ನವದೆಹಲಿ: ಬಿಜೆಪಿ ನೇತೃತ್ವದ ಎನ್ಡಿಎ 2024 ರ ಲೋಕಸಭಾ ಚುನಾವಣೆಯಲ್ಲಿ ಬಹುಮತದ ಅಂತರ ದಾಟುತ್ತಿದ್ದಂತೆ, ರಾಷ್ಟ್ರಪತಿಗಳ ಉಪ ಪತ್ರಿಕಾ ಕಾರ್ಯದರ್ಶಿ ಜೂ.5 ರಿಂದ 9 ರವರೆಗೆ ರಾಷ್ಟ್ರಪತಿ ಭವನವನ್ನು ಸಾರ್ವಜನಿಕರಿಗೆ ಬಂದ್ ಮಾಡಲಾಗುವುದು ಎಂದು ಹೇಳಿದ್ದಾರೆ.
ಸಚಿವ ಸಂಪುಟದ ಪ್ರಮಾಣ ವಚನ ಸ್ವೀಕಾರ ಸಮಾರಂಭಕ್ಕೆ ಸಿದ್ಧತೆ ನಡೆಸಲು ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ ಎಂದು ರಾಷ್ಟ್ರಪತಿ ಭವನದ ಪರವಾಗಿ ನಾವಿಕಾ ಗುಪ್ತಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ರಾಷ್ಟ್ರಪತಿ ಭವನದಲ್ಲಿ ನಡೆಯಲಿರುವ ಸಚಿವ ಸಂಪುಟದ ಪ್ರಮಾಣ ವಚನ ಸ್ವೀಕಾರ ಸಮಾರಂಭದ ಸಿದ್ಧತೆಯಿಂದಾಗಿ ರಾಷ್ಟ್ರಪತಿ ಭವನದ ಭೇಟಿ (ಸರ್ಕ್ಯೂಟ್ -1) 2024 ರ ಜೂ.5 ರಿಂದ 9 ರವರೆಗೆ ಸಾರ್ವಜನಿಕರಿಗೆ ಮುಚ್ಚಲಾಗುವುದು ಎಂದು ಅಧಿಕೃತ ಹೇಳಿಕೆ ತಿಳಿಸಿದೆ.
ಸರ್ಕ್ಯೂಟ್-1ರಲ್ಲಿ ಮುಖ್ಯ ಕಟ್ಟಡ, ಮುಂಭಾಗ, ಸ್ವಾಗತ, ನವಚರ, ಬ್ಯಾಂಕ್ವೆಟ್ ಹಾಲ್, ಮೇಲಿನ ‘ಲಾಜಿಯಾ’, ಲುಟಿಯೆನ್ಸ್ ಭವ್ಯ ಮೆಟ್ಟಿಲುಗಳು, ಅತಿಥಿ ವಿಭಾಗ, ಅಶೋಕ್ ಹಾಲ್, ಉತ್ತರ ಡ್ರಾಯಿಂಗ್ ರೂಮ್, ಉದ್ದನೆಯ ಡ್ರಾಯಿಂಗ್ ರೂಮ್, ಗ್ರಂಥಾಲಯ, ದರ್ಬಾರ್ ಹಾಲ್ ಮತ್ತು ಭಗವಾನ್ ಬುದ್ಧನ ಪ್ರತಿಮೆಗೆ ಭೇಟಿ ನೀಡಲಾಗುತ್ತದೆ.
