ವಾಟ್ಸ್‌ಆಯಪ್: ಏಪ್ರಿಲ್’ನಲ್ಲಿ 74 ಲಕ್ಷ ಖಾತೆಗಳ ನಿಷೇಧ

ಏಪ್ರಿಲ್ 1 ರಿಂದ ಏಪ್ರಿಲ್ 30, 2023 ರ ಅವಧಿಯ ವರದಿ ಇದಾಗಿದೆ. ಭಾರತದಲ್ಲಿನ ಬಳಕೆದಾರರು ನೀಡಿದ ದೂರುಗಳಿಗೆ ಪ್ರತಿಕ್ರಿಯೆಯಾಗಿ ಕಂಪನಿ ಯಾವೆಲ್ಲ ಕ್ರಮಗಳನ್ನು ತೆಗೆದುಕೊಂಡಿದೆ ಎಂಬುದನ್ನು ವಾಟ್ಸ್​ ಆಯಪ್ ವರದಿಯಲ್ಲಿ ವಿವರಿಸಿದೆ. ಖಾತೆಗಳು ಕಾನೂನು ಅಥವಾ ಸೇವಾ ನಿಯಮ ಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ತೆಗೆದು ಕೊಂಡ ಕ್ರಮ ಮತ್ತು ಕುಂದುಕೊರತೆ ಮೇಲ್ಮನವಿ ಸಮಿತಿಯಿಂದ (GAC) ಸ್ವೀಕರಿಸಿದ ಆದೇಶಗಳ ಪ್ರಕಾರ ಕೈಗೊಂಡ ಕ್ರಮಗಳ ವಿವರ ಇದರಲ್ಲಿದೆ.

ಇತ್ತೀಚಿನ ಮಾಸಿಕ ವರದಿಯಲ್ಲಿ ಪ್ರಕಟಿಸಿದಂತೆ ವಾಟ್ಸ್​ ಆಯಪ್ ಏಪ್ರಿಲ್‌ನಲ್ಲಿ 7.4 ಮಿಲಿಯನ್ ಖಾತೆಗಳನ್ನು ನಿಷೇಧಿಸಿದೆ ಮತ್ತು ಬಳಕೆದಾರರಿಂದ ಯಾವುದೇ ದೂರುಗಳು ಬರುವ ಮೊದಲೇ ಇವುಗಳ ಪೈಕಿ 2.4 ಮಿಲಿಯನ್ ಖಾತೆಗಳನ್ನು ಪೂರ್ವಭಾವಿಯಾಗಿ ನಿಷೇಧಿಸಲಾಗಿದೆ” ಎಂದು ವಾಟ್ಸ್​ ಆಯಪ್ ವಕ್ತಾರರು ತಿಳಿಸಿದ್ದಾರೆ.

ವಾಟ್ಸ್​ ಆಯಪ್ ಇದು ಆಯಂಡ್ರಾಯ್ಡ್​ ಮತ್ತು ಐಫೋನ್ ಎರಡರಲ್ಲೂ ಲಭ್ಯವಿರುವ ಉಚಿತ ತ್ವರಿತ ಸಂದೇಶ ಅಪ್ಲಿಕೇಶನ್ ಆಗಿದೆ. ಬಳಸಿ ಇತರ ಬಳಕೆದಾರರಿಗೆ ಒಬ್ಬರಿಗೊಬ್ಬರು ಅಥವಾ ಗುಂಪುಗಳಲ್ಲಿ ಪಠ್ಯ ಸಂದೇಶಗಳನ್ನು ಕಳುಹಿಸಬಹುದು. ಮುಖ್ಯವಾಗಿ ವಾಟ್ಸ್​ ಆಯಪ್ ಚಾಟ್‌ಗಳು ಇಂಟ ರ್ನೆಟ್‌ ಮೂಲಕ ರವಾನೆಯಾಗುತ್ತವೆ. ಇದು ನಿಮ್ಮ ಫೋನ್​ನಲ್ಲಿರುವ ಎಸ್​ಎಂಎಸ್​ ಸೇವೆಗಿಂತ ವಿಭಿನ್ನವಾಗಿದೆ.