ನವದೆಹಲಿ: ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (EPFO) ದೀಪಾವಳಿಗೆ ತನ್ನಚಂದಾದಾರರಿಗೆ ಒಳ್ಳೆಯ ಸುದ್ದಿ ನೀಡಿದೆ. ನೌಕರರ ಪಿಂಚಣಿ ಯೋಜನೆ (EPS) ಅಡಿಯಲ್ಲಿ ಪಿಂಚಣಿದಾರರಿಗೆ ಸಿಹಿಸುದ್ದಿ ತಂದಿದೆ. ಪಿಂಚಣಿ ಹಣವನ್ನು ಅವರ ಖಾತೆಗೆ ಮೊದಲೇ ಜಮಾ ಮಾಡಲಾಗುವುದು.
EPPO ಪ್ರಕಾರ, ಅಕ್ಟೋಬರ್ 2024 ರ ಪಿಂಚಣಿ ಹಣವನ್ನು ದೀಪಾವಳಿ ಹಬ್ಬ ಮತ್ತು ಸಾರ್ವಜನಿಕ ರಜಾದಿನಗಳಲ್ಲಿ ಅಕ್ಟೋಬರ್ 29 ರಂದು ಬಿಡುಗಡೆ ಮಾಡಲಾಗುತ್ತದೆ. ಇದೊಂದು ಸಕಾರಾತ್ಮಕ ಅಂಶವೆಂದೇ ಹೇಳಬಹುದು.
ಪಿಂಚಣಿದಾರರು ತಮ್ಮ ಪಿಂಚಣಿ ಹಣವನ್ನು ಅಕ್ಟೋಬರ್ 30ರಂದು ಹಿಂಪಡೆಯಬಹುದು. ಏಕೆಂದರೆ ಅಕ್ಟೋಬರ್ 31 ರಂದು ರಜೆ ಇದೆ. ಇದರಿಂದ ಪಿಂಚಣಿದಾರರಿಗೆ ಯಾವುದೇ ತೊಂದರೆಯಾಗುವುದಿಲ್ಲ. ಹಬ್ಬದ ಸಮಯದಲ್ಲಿ ಇದು ಒಳ್ಳೆಯ ಸುದ್ದಿಯಾಗಿದೆ.
ಇದಲ್ಲದೆ, EPPO ಎಲ್ಲಾ ವಲಯ ಮತ್ತು ಪ್ರಾದೇಶಿಕ ಕಚೇರಿಗಳಿಗೆ ಪ್ರಮುಖ ಸೂಚನೆಗಳನ್ನ ನೀಡಿದೆ. ಪಿಂಚಣಿ ಹಣವನ್ನ ಸಕಾಲಕ್ಕೆ ಒದಗಿಸುವಂತೆ ಕ್ರಮಕೈಗೊಳ್ಳುವಂತೆ ಬ್ಯಾಂಕ್‌’ಗಳಿಗೆ ಸೂಚಿಸಲಾಗಿದೆ.
ಅಂದ್ಹಾಗೆ, ನೌಕರರ ಪಿಂಚಣಿ ಯೋಜನೆಯು ಸಾಮಾಜಿಕ ಭದ್ರತಾ ಯೋಜನೆಯಾಗಿದೆ. ಇದರ ಮೂಲಕ ನೌಕರರು ನಿವೃತ್ತಿಯ ನಂತರ ಪಿಂಚಣಿ ಪಡೆಯಬಹುದು. ಉದ್ಯೋಗಿಗಳು, ಕಂಪನಿಗಳು ಈ ಯೋಜನೆಗೆ ಸ್ವಲ್ಪ ಮೊತ್ತವನ್ನ ನೀಡುತ್ತವೆ. ಉದ್ಯೋಗಿಗಳ ಪಾಲು, ಕಂಪನಿಯ ಶೇಕಡ 8.33 ರಷ್ಟು ಈ ಯೋಜನೆಗೆ ಹೋಗುತ್ತದೆ.
ಇಪಿಎಫ್‌ಒ ಸದಸ್ಯರು ಇಪಿಎಸ್ ಪಿಂಚಣಿ ಪಡೆಯಬಹುದು. ಕನಿಷ್ಠ ಹತ್ತು ವರ್ಷಗಳ ಸೇವೆಯನ್ನ ಹೊಂದಿರಬೇಕು. ಕನಿಷ್ಠ 50 ವರ್ಷ ವಯಸ್ಸಾಗಿರಬೇಕು. ಈ ವಯಸ್ಸಿನ ಆಧಾರದ ಮೇಲೆ ಮುಂಗಡ ಪಿಂಚಣಿ ತೆಗೆದುಕೊಳ್ಳಲಾಗುತ್ತದೆ. ನಿಯಮಿತವಾದರೆ ಅದೇ 58 ವರ್ಷ ಇರಬೇಕು.
