ತೆಲಂಗಾಣ: ತೆಲಂಗಾಣ ಮಹಬೂಬ್‌ನಗರ ಜಿಲ್ಲೆಯಲ್ಲಿ 25 ಶಾಲಾ ಮಕ್ಕಳಿದ್ದ ಶಾಲಾ ಬಸ್ ಅಂಡರ್ ಬೈಪಾಸ್ನಲ್ಲಿ ಸಂಗ್ರಹ ವಾಗಿದ್ದ ಮಳೆ ನೀರಿನಲ್ಲಿ ಸಿಲುಕಿಕೊಂಡಿದ್ದು, ಸ್ಥಳೀಯರು ಎಲ್ಲಾ ಮಕ್ಕಳನ್ನು ರಕ್ಷಿಸಿರುವ ಘಟನೆ ನಡೆದಿದೆ.
ಮಾಚನಪಲ್ಲಿ ಮತ್ತು ಕೋಡೂರಿನ ನಡುವೆ ಈ ಘಟನೆ ನಡೆದಿದೆ. ಇಲ್ಲಿ ರೈಲ್ವೆಯ ಕೆಳ ಸೇತುವೆ ಕಾಮ ಗಾರಿ ನಡೆಯುತ್ತಿದೆ. ಕೆಲವು ದಿನಗಳಿಂದ ಭಾರೀ ಮಳೆಯಾಗುತ್ತಿರುವ ಕಾರಣ, ಮಳೆ ನೀರು ಅಂಡರ್ ಬೈಪಾಸ್ನಲ್ಲಿ ಶೇಖರಣೆಯಾಗಿತ್ತು.
ಇದನ್ನರಿಯದ ಖಾಸಗಿ ಶಾಲೆಯೊಂದರ ಬಸ್ ರೈಲು ಸೇತುವೆಯ ಕೆಳಗೆ ಹಾದು ಹೋಗುವ ವೇಳೆ ಅಲ್ಲೇ ಸಿಲುಕಿಕೊಂಡಿದೆ. ಬಸ್ಸಿ ನೊಳಗೆ ನೀರು ನುಗ್ಗಿ ವಾಹನದ ಅರ್ಧದಷ್ಟು ಭಾಗ ಮುಳುಗಿದ್ದನ್ನು ಕಂಡ ಸ್ಥಳೀಯರು ವಿದ್ಯಾರ್ಥಿಗಳನ್ನು ರಕ್ಷಿಸಿದ್ದಾರೆ.
