ನವದೆಹಲಿ: ಭಾರತದ ಅತ್ಯಂತ ಹಳೆಯ ಕಂಪನಿಗಳಲ್ಲಿ ಒಂದನ್ನು ಸ್ವಾಧೀನಪಡಿಸಿಕೊಂಡು ಅದನ್ನು ಜಾಗತಿಕ ಮಟ್ಟದಲ್ಲಿ ಪ್ರಸಿದ್ಧವಾಗುವಂತೆ ಮಾಡಿದ ಖ್ಯಾತ ಉದ್ಯಮಿ ರತನ್ ಟಾಟಾ(Ratan Tata Family) ಅಕ್ಟೋಬರ್ 10ರಂದು ನಿಧನರಾದರು. ಜಮ್ಸೆಟ್ಜಿ ಟಾಟಾ ಅವರ ತಲೆಮಾರಿನಿಂದ ಶುರುವಾದ ಈ ಕುಟುಂಬವು ಬ್ಯುಸಿನೆಸ್‍ನಲ್ಲಿ ಎತ್ತಿದ ಕೈ. ಕೈಗಾರಿಕೆಗಳನ್ನು ಅಭಿವೃದ್ಧಿ ಪಡಿಸುವ ಮೂಲಕ ಭಾರತದ ಬೆಳವಣಿಗೆಗೆ ತಮ್ಮ ಅಮೂಲ್ಯವಾದ ಕೊಡುಗೆ ನೀಡುತ್ತಾ ಬಂದಿದ್ದಾರೆ. ಹಾಗಾಗಿ ಭಾರತದ ಅಭಿವೃದ್ಧಿಗೆ ಸಹಾಯ ಮಾಡಿದ ಈ ಕುಟುಂಬದ ಬಗ್ಗೆ ತಿಳಿದುಕೊಳ್ಳಿ.
ಟಾಟಾ ಗ್ರೂಪ್ ಭಾರತದ ಅತಿದೊಡ್ಡ ಮತ್ತು ಅತ್ಯಂತ ಪ್ರಭಾವಶಾಲಿ ಸಂಸ್ಥೆಗಳಲ್ಲಿ ಒಂದಾಗಿದೆ. ಗ್ರಾಹಕ ಸರಕುಗಳು ಮತ್ತು ಸೇವೆಗಳು ಸೇರಿದಂತೆ ವಿವಿಧ ಕ್ಷೇತ್ರಗಳಲ್ಲಿ 100 ಕ್ಕೂ ಹೆಚ್ಚು ಕಂಪನಿಗಳು ಕಾರ್ಯನಿರ್ವಹಿಸುತ್ತಿವೆ. 1868 ರಲ್ಲಿ ಮುಂಬೈನಲ್ಲಿ ಜಮ್ಸೆಟ್ಜಿ ಟಾಟಾ ಸ್ಥಾಪಿಸಿದ ಟಾಟಾ ಗ್ರೂಪ್ ಕಂಪೆನಿ ಶ್ರೀಮಂತ ಇತಿಹಾಸವನ್ನು ಹೊಂದಿದೆ ಮತ್ತು ಭಾರತದ ಆರ್ಥಿಕತೆಯನ್ನು ರೂಪಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದೆ. ಭಾರತದ ಮೊದಲ ಐಷಾರಾಮಿ ಹೋಟೆಲ್, ತಾಜ್ ಮಹಲ್ ಪ್ಯಾಲೇಸ್ ಮತ್ತು ಟವರ್ ಅನ್ನು ರಚಿಸಿದ್ದು ಜಮ್ಸೆಟ್ಜಿಯ ಮೊದಲ ಸಾಧನೆಗಳಲ್ಲಿ ಒಂದಾಗಿದೆ.
ಜಮ್ಸೆಟ್ಜಿ ಟಾಟಾದಿಂದ ಮಾಯಾ ಟಾಟಾವರೆಗೆ ಟಾಟಾ ಕುಟುಂಬವು ಭಾರತದ ಕಾರ್ಪೊರೇಟ್ ಮತ್ತು ಕೈಗಾರಿಕ ಕ್ಷೇತ್ರದಲ್ಲಿ ಹೆಗ್ಗುರುತನ್ನು ಮಾಡಿದೆ.
ನುಸ್ಸೆರ್ವಾನ್ಜಿ ಟಾಟಾ (1822-1886)
ಟಾಟಾ ಕುಟುಂಬದ ಪಿತಾಮಹ, ಮೂಲತಃ ಪಾರ್ಸಿ ಅರ್ಚಕರಾಗಿದ್ದರು. ಅವರು ನುಸ್ಸೆರ್ವಾನ್ಜಿ ಕುಟುಂಬದ ಭವಿಷ್ಯದ ಉದ್ಯಮಗಳಿಗೆ ಅಡಿಪಾಯ ಹಾಕುವ ಮೂಲಕ ವ್ಯವಹಾರಕ್ಕೆ ಕಾಲಿಟ್ಟರು.
ಜಮ್ಸೆಟ್ಜಿ ಟಾಟಾ (1839-1904)
ಟಾಟಾ ಗ್ರೂಪ್ನ ಸ್ಥಾಪಕರು ಜೆಮ್ಸೆಟ್ಜಿ ಟಾಟಾ. ಅವರನ್ನು “ಭಾರತೀಯ ಉದ್ಯಮದ ಪಿತಾಮಹ” ಎಂದು ಕರೆಯಲಾಗುತ್ತದೆ. ಅವರು 1870 ರ ದಶಕದಲ್ಲಿ ಮಧ್ಯ ಭಾರತದ ಜವಳಿ ಗಿರಣಿಯೊಂದಿಗೆ ತಮ್ಮ ಉದ್ಯಮಶೀಲತಾ ಪ್ರಯಾಣವನ್ನು ಪ್ರಾರಂಭಿಸಿದ್ದರು. ಅವರ ದೃಷ್ಟಿಕೋನವು ಭಾರತದ ಉಕ್ಕು ಮತ್ತು ವಿದ್ಯುತ್ ಕೈಗಾರಿಕೆಗಳನ್ನು ರೂಪಿಸುವಲ್ಲಿ, ತಾಂತ್ರಿಕ ಶಿಕ್ಷಣ ಸಂಸ್ಥೆಗಳನ್ನು ಸ್ಥಾಪಿಸುವಲ್ಲಿ ಮತ್ತು ಭಾರತದ ಕೈಗಾರಿಕಾ ಪ್ರಗತಿಯನ್ನು ಮುನ್ನಡೆಸುವಲ್ಲಿ ಪ್ರಮುಖ ಪಾತ್ರ ವಹಿಸಿತ್ತು. ಜಮ್ಸೆಟ್ಜಿ ಹೀರಾಬಾಯಿ ದಾಬೂ ಅವರನ್ನು ವಿವಾಹವಾಗಿದ್ದರು. ಅವರಿಗೆ ಮೂವರು ಮಕ್ಕಳು. ಸರ್ ದೊರಾಬ್ಜಿ ಟಾಟಾ, ಧುನ್ಬಾಯಿ ಟಾಟಾ ಮತ್ತು ಸರ್ ರತನ್ ಟಾಟಾ.
ಸರ್ ದೊರಾಬ್ಜಿ ಟಾಟಾ (1859-1932)
ಸರ್ ದೊರಾಬ್ಜಿ ಟಾಟಾ ಜಮ್ಸೆಟ್ಜಿಯ ಹಿರಿಯ ಮಗ. ಅವರು ಟಾಟಾ ಗ್ರೂಪ್ನ ಬೆಳವಣಿಗೆಯಲ್ಲಿ ಮಹತ್ವದ ಪಾತ್ರ ವಹಿಸಿದವರು, ಭಾರತದ ಕೈಗಾರಿಕಾ ಅಭಿವೃದ್ಧಿಗೆ ನೀಡಿದ ಕೊಡುಗೆಗಳಿಗಾಗಿ 1910 ರಲ್ಲಿ ನೈಟ್ ಪ್ರಶಸ್ತಿ ಪಡೆದವರು. ದೊರಾಬ್ಜಿಗೆ ಮಕ್ಕಳಿರಲಿಲ್ಲ. ಕುಟುಂಬದ ವ್ಯವಹಾರ ಪರಂಪರೆ ವಿಸ್ತರಿಸಲು ತಮ್ಮ ಜೀವನದ ಹೆಚ್ಚಿನ ಭಾಗ ಮುಡಿಪಾಗಿಟ್ಟರು.
ಸರ್ ರತನ್ ಟಾಟಾ (1871-1918)
ಜಮ್ಸೆಟ್ಜಿಯವರ ಕಿರಿಯ ಮಗ ಸರ್ ರತನ್ ಟಾಟಾ (1871-1918) ಕೂಡ ಕುಟುಂಬ ವ್ಯವಹಾರ ಮತ್ತು ಸಮಾಜಸೇವೆಯಲ್ಲಿ ಹೆಚ್ಚು ತೊಡಗಿಸಿಕೊಂಡಿದ್ದರು. ಅವರು ನವಜ್ಬಾಯಿ ಸೆಟ್ ಅವರನ್ನು ವಿವಾಹವಾಗಿದ್ದರು. ದಂಪತಿಗೆ ಮಕ್ಕಳಿರಲಿಲ್ಲ. ಸರ್ ರತನ್ ಟಾಟಾ ಅವರ ಮರಣದ ನಂತರ, ನವಜ್ಬಾಯಿ ಅವರು ನವಲ್ ಟಾಟಾ ಅವರನ್ನು ದತ್ತು ಪಡೆದರು. ಅವರು ಕುಟುಂಬದ ಪರಂಪರೆಯಲ್ಲಿ ಪ್ರಮುಖ ವ್ಯಕ್ತಿಯಾದರು.
ನವಲ್ ಎಚ್. ಟಾಟಾ (1904-1989)
ನವಲ್ ಎಚ್ ಟಾಟಾ ಅವರು ಸರ್ ರತನ್ ಟಾಟಾ ಮತ್ತು ನವಜ್ಬಾಯಿ ಸೆಟ್ ಅವರ ದತ್ತು ಪುತ್ರ. ನವಲ್ ಟಾಟಾ ಸೂನೂ ಕಮಿಷರಿಯಟ್ ಅವರನ್ನು ವಿವಾಹವಾಗಿದ್ದರು. ಅವರಿಗೆ ರತನ್ ಟಾಟಾ ಮತ್ತು ಜಿಮ್ಮಿ ಟಾಟಾ ಎಂಬ ಇಬ್ಬರು ಗಂಡು ಮಕ್ಕಳು. ರತನ್ ಟಾಟಾ ಅವರಿಗೆ ಕೇವಲ 10 ವರ್ಷದವರಿದ್ದಾಗ ನವಲ್ ಮತ್ತು ಸೂನೂ ವಿಚ್ಛೇದನ ಪಡೆದರು. ನವಲ್ ಆ ಬಳಿಕ ಸಿಮೋನ್ ಡುನೋಯರ್ ಅವರನ್ನು ವಿವಾಹವಾಗಿದ್ದರು. ಅವರಿಗೆ ನೋಯೆಲ್ ಟಾಟಾ ಪುತ್ರನಿದ್ದಾನೆ. ಅವರೇ ಈಗ ಟಾಟಾ ಟ್ರಸ್ಟ್‌ ನ ಅಧ್ಯಕ್ಷರಾಗಿದ್ದಾರೆ.
ರತನ್ ಟಾಟಾ ಮತ್ತು ಅವರ ಕುಟುಂಬ
ರತನ್ ಟಾಟಾ ತಮ್ಮ ಸಹೋದರ ಜಿಮ್ಮಿ ಟಾಟಾ ಮತ್ತು ಅವರ ಮಲ ಸಹೋದರ ನೋಯೆಲ್ ಟಾಟಾ ಅವರೊಂದಿಗೆ ಮತ್ತೊಂದು ಪರಂಪರೆ ಆರಂಭವಾಗುತ್ತದೆ. ಹೆತ್ತವರ ವಿಚ್ಛೇದನದ ನಂತರ ರತನ್ ಮತ್ತು ಜಿಮ್ಮಿಯನ್ನು ಅವರ ಅಜ್ಜಿ ನವಜ್ಬಾಯಿ ಸೆಟ್ ಮುಂಬೈನ ಕುಟುಂಬ ಎಸ್ಟೇಟ್ ಟಾಟಾ ಪ್ಯಾಲೇಸ್‌ನಲ್ಲಿ ಬೆಳೆಸಿದ್ದರು.
ರತನ್ ಟಾಟಾ (1937-2024)
ರತನ್ ಟಾಟಾ ಜೀವನದ ಬಹುಭಾಗವನ್ನು ಟಾಟಾ ಗ್ರೂಪ್ನ ಬೆಳವಣಿಗೆಗೆ ಸಮರ್ಪಿಸಿದ್ದರು. 1991 ರಿಂದ 2012 ರಲ್ಲಿ ನಿವೃತ್ತರಾಗುವವರೆಗೆ ಅದರ ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿದ್ದಾರೆ. ಜಾಗ್ವಾರ್ ಲ್ಯಾಂಡ್ ರೋವರ್ ನಂತಹ ಪ್ರಮುಖ ಸ್ವಾಧೀನಗಳೊಂದಿಗೆ ಜಾಗತಿಕವಾಗಿ ಕಂಪನಿಯ ವ್ಯಾಪ್ತಿಯನ್ನು ವಿಸ್ತರಿಸುವಲ್ಲಿ ಅವರು ಪ್ರಮುಖ ಪಾತ್ರ ವಹಿಸಿದ್ದಾರೆ. ಅವರು ಟಾಟಾ ಟ್ರಸ್ಟ್‌ಗಳ ಮೂಲಕ ಸಮಾಜಸೇವೆಯ ಮೇಲೂ ಹೆಚ್ಚು ಗಮನ ಹರಿಸಿದ್ದರು. ಭಾರತದಾದ್ಯಂತ ವಿವಿಧ ಸಾಮಾಜಿಕ ಮತ್ತು ದತ್ತಿ ಯೋಜನೆಗಳಲ್ಲಿ ಕೆಲಸ ಮಾಡಿದ್ದರು.
ಜಿಮ್ಮಿ ಟಾಟಾ
ರತನ್ ಅವರ ಕಿರಿಯ ಸಹೋದರ ಜಿಮ್ಮಿ ಟಾಟಾ ಹೆಚ್ಚಾಗಿ ಸಾರ್ವಜನಿಕ ದೃಷ್ಟಿಯಿಂದ ದೂರ ಉಳಿದರು. ರತನ್ ಅವರಂತೆ ಕುಟುಂಬ ವ್ಯವಹಾರದಲ್ಲಿ ಸಕ್ರಿಯವಾಗಿ ಭಾಗವಹಿಸಲಿಲ್ಲ. ಮುಂಬೈನ ಕೊಲಾಬಾ ಪ್ರದೇಶದಲ್ಲಿ ವಾಸಿಸುವ ಜಿಮ್ಮಿ ಟಾಟಾ ಟ್ರಸ್ಟ್‌ಗಳ ಟ್ರಸ್ಟಿಯಾಗಿ ಉಳಿದಿದ್ದಾರೆ. ತೆರೆಮರೆಯಲ್ಲಿದ್ದುಕೊಂಡೇ ಕುಟುಂಬ ವ್ಯವಹಾರದಲ್ಲಿ ತೊಡಗಿಕೊಂಡಿದ್ದಾರೆ.
ನೋಯೆಲ್ ಟಾಟಾ
ರತನ್ ಮತ್ತು ಜಿಮ್ಮಿ ಅವರ ಮಲ ಸಹೋದರ ನೋಯೆಲ್ ಟಾಟಾ ಪ್ರಸ್ತುತ ಟಾಟಾ ಗ್ರೂಪ್‌ನಲ್ಲಿ ಮಹತ್ವದ ವ್ಯಕ್ತಿ. ಅವರು ಟಾಟಾ ಇನ್ವೆಸ್ಟ್ಮೆಂಟ್ ಕಾರ್ಪೊರೇಷನ್‌ನ ಅಧ್ಯಕ್ಷರು ಮತ್ತು ಟಾಟಾ ಇಂಟರ್‌ನ್ಯಾಷನಲ್‌ ವ್ಯವಸ್ಥಾಪಕ ನಿರ್ದೇಶಕರಾಗಿದ್ದಾರೆ. ಟಾಟಾ ಗ್ರೂಪ್‌ನಲ್ಲಿ ಭವಿಷ್ಯದ ನಾಯಕತ್ವ ವಹಿಸಿದ್ದಾರೆ.
ನೋಯೆಲ್ ಟಾಟಾ ಕುಟುಂಬ
ನೋಯೆಲ್ ಟಾಟಾ ಅವರು ಮತ್ತೊಬ್ಬ ಪ್ರಸಿದ್ಧ ಕೈಗಾರಿಕೋದ್ಯಮಿ.ರತನ್ ಅವರ ಮಲಸಹೋದರ. ಟಾಟಾ ಸನ್ಸ್‌ನ ಪ್ರಮುಖ ಷೇರುದಾರ ಪಲ್ಲೊಂಜಿ ಮಿಸ್ತ್ರಿ ಅವರ ಪುತ್ರಿ ಆಲೂ ಮಿಸ್ತ್ರಿ ಅವರನ್ನು ವಿವಾಹವಾಗಿದ್ದಾರೆ. ಅವರಿಗೆ ಮೂವರು ಮಕ್ಕಳಿದ್ದಾರೆ: ಲೇಹ್ ಟಾಟಾ, ಮಾಯಾ ಟಾಟಾ ಮತ್ತು ನೆವಿಲ್ಲೆ ಟಾಟಾ.
ಲೇಹ್ ಟಾಟಾ
ಹಿರಿಯವರಾದ ಲೇಹ್ ಟಾಟಾ ಮ್ಯಾಡ್ರಿಡ್ನ ಐಇ ಬಿಸಿನೆಸ್ ಸ್ಕೂಲ್ನಿಂದ ಮಾರ್ಕೆಟಿಂಗ್ನಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ. ಟಾಟಾ ಗ್ರೂಪ್‌ನಲ್ಲಿ ಕೆಲಸ ಮಾಡುತ್ತಿದ್ದಾರೆ, ಪ್ರಸ್ತುತ ಇಂಡಿಯನ್ ಹೋಟೆಲ್ಸ್ ಕಂಪನಿ ಲಿಮಿಟೆಡ್ (ಐಎಚ್‌ಸಿಎಲ್) ನಲ್ಲಿ ಉಪಾಧ್ಯಕ್ಷರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ.
ಮಾಯಾ ಟಾಟಾ
ಮಾಯಾ ಟಾಟಾ ಟಾಟಾ ಕ್ಯಾಪಿಟಲ್ಸ್‌ನಲ್ಲಿ ವಿಶ್ಲೇಷಕರಾಗಿ ತಮ್ಮ ವೃತ್ತಿಜೀವನ ಪ್ರಾರಂಭಿಸಿದ್ದರು. ಕ್ರಮೇಣ ಕಂಪನಿಯೊಳಗೆ ಪ್ರಮುಖ ಹುದ್ದೆಯನ್ನು ವಹಿಸಿಕೋಂಡು ಮುಂದುವರಿದಿದ್ದಾರೆ. .
ನೆವಿಲ್ಲೆ ಟಾಟಾ
ನೆವಿಲ್ಲೆ ಟಾಟಾ ಮತ್ತೊಂದು ಪ್ರತಿಷ್ಠಿತ ಭಾರತೀಯ ಕುಟುಂಬವಾದ ಕಿರ್ಲೋಸ್ಕರ್ ಗ್ರೂಪ್ನ ಸದಸ್ಯೆ ಮಾನಸಿ ಕಿರ್ಲೋಸ್ಕರ್ ಅವರನ್ನು ವಿವಾಹವಾಗಿದ್ದಾರೆ.
ಲೇಹ್ ಟಾಟಾ
ಲೇಹ್ ಟಾಟಾ ಅವರು ಮ್ಯಾಡ್ರಿಡ್ನ ಐಇ ಬಿಸಿನೆಸ್ ಸ್ಕೂಲ್ನಿಂದ ಮಾರ್ಕೆಟಿಂಗ್ನಲ್ಲಿ ಸ್ನಾತಕೋತ್ತರ ಪದವಿಯನ್ನು ಪಡೆದಿದ್ದಾರೆ.
ಮಾಯಾ ಟಾಟಾ
ಟಾಟಾ ಒಡೆತನದ ಚಿಲ್ಲರೆ ಕಂಪನಿಯಾದ ಟ್ರೆಂಟ್‌ನಲ್ಲಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದ್ದಾರೆ. ಇದನ್ನು ಸ್ಥಾಪಿಸಲು ಅವರ ತಂದೆ ನೋಯೆಲ್ ಸಹಾಯ ಮಾಡಿದ್ದಾರೆ.
ಇದನ್ನೂ ಓದಿ:ರತನ್ ಟಾಟಾ ದೇಶದ ವರಪುತ್ರ
ಟಾಟಾ ಕುಟುಂಬದ ಪರಂಪರೆಯು ಅದರ ಹೊಸ ಪೀಳಿಗೆಯ ಪ್ರಯತ್ನಗಳ ಮೂಲಕ ಮುಂದುವರಿಯುತ್ತದೆ. ನೋಯೆಲ್ ಟಾಟಾ ಮತ್ತು ಅವರ ಮಕ್ಕಳು ಕುಟುಂಬದ ವ್ಯವಹಾರ ಕಾರ್ಯಾಚರಣೆಗಳಲ್ಲಿ ತೊಡಗಿಸಿಕೊಂಡಿದ್ದಾರೆ.
