಿಂದ ಪೀಕ್ ಅವರ್ ಗಳಲ್ಲಿ ವಿದ್ಯುತ್ ಬಳಕೆಯ ಶೇಕಡಾ 10ರಿಂದ ಹೆಚ್ಚು ಪಾವತಿಸಬೇಕಾಗುತ್ತದೆ.ಹಗಲಿನ ಸಮಯದಲ್ಲಿ ಸಾಮಾನ್ಯ ದರಕ್ಕಿಂತ ಶೇಕಡಾ 10ರಿಂದ 20ರಷ್ಟು ಕಡಿಮೆಯಾಗಲಿದೆ. ವಿದ್ಯುತ್ ಸಚಿವಾಲಯವು ವಿದ್ಯುತ್ (ಗ್ರಾಹಕರ ಹಕ್ಕುಗಳು) ನಿಯಮಗಳಲ್ಲಿ ಎರಡು ಬದಲಾವಣೆಗಳನ್ನು ಪ್ರಕಟಿಸಿದೆ. ಪರಿಚಯಿಸಲಾದ ದಿನದ ಸಮಯ ದರ ತೆರಿಗೆ ಮತ್ತು ಸ್ಮಾರ್ಟ್ ಮೀಟರಿಂಗ್ ನಿಬಂಧನೆಗಳ ತರ್ಕಬದ್ಧಗೊಳಿಸುವಿಕೆ ಎಂಬ ವಿಧಾನ ಪ್ರಕಟಿಸಿದೆ. ಹಗಲಿನಲ್ಲಿ ವಿದ್ಯುತ್ ಸುಂಕವು ಸಾಮಾನ್ಯ ಸುಂಕಕ್ಕಿಂತ ಶೇಕಡಾ 10ಕ್ಕಿಂತ 20ರಷ್ಟು ಕಡಿಮೆಯಿರುತ್ತದೆ, ಆದರೆ ಬೆಳಗ್ಗೆ ಮತ್ತು ರಾತ್ರಿ ಸಮಯದಲ್ಲಿ ದರವು ಶೇಕಡಾ 10ರಿಂದ 20ರಷ್ಟು ಹೆಚ್ಚಾಗಲಿದೆ.
ಹೊಸ ಸುಂಕವು 10 KW ಮತ್ತು ಅದಕ್ಕಿಂತ ಹೆಚ್ಚಿನ ಬಳಕೆಯನ್ನು ಹೊಂದಿರುವ ವಾಣಿಜ್ಯ ಮತ್ತು ಕೈಗಾರಿಕಾ ಉದ್ದೇಶಗಳ ಬಳಕೆ ಗ್ರಾಹಕರಿಗೆ 1 ಏಪ್ರಿಲ್ 2024 ರಿಂದ ಹೊಸ ದರ ಅನ್ವಯ ವಾಗುತ್ತದೆ. ರೈತರನ್ನು ಹೊರತುಪಡಿಸಿ ಉಳಿದ ಎಲ್ಲಾ ಗ್ರಾಹಕರಿಗೆ, ನಿಯಮವು 1 ನೇ ಏಪ್ರಿಲ್ 2025 ರಿಂದ ಅನ್ವಯಿಸುತ್ತದೆ. ರಾತ್ರಿ ಮತ್ತು ಮುಂಜಾನೆ ಜಾವ ಉಷ್ಣ, ಜಲವಿದ್ಯುತ್ ಮತ್ತು ಅನಿಲ ಆಧಾರಿತ ಸಾಮರ್ಥ್ಯವನ್ನು ಬಳಸಲಾಗುತ್ತದೆ. ಅವು ಸೌರ ಶಕ್ತಿಗಿಂತ ಹೆಚ್ಚಿನ ವೆಚ್ಚವನ್ನು ಹೊಂದಿವೆ, ಇದರರ್ಥ ಗ್ರಾಹಕರು ತಮ್ಮ ವಿದ್ಯುತ್ ವೆಚ್ಚವನ್ನು ಕಡಿಮೆ ಮಾಡಲು ತಮ್ಮ ಬಳಕೆಯನ್ನು ಯೋಜಿಸಬಹುದು.
