ನವದೆಹಲಿ: ವೈದ್ಯಕೀಯ ಶಿಕ್ಷಣಗಳಿಗೆ ನ್ಯಾಷನಲ್ ಟೆಸ್ಟಿಂಗ್ ಏಜೆನ್ಸಿ (NTA) ನಡೆಸುವ ರಾಷ್ಟ್ರೀಯ ಅರ್ಹತೆ ಮತ್ತು ಪ್ರವೇಶ ಪರೀಕ್ಷೆ (ನೀಟ್ ಯುಜಿ- 2023) ಫಲಿತಾಂಶ ಮಂಗಳವಾರ ಬಿಡುಗಡೆಯಾಗುವ ಸಾಧ್ಯತೆ ಇದೆ.
ಮಣಿಪುರ ಹೊರತು ಪಡಿಸಿ, ದೇಶಾದ್ಯಂತ ಏಕಕಾಲದಲ್ಲಿ ಮೇ 7ರಂದು ನೀಟ್ ಪರೀಕ್ಷೆಯನ್ನು ನಡೆಸಲಾಗಿದ್ದು, ಕಳೆದ ಜೂನ್ 4ರಂದು ಇದರ ಕೀ ಉತ್ತರವನ್ನು ಪ್ರಕಟಿಸಲಾಗಿತ್ತು. ಈ ಉತ್ತರದ ವಿರುದ್ಧ ಆಪೇಕ್ಷಣೆ ಸಲ್ಲಿಕೆಗೆ ಜೂ. 6ರವರೆಗೆ ಅವಕಾಶ ನೀಡಲಾಗಿತ್ತು.
20.87 ಲಕ್ಷ ವಿದ್ಯಾರ್ಥಿಗಳು ನೀಟ್ ಯುಜಿ ಪರೀಕ್ಷೆಗೆ ನೋಂದಾಯಿಸಿಕೊಂಡಿದ್ದರು. ಮಣಿಪುರದಲ್ಲಿ ಜೂನ್ 6ರಂದು ಈ ಪರೀಕ್ಷೆಯನ್ನು ನಡೆಸಲಾಗಿತ್ತು. ಅಖಿಲ ಭಾರತದ ಶ್ರೇಣಿಯ ಆಧಾರದ ಮೇಲೆ ಈ ಫಲಿತಾಂಶ ಬಿಡುಗಡೆ ಮಾಡಲಾಗುವುದು. ಫಲಿತಾಂಶ ಬಿಡುಗಡೆ ವೇಳೆಗೆ ಕಟ್ ಆಫ್ ಶೇಕಡಾ ವಾರುಗಳನ್ನು ಪ್ರಕಟಿಸ ಲಾಗುವುದು. ನೀಟ್ ಫಲಿತಾಂಶವನ್ನು neet.nta.nic.in ಅಥವಾ ntaresults.nic.in ಅಲ್ಲಿ ವೀಕ್ಷಣೆ ಮಾಡಬಹುದು.
ಅಭ್ಯರ್ಥಿಗಳು ಫಲಿತಾಂಶಕ್ಕಾಗಿ ಕಾಯುತ್ತಿದ್ದು, ಇಂದು ಫಲಿತಾಂಶ ಬಿಡುಗಡೆಯಾಗಲಿದೆ ಎಂದು ಘೋಷಿಸಲಾಗಿದೆ.
- ಅಭ್ಯರ್ಥಿಗಳು neet.nta.nic.in ಅಧಿಕೃತ ಜಾಲತಾಣಕ್ಕೆ ಭೇಟಿ ನೀಡಬೇಕು.
- ಬಳಿಕ ವೆಬ್ ಸೈಟ್ನಲ್ಲಿ ಕಾಣಿಸುವ ಫಲಿತಾಂಶದ ಲಿಂಕ್ ಅನ್ನು ಕ್ಲಿಕ್ ಮಾಡಬೇಕು
- ನಂತರ ಅಪ್ಲಿಕೇಶನ್ ಸಂಖ್ಯೆ ಮತ್ತು ಜನ್ಮ ದಿನಾಂಕದಂತಹ ನಿಮ್ಮ ರುಜುವಾತುಗಳನ್ನು ನಮೂದಿಸಿ
- ನೀಟ್ ಯುಜಿ 2023 ಸ್ಕೋರ್‌ಕಾರ್ಡ್ ಅನ್ನು ಪರದೆಯ ಮೇಲೆ ಪ್ರದರ್ಶಿಸಲಾಗುತ್ತದೆ.
