ಬೆಂಗಳೂರು : ಬೆಂಗಳೂರು ಭೀಕರ ಅಗ್ನಿದುರಂತವೊಂದು ಸಂಭವಿಸಿದ್ದು, ಗುಜರಿ ವಸ್ತುಗಳ ಗೋಡೌನ್ ನಲ್ಲಿ ಬೆಂಕಿ ಹೊತ್ತಿ ಉರಿದಿದ್ದು, ಮೂರು ಬಸ್ ಗಳು ಸೇರಿದಂತೆ ಅಪಾರ ಪ್ರಮಾಣದ ವಸ್ತುಗಳು ಬೆಂಕಿಗಾಹುತಿಯಾಗಿರುವ ಘಟನೆ ನಡೆದಿದೆ.
ಆರ್. ಆರ್. ನಗರದ ಐಟಿಐ ಲೇಔಟ್ ನ ಇಂಡೇಸ್ ಗ್ಯಾಸ್ ಏಜೆನ್ಸಿ ಬಳಿ ಘಟನೆ ನಡೆದಿದೆ. ಸ್ಕ್ರ್ಯಾಪ್ ಗೋಡೌನ್ ನಲ್ಲಿ ಮೂರು ಬಸ್ ಗಳು ಬೆಂಕಿಗಾಹುತಿಯಾಗಿವೆ. ಆಕಸ್ಮಿಕವಾಗಿ ಬೆಂಕಿ ತಗುಲಿದ ಪರಿಣಾಮ ಮೂರು ಬಸ್ ಗಳು ಸೇರಿದಂತೆ ಅಪಾರ ಪ್ರಮಾಣದ ವಸ್ತುಗಳು ಬೆಂಕಿಗಾಹುತಿಯಾಗಿವೆ.
ಸ್ಥಳಕ್ಕೆ ಅಗ್ನಿಶಾಮಕ ದಳದ ಸಿಬ್ಬಂದಿ ಆಗಮಿಸಿದ್ದು, ಬೆಂಕಿ ನಂದಿಸುವ ಕಾರ್ಯ ಮಾಡುತ್ತಿದ್ದಾರೆ. ಆರ್.ಆರ್. ನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.
