ಜಮ್ಮು: ಜಮ್ಮುವಿನ ಕತ್ರಾದ ವೈಷ್ಣೋದೇವಿ ಮಂದಿರದ ಬಳಿಯ ಕಟ್ಟಡದೊಳಗೆ ಮಂಗಳವಾರ ಸಂಜೆ ಬೆಂಕಿ ಕಾಣಿಸಿ ಕೊಂಡಿದೆ. ಅಗ್ನಿಶಾಮಕ ತಂಡಗಳು ಸ್ಥಳಕ್ಕೆ ಆಗಮಿಸಿವೆ.
ವೈಷ್ಣೋದೇವಿ ಮಂದಿರದ ಬಳಿಯ ಕಟ್ಟಡದೊಳಗೆ ಬೆಂಕಿ ತೀವ್ರ ಮಟ್ಟದಲ್ಲಿ ಉರಿಯುತ್ತಿದ್ದು, ಸ್ಥಳಕ್ಕಾಮಿಸಿದ ಅಗ್ನಿ ಶಾಮಕ ಸಿಬ್ಬಂದಿಗಳು ರಕ್ಷಣಾ ಕಾರ್ಯದಲ್ಲಿ ತೊಡಗಿದ್ದಾರೆ. ಯಾವುದೇ ಜೀವ ಹಾನಿ ಅಥವಾ ಗಾಯಗಳು ವರದಿಯಾಗಿಲ್ಲ.
ಮಾತಾ ವೈಷ್ಣೋದೇವಿ ಮಂಡಳಿಯ ನಗದು ಕೌಂಟರ್ ಬಳಿ ಈ ಬೆಂಕಿ ಕಾಣಿಸಿಕೊಂಡಿದೆ. ಘಟನೆಯ ಬಗ್ಗೆ ಮಾಹಿತಿ ಪಡೆದ ನಂತರ, ಸ್ಥಳೀಯ ಆಡಳಿತವು ಸ್ಥಳಕ್ಕೆ ತಲುಪಲು ಪ್ರಯತ್ನಿಸುತ್ತಿದೆ. ಟ್ವಿಟರ್ʼನಲ್ಲಿ ಬಳಕೆದಾರರು ಘಟನೆಯ ವೀಡಿಯೊಗಳನ್ನು ಹಂಚಿಕೊಂಡಿದ್ದಾರೆ.
