ನವದೆಹಲಿ: ಹಿರಿಯ ಐಪಿಎಸ್ ಅಧಿಕಾರಿಗಳಾದ ವಿದ್ಯಾ ಜಯಂತ್ ಕುಲ ಕರ್ಣಿ, ಘನಶ್ಯಾಮ್ ಉಪಾಧ್ಯಾಯ ಹಾಗೂ ನವಲ್ ಬಜಾಜ್ ಅವರನ್ನು ಸಿಬಿಐನ ಜಂಟಿ ನಿರ್ದೇಶಕರನ್ನಾಗಿ ಬುಧವಾರ ನೇಮಕ ಮಾಡಲಾಗಿದೆ.
ವಿದ್ಯಾ ಜಯಂತ್ ಕುಲಕರ್ಣಿ ಅವರು ತಮಿಳುನಾಡು ಕೇಡರ್‌ನ 1998ರ ಬ್ಯಾಚ್‌ನ ಐಪಿಎಸ್ ಅಧಿಕಾರಿ. ಅವರನ್ನು 5 ವರ್ಷಗಳ ಅವಧಿಗೆ ಪ್ರಭಾರ ನೆಲೆಯಲ್ಲಿ ನಿಯೋಜಿಸಲಾಗಿದೆ ಎಂದು ಅದು ತಿಳಿಸಿದೆ.
ಘನಶ್ಯಾಮ್ ಉಪಾಧ್ಯಾಯ ಅವರು ಒಡಿಶಾ ಕೇಡರ್‌ನ 1999ರ ಬ್ಯಾಚ್‌ನ ಐಪಿಎಸ್ ಅಧಿಕಾರಿ. ಅವರ ಅಧಿಕಾರಾವಧಿ 2026 ಜೂನ್ 29ರ ವರೆಗೆ ಮುಂದುವರಿಯಲಿದೆ. ನವಲ್ ಬಜಾಜ್ ಅವರು ಮಹಾರಾಷ್ಟ್ರ ಕೇಡರ್‌ನ 1995ರ ಬ್ಯಾಚ್‌ನ ಅಧಿಕಾರಿ. ಅವರ ಸಂಯುಕ್ತ ಅಧಿಕಾರಾವಧಿ 5 ವರ್ಷ ಇರಲಿದೆ. ಅಂದರೆ ಅವರು 2026 ಜೂನ್ 6ರ ವರೆಗೆ ಮುಂದುವರಿಯಲಿದೆ ಎಂದು ಸಿಬ್ಬಂದಿ ಸಚಿವಾಲಯದ ಆದೇಶ ತಿಳಿಸಿದೆ.
