ಮುಂಬಯಿ: ಅಗಲಿದ ಉದ್ಯಮಿ ರತನ್ ಟಾಟಾ (Ratan Tata Death, Ratan Tata passed Away) ಅವರಿಗೆ ಅವರ ಮಾಜಿ ಪ್ರೇಯಸಿ ಸಿಮಿ ಗರೆವಾಲ್ (Simi Garewal) ಸಾಮಾಜಿಕ ಮಾಧ್ಯಮ ಎಕ್ಸ್‌ನಲ್ಲಿ ಭಾವುಕ ಶ್ರದ್ಧಾಂಜಲಿ ಹೇಳಿದ್ದಾರೆ.
ತಾನು ರತನ್ ಟಾಟಾ ಅವರೊಂದಿಗೆ ಡೇಟಿಂಗ್ ಮಾಡುತ್ತಿದ್ದುದನ್ನು ಸಿಮಿ ಗರೆವಾಲ್ ಹಿಂದೊಮ್ಮೆ ಒಪ್ಪಿಕೊಂಡಿದ್ದರು. ಇದೀಗ ದೇಶ ಕಂಡ ಅಪ್ರತಿಮ ಕೈಗಾರಿಕೋದ್ಯಮಿಯ ನಿಧನದ ನಂತರ ತಮ್ಮ ಹೃತ್ಪೂರ್ವಕ ಗೌರವವನ್ನು ಎಕ್ಸ್‌ನಲ್ಲಿ ಹಂಚಿಕೊಂಡಿದ್ದಾರೆ.
ಟಾಟಾ ಸನ್ಸ್‌ನ ಮಾಜಿ ಅಧ್ಯಕ್ಷ ಮತ್ತು ಲೋಕೋಪಕಾರಿ ರತನ್ ಟಾಟಾ ಅವರು ಬುಧವಾರ ತಮ್ಮ 86ನೇ ವಯಸ್ಸಿನಲ್ಲಿ ನಿಧನರಾದರು. ರಕ್ತದೊತ್ತಡದಲ್ಲಿ ಹಠಾತ್ ಕುಸಿತದಿಂದ ಬಳಲುತ್ತಿದ್ದ ಅವರನ್ನು ಸೋಮವಾರ ಮುಂಬೈನ ಬ್ರೀಚ್ ಕ್ಯಾಂಡಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.
ತಮ್ಮ ಭಾವನಾತ್ಮಕ ಶ್ರದ್ಧಾಂಜಲಿಯಲ್ಲಿ ಸಿಮಿ ತಮ್ಮ ಸಾಂಪ್ರದಾಯಿಕ ಟಾಕ್ ಶೋ ʼರೆಂಡೆಜುವಸ್ ವಿತ್ ಸಿಮಿ ಗರೆವಾಲ್ʼನಿಂದ ಟಾಟಾ ಅವರೊಂದಿಗಿದ್ದ ನಾಸ್ಟಾಲ್ಜಿಕ್ ಫೋಟೋವನ್ನು ಹಂಚಿಕೊಂಡರು. “ನೀವು ಹೋಗಿದ್ದೀರಿ ಎಂದು ಹೇಳುತ್ತಿದ್ದಾರೆ. ನಿಮ್ಮ ನಷ್ಟವನ್ನು ಸಹಿಸಿಕೊಳ್ಳುವುದು ತುಂಬಾ ಕಷ್ಟ… ತುಂಬಾ ಕಷ್ಟ.. ವಿದಾಯ ನನ್ನ ಸ್ನೇಹಿತ..” ಎಂದು ಬರೆದಿದ್ದಾರೆ.
2011 ರ ಸಂದರ್ಶನವೊಂದರಲ್ಲಿ ಸಿಮಿ ಗರೆವಾಲ್, ರತನ್ ಟಾಟಾ ಅವರೊಂದಿಗಿನ ತಮ್ಮ ಸಂಬಂಧದ ಬಗ್ಗೆ ಹೇಳಿಕೊಂಡಿದ್ದರು. ಅವರು ತಮ್ಮ ಬಾಂಧವ್ಯವನ್ನು ವಿವರಿಸುತ್ತಾ, “ರತನ್ ಮತ್ತು ನನ್ನದು ಬಹಳ ಹಿಂದಿನ ಸಂಬಂಧ. ಅವರು ಪರಿಪೂರ್ಣತೆ, ಹಾಸ್ಯ ಪ್ರಜ್ಞೆಯನ್ನು ಹೊಂದಿದ್ದಾರೆ. ಅಸಾಧಾರಣ ಮತ್ತು ಪರಿಪೂರ್ಣ ಸಂಭಾವಿತ ವ್ಯಕ್ತಿ. ಹಣ ಅವರಿಗೆ ಎಲ್ಲವೂ ಆಗಿರಲಿಲ್ಲ. ಅವರು ವಿದೇಶದಲ್ಲಿರುವಷ್ಟು ನಿರಾಳರಾಗಿ ಭಾರತದಲ್ಲಿ ಇರಲಿಲ್ಲ” ಎಂದಿದ್ದರು.
They say you have gone ..
— Simi_Garewal (@Simi_Garewal) October 9, 2024
It's too hard to bear your loss..too hard.. Farewell my friend..#RatanTata pic.twitter.com/FTC4wzkFoV
ಅವರ ಜೊತೆಗಿರುವಿಕೆ ಹೊರತಾಗಿಯೂ, ಅವರ ಪ್ರಣಯ ದಾಂಪತ್ಯವಾಗಿ ಬದಲಾಗಲಿಲ್ಲ. ಸಿಮಿ ನಂತರ ಬೇರೊಬ್ಬರನ್ನು ಮದುವೆಯಾದರು. ಆದರೂ ಅವರು ನಿಕಟ ಸ್ನೇಹಿತರಾಗಿದ್ದರು.
ರತನ್ ಟಾಟಾ, ಅವರ ಕಾರ್ಯ ನೀತಿ, ನಮ್ರತೆ ಮತ್ತು ಔದಾರ್ಯಕ್ಕಾಗಿ ವ್ಯಾಪಕ ಮೆಚ್ಚುಗೆ ಪಡೆದಿದ್ದಾರೆ. ಹಲವಾರು ಬಾರಿ ಪ್ರೇಮಿಸಿದ್ದರೂ ಮದುವೆಯಾಗಲಿಲ್ಲ. ಮಕ್ಕಳನ್ನು ಹೊಂದಿರಲಿಲ್ಲ. ಅವರು ಈ ಹಿಂದೆ ಸಂದರ್ಶನವೊಂದರಲ್ಲಿ, ತಾನು ನಾಲ್ಕು ಸಂದರ್ಭಗಳಲ್ಲಿ ಪ್ರೀತಿಸುತ್ತಿದ್ದೆ ಆದರೆ ಆದರೆ ವಿವಿಧ ಕಾರಣಗಳಿಂದ ಮದುವೆಯಾಗಲಿಲ್ಲ ಎಂದಿದ್ದರು. 1960 ರ ದಶಕದ ಆರಂಭದಲ್ಲಿ ಅಮೆರಿಕದಲ್ಲಿ ಕೆಲಸ ಮಾಡುವಾಗ ಒಬ್ಬರನ್ನು ಪ್ರೀತಿಸಿದ್ದರು. ಅದು ಅವರ ಅತ್ಯಂತ ಗಂಭೀರವಾದ ಸಂಬಂಧಗಳಲ್ಲಿ ಒಂದಾಗಿತ್ತು. ಆದರೆ 1962 ರ ಇಂಡೋ-ಚೀನಾ ಯುದ್ಧ ಮುಂತಾದ ಸಂದರ್ಭಗಳು ಅದನ್ನು ಮುಂದುವರೆಯದಂತೆ ತಡೆಯಿತು.
ಇದನ್ನೂ ಓದಿ: Ratan Tata: ಉದ್ಯಮಿಗಳ ರತ್ನ, ವ್ಯವಹಾರ ಚಿನ್ನ
