ಚಿಂಚೋಳಿ: ಕಳೆದ ನಾಲ್ಕು ದಿನಗಳ ಹಿಂದೆ ತಾಲೂಕಿನ ಚಂದ್ರಂಪಳ್ಳಿ ಗ್ರಾಮದಲ್ಲಿ ವೃದ್ಧೆಯ ಮೇಲೆ ಅತ್ಯಾಚಾರ ಎಸಗಿದ ಆರೋಪಿಯ ವಿರುದ್ಧ ಸರ್ಕಾರ ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿ ತಾಲೂಕು ಸರ್ವಧರ್ಮಗಳ ಒಕ್ಕೂಟ ಸಮಿತಿ ಅಧ್ಯಕ್ಷ ಅಬ್ದುಲ್ ಬಾಶೀದ್ ಅವರ ನೇತೃತ್ವದಲ್ಲಿ ಚಿಂಚೋಳಿ ತಹಸೀಲ್ದಾರರ ಮೂಲಕ ಜಿಲ್ಲಾಧಿಕಾರಿಗಳಿಗೆ (Kalaburagi News) ಮನವಿ ಸಲ್ಲಿಸಲಾಯಿತು.
ಅಖಿಲ ಭಾರತ ವೀರಶೈವ ಲಿಂಗಾಯತ ಮಹಾಸಭಾದ ತಾಲೂಕ ಅಧ್ಯಕ್ಷ ಶರಣು ಪಾಟೀಲ ಮೋತಕಪಲ್ಲಿ ಮಾತನಾಡಿ, ವೃದ್ಧೆಯ ಮೇಲೆ ಅತ್ಯಾಚಾರ ವೆಸಗಿದ ದುಷ್ಟ ಕಾಮುಕನನ್ನು ಕೂಡಲೇ ಪತ್ತೆ ಹಚ್ಚಿ ಬಂಧಿಸಿ, ಕಾನೂನಿನ ಅಡಿಯಲ್ಲಿ ಸೂಕ್ತ ಕ್ರಮಕೈಗೊಳ್ಳಬೇಕು ಎಂದು ಆಗ್ರಹಿಸಿದರು.
ಈ ಸುದ್ದಿಯನ್ನೂ ಓದಿ | MB Patil: ಪ್ರಧಾನಿ ಮನೆ ಮುಂದೆ ಧರಣಿ ಕೂರುವ ಧೈರ್ಯ ಬಿಜೆಪಿ ನಾಯಕರಿಗಿದೆಯಾ? ಎಂ. ಬಿ. ಪಾಟೀಲ್‌ ಪ್ರಶ್ನೆ
ಅತ್ಯಾಚಾರ ವೆಸಗಿದ ದುಷ್ಟ ಕಾಮುಕನನ್ನು ಕೂಡಲೇ ಬಂಧಿಸಿ, ಕಾನೂನಿನ ಅಡಿಯಲ್ಲಿ ಸೂಕ್ತ ಕ್ರಮಕೈಗೊಳ್ಳಬೇಕು ಎಂದು ಒಕ್ಕೂಟದ ಅಧ್ಯಕ್ಷ ಅಬ್ದುಲ್ ಬಾಶೀದ್, ಆರ್ ಗಣಪತರಾವ, ಹಣಮಂತ ಪೂಜಾರಿ, ಕೆ.ಎಂ.ಬಾರಿ ಆಗ್ರಹಿಸಿದ್ದಾರೆ.
ಈ ಸುದ್ದಿಯನ್ನೂ ಓದಿ | IDBI Bank Recruitment 2024: IDBI ಬ್ಯಾಂಕ್‌ನಲ್ಲಿದೆ 600 ಹುದ್ದೆ; ಆನ್‌ಲೈನ್‌ ಮೂಲಕ ಹೀಗೆ ಅಪ್ಲೈ ಮಾಡಿ
ಪ್ರತಿಭಟನೆಯಲ್ಲಿ ಜಗನ್ನಾಥ ಗುತ್ತೇದಾರ, ನೀಲಕಂಠ ಸೀಳಿನ್, ಶಿವರಾಜ ಪಾಟೀಲ, ಸುಭಾಶ್ಚಂದ್ರ ಪಾಟೀಲ, ಶೇಕ್ ಫರೀದ್, ಗಂಗಾಧರ ಗಡ್ಡಿಮನಿ, ನಾಗೇಶ ಗುಣಾಜಿ, ಮಂಜನಲೆ ಸಾಬ್, ಮತೀನ್ ಸೌದಾಗರ, ಸೈಯದ್ ಖಲೀಲ್ ಪಟೇಲ್, ರಾಜು ಪವಾರ, ರಾಮಶೆಟ್ಟಿ ಪವಾರ, ಸೈಯದ್ ಶಬ್ಬೀರ್, ಹಾದಿ ಸಾಬ್, ಚಾಂದ್ ಪಾಶಾ ಹಾಗೂ ಇತರರು ಪಾಲ್ಗೊಂಡಿದ್ದರು.
