ಸೋಶಿಯಲ್ ಮೀಡಿಯಾಗಳಲ್ಲಿ ಫೇಮಸ್ ಆಗಲು ಜನರು ಹಲವು ವಿಧದ ರೀಲ್ಸ್‌ಗಳನ್ನು ಮಾಡಿ ಜೀವಕ್ಕೆ ಕುತ್ತು ತಂದುಕೊಂಡಂತಹ ಘಟನೆಗಳು ನಡೆದಿವೆ.ಇತ್ತೀಚೆಗೆ ರೀಲ್ ಮಾಡಲು ಹೋಗಿ ಯುವತಿಯೊಬ್ಬರು ಮೆಟ್ಟಿಲುಗಳಿಂದ ಕೆಳಗೆ ಉರುಳು ಬಿದ್ದಿದ್ದಾರೆ. ಇದಕ್ಕೆ ಸಂಬಂಧಪಟ್ಟ ವೈರಲ್ ವಿಡಿಯೊ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದ್ದು, ಸಿಕ್ಕಾಪಟ್ಟೆ ವೈರಲ್(Viral Video) ಆಗಿದೆ. ಇದು ವ್ಯಾಪಕ ಟೀಕೆಗೆ ಕಾರಣವಾಗಿದೆ.
ವೈರಲ್ ವಿಡಿಯೊದಲ್ಲಿ ಮೆಟ್ಟಿಲಿನ ಮೇಲೆ ಕುಳಿತು ಯುವತಿಯೊಬ್ಬರು ವಿಡಿಯೊ ಮಾಡುವಾಗ ಆಯತಪ್ಪಿ ಕೆಳಗೆ ಬಿದ್ದಿದ್ದಾರೆ. ಅವರು ಮೆಟ್ಟಿಲುಗಳಿಂದ ಉರುಳಿ ಬೀಳುತ್ತಿರುವಾಗ, ಅಲ್ಲೇ ಇದ್ದ ವ್ಯಕ್ತಿಯೊಬ್ಬರು ತಡೆಯಲು ಪ್ರಯತ್ನಿಸಿದ್ದಾರೆ. ಆದರೆ ಅವರಿಗೆ ಹಿಡಿಯಲು ಆಗಲಿಲ್ಲ. ಕೊನೆಗೆ ಕೆಳಗೆ ಇದ್ದ ಇನ್ನೊಬ್ಬ ವ್ಯಕ್ತಿ ಯುವತಿಯನ್ನು ರಕ್ಷಿಸಿದ್ದಾರೆ. ಮೇಲೆದ್ದ ಯುವತಿಗೆ ಮುಜುಗರವಾಗಿದ್ದು, ನಾಚಿಕೆಯಿಂದ ಮುಖವನ್ನು ಮುಚ್ಚಿಕೊಂಡು ನಕ್ಕಿದ್ದಾರೆ. ಕೆಲವು ಬಳಕೆದಾರರು ಈ ಕೃತ್ಯವನ್ನು ತಮಾಷೆಯಾಗಿ ಕಂಡರೆ, ಹೆಚ್ಚಿನವರು ಫಾಲೋವರ್ಸ್‍ಗಳಿಗಾಗಿ ಇಂತಹ ಕೆಲಸಕ್ಕೆ ಮುಂದಾಗಿದ್ದಕ್ಕೆ ಯುವತಿಯ ಮೇಲೆ ಕಿಡಿಕಾರಿದ್ದಾರೆ.
ऐसी हरकतों को देखकर अन्य लोगों से भी उनका विश्वास उठ जाता है !!
— MANOJ SHARMA LUCKNOW UP🇮🇳🇮🇳🇮🇳 (@ManojSh28986262) November 17, 2024
ऐसे लोगों की हरकत की वजह से ही जिनको वास्तव में मदद की जरूरत होती है उनकी लोग फिर मदद नहीं कर पाते हैं !!#viralvideo #Trendingvideo pic.twitter.com/4KzO0VgvEA
ಈ ಘಟನೆಯು ಸೋಶಿಯಲ್ ಮೀಡಿಯಾದಲ್ಲಿ ಖ್ಯಾತಿಗಳಿಸಲು ಜನರು ಏನು ಬೇಕಾದರೂ ಮಾಡುತ್ತಾರೆ ಎಂಬುದರ ಬಗ್ಗೆ ಚರ್ಚೆಯನ್ನು ಹುಟ್ಟುಹಾಕಿದೆ. ಇಂತಹ ಅಜಾಗರೂಕ ಕೆಲಸಗಳಿಂದ ಜನರು ಅಪಾಯಕ್ಕೆ ಸಿಲುಕುತ್ತಿದ್ದಾರೆ ಎಂದು ಹಲವರು ಹೇಳಿದ್ದಾರೆ. “ಇಂತವರು ಮಾಡುವ ಕೆಲಸದಿಂದ ಜನರು ನಿಜವಾಗಿಯೂ ಅಪಾಯದಲ್ಲಿರುವವರಿಗೆ ಸಹಾಯ ಮಾಡಲು ಹಿಂಜರಿಯುತ್ತಾರೆ” ಎಂದು ಸೋಶಿಯಲ್ ಮೀಡಿಯಾ ಬಳಕೆದಾರರೊಬ್ಬರು ಹೇಳಿದ್ದಾರೆ. ಇನ್ನೊಬ್ಬ ಬಳಕೆದಾರರು “ಅಂತಹ ರೀಲ್ಸ್‌ಗಳನ್ನು ನೋಡಿ, ಜನರು ಇತರರ ಮೇಲಿನ ನಂಬಿಕೆಯನ್ನು ಕಳೆದುಕೊಳ್ಳುತ್ತಾರೆ. ಇದು ಅನೇಕ ಸಂದರ್ಭಗಳಲ್ಲಿ ಹಾನಿಯನ್ನುಂಟುಮಾಡುತ್ತಿದೆ” ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ:ದೆಹಲಿ ಮೆಟ್ರೋದಲ್ಲಿ ಜಡೆ ಜಗಳ: ಯುವತಿಯರಿಬ್ಬರ ಕಿತ್ತಾಟ ನೋಡಿ ಬಿದ್ದು ಬಿದ್ದು ನಕ್ಕ ಜನರು
ಈ ರೀಲ್ಸ್ ಅವಾಂತರ ಇದೇ ಮೊದಲಲ್ಲ. ಈ ಹಿಂದೆ “ಓ ಲಾಲ್ ದುಪಟ್ಟೆ ವಾಲಿ” ಎಂಬ ಪ್ರಸಿದ್ಧ ಬಾಲಿವುಡ್ ಹಾಡಿಗೆ ಹುಡುಗ ಮತ್ತು ಹುಡುಗಿ ರೀಲ್ ಮಾಡಿದ ವಿಡಿಯೊವೊಂದು ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿತ್ತು. ಇವರಿಬ್ಬರು ನೃತ್ಯ ರೀಲ್ಸ್ ಮಾಡುತ್ತಿರುವಾಗ ಅವರ ಹಿಂದೆ ಮಹಿಳೆಯೊಬ್ಬರು ಉರುಳಿ ಬಿದ್ದಿದ್ದಾರೆ. ಎಲ್ಲರೂ ಮಹಿಳೆಯನ್ನು ರಕ್ಷಿಸಲು ಪ್ರಯತ್ನಿಸುತ್ತಿದ್ದರೆ ಇವರಿಬ್ಬರು ಮಾತ್ರ ರೀಲ್ಸ್‌ನಲ್ಲಿಯೇ ಮುಳುಗಿದ್ದಾರಂತೆ. ಇದು ನೆಟ್ಟಿಗರ ಆಕ್ರೋಶಕ್ಕೆ ಕಾರಣವಾಗಿತ್ತು.
