ನವದೆಹಲಿ: ಜೊಮ್ಯಾಟೊ ಸಹ ಸಂಸ್ಥಾಪಕಿ ಆಕೃತಿ ಚೋಪ್ರಾ (Akriti Chopra) ಅವರು ಆಹಾರ ವಿತರಣಾ ಕಂಪನಿಯಲ್ಲಿ 13 ವರ್ಷಗಳ ಸುದೀರ್ಘ ಅಧಿಕಾರಾವಧಿಯ ನಂತರ ತಕ್ಷಣದಿಂದ ಜಾರಿಗೆ ಬರುವಂತೆ ರಾಜೀನಾಮೆ ನೀಡಿದ್ದಾರೆ. ದೀಪಿಂದರ್ ಗೋಯಲ್ ನೇತೃತ್ವದ ಕಂಪನಿಯು ಎಕ್ಸ್‌ಚೇಂಜ್‌ ಫೈಲಿಂಗ್‌ನಲ್ಲಿ ಅವರ ರಾಜೀನಾಮೆಯ ಬಗ್ಗೆ ಮಾಹಿತಿ ನೀಡಿದ್ದಾರೆ, “ಸೆಬಿ ಲಿಸ್ಟಿಂಗ್ ರೆಗ್ಯುಲೇಷನ್ಸ್‌ನ ನಿಯಮ 30ಕ್ಕೆ ಅನುಸಾರವಾಗಿ ಹಿರಿಯ ನಿರ್ವಹಣಾ ಸಿಬ್ಬಂದಿ ಎಂದು ಗೊತ್ತುಪಡಿಸಿದ ಸಹಸಂಸ್ಥಾಪಕ ಮತ್ತು ಮುಖ್ಯ ಜನ ಅಧಿಕಾರಿ ಆಕೃತಿ ಚೋಪ್ರಾ ಅವರು ರಾಜೀನಾಮೆ ನೀಡಿದ್ದಾರೆ ಎಂದು ತಿಳಿಸಲು ನಾವು ಬಯಸುತ್ತೇವೆ. ಸೆಪ್ಟೆಂಬರ್ 27, 2024.
ಆಕೃತಿ ಚೋಪ್ರಾ ನವೆಂಬರ್ 2011 ರಲ್ಲಿ ಜೊಮಾಟೊಗೆ ಸೇರಿದ್ದರು. ಅಲ್ಲಿ ಅವರು ಹಣಕಾಸು ಮತ್ತು ಕಾರ್ಯಾಚರಣೆಗಳ ಹಿರಿಯ ವ್ಯವಸ್ಥಾಪಕರಾಗಿ ಪ್ರಾರಂಭಿಸಿದ್ದರು. ಅವರು ಜೊಮ್ಯಾಟೊದಲ್ಲಿ ಹಣಕಾಸು ಮತ್ತು ಕಾರ್ಯಾಚರಣೆಗಳ ಉಪಾಧ್ಯಕ್ಷ ಮತ್ತು ಸಿಎಫ್ಒ ಸೇರಿದಂತೆ ಪ್ರಮುಖ ಪಾತ್ರಗಳನ್ನು ನಿರ್ವಹಿಸಿದ್ದಾರೆ.
ಅಕ್ಟೋಬರ್ 2020ರಲ್ಲಿ ಅವರು ಜನರ ಅಭಿವೃದ್ಧಿಯ ಮುಖ್ಯಸ್ಥರ ಪಾತ್ರಕ್ಕೆ ತೆರಳಿದ್ದರು. ಅಂತಿಮವಾಗಿ ಜೂನ್ 2021 ರಲ್ಲಿ ಮುಖ್ಯ ಜನ ಅಧಿಕಾರಿ ಆಗಿದ್ದರು.
ಆಕೃತಿ ಚೋಪ್ರಾಗೆ ಮುಂದೇನು?
ಜೊಮ್ಯಾಟೊ ಪ್ರಕಾರ, ಆಕೃತಿ ಚೋಪ್ರಾ ಕಂಪನಿಯ ಹೊರಗೆ ಇತರ ಆಸಕ್ತಿಗಳನ್ನು ಮುಂದುವರಿಸಲು ರಾಜೀನಾಮೆ ನೀಡಿದ್ದಾರೆ. ಸಿಇಒ ದೀಪಿಂದರ್ ಗೋಯಲ್ ಅವರಿಗೆ ಇಮೇಲ್ ಬರೆದಿರುವ ಅವರು, “ಕಳೆದ 13 ವರ್ಷಗಳಲ್ಲಿ ಇದು ನಂಬಲಾಗದಷ್ಟು ಸುದೀರ್ಘ ಪ್ರುಯಾಣ ಮಾಡಿದ್ದೇನೆ. ಎಲ್ಲದಕ್ಕೂ ಧನ್ಯವಾದಗಳು. ಒಂದು ಕರೆಗೆ ಪ್ರತಿಕ್ರಿಯಿಸುವೆ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: Clean Ganga Mission : ಕುಂಭ ಮೇಳಕ್ಕೆ ಸಿದ್ಧತೆ; ಸ್ವಚ್ಛ ಗಂಗಾ ಮಿಷನ್‌ಗಾಗಿ 1,062 ಕೋಟಿ ರೂ. ಬಿಡುಗಡೆ
ಜೊಮ್ಯಾಟೋದಲ್ಲಿ ಏನಾಗುತ್ತಿದೆ?
ಕಳೆದ ವರ್ಷ ಜನವರಿಯಲ್ಲಿ, ಮತ್ತೊಬ್ಬ ಜೊಮ್ಯಾಟೊ ಸಹ-ಸಂಸ್ಥಾಪಕ ಮತ್ತು ಅದರ ಅಂದಿನ ಮುಖ್ಯ ತಂತ್ರಜ್ಞಾನ ಅಧಿಕಾರಿ ಗುಂಜನ್ ಪಾಟಿದಾರ್ ಕಂಪನಿಯಲ್ಲಿ ಒಂದು ದಶಕಕ್ಕೂ ಹೆಚ್ಚು ಕಾಲ ಕೆಲಸ ಮಾಡಿದ ನಂತರ ರಾಜೀನಾಮೆ ನೀಡಿದ್ದರು. ನವೆಂಬರ್ 2022 ರಲ್ಲಿ, ಇನ್ನೊಬ್ಬ ಸಹ-ಸಂಸ್ಥಾಪಕ ಮೋಹಿತ್ ಗುಪ್ತಾ ರಾಜೀನಾಮೆ ನೀಡಿದ್ದರು. 2020 ರಲ್ಲಿ ಅವರು ಆಹಾರ ವಿತರಣಾ ವ್ಯವಹಾರದ ಸಿಇಒ ಸ್ಥಾನದಿಂದ ಸಹ-ಸಂಸ್ಥಾಪಕ ಮಟ್ಟಕ್ಕೆ ಏರಿದ್ದರು.
