ಚಿಕ್ಕಬಳ್ಳಾಪುರ: ಜಿಲ್ಲೆಯ ಬಾಗೇಪಲ್ಲಿ ಸರ್ಕಾರಿ ಬಾಲಕಿಯ ಪ್ರೌಢಶಾಲೆ ಸೇರಿದಂತೆ ಆರು ಶಾಲೆಗಳಿಗೆ ಸೇಬರ್ ಯುನೈಟೆಡ್ ವೇ ಆಫ್ ಬೆಂಗಳೂರು ಸಂಸ್ಥೆಯು ನೂತನ “ಪ್ರಾಯೋಗಿಕ ಲ್ಯಾಬ್‌”ಗಳನ್ನು ತೆರೆದಿದೆ.
ಈ ಲ್ಯಾಬ್‌ನಲ್ಲಿ ಮಕ್ಕಳು ವಿಜ್ಞಾನ ಹಾಗೂ ತಂತ್ರಜ್ಞಾನ ಕಲಿಕೆಗೆ ಹೆಚ್ಚು ಸಕ್ರಿಯವಾಗಿ ಪ್ರಯೋಗ ನಡೆಸಲು ಅನುಕೂಲವಾಗಲಿದೆ. ಲ್ಯಾಬ್‌ ಉದ್ಘಾಟನೆಯಲ್ಲಿ ಸೇಬರ್‌ನ ಎಂಡಿ ಶ್ರೀರಾಮ್ ಗೋಪಾಲಸ್ವಾಮಿ, ಸಾರ್ವಜನಿಕ ಶಿಕ್ಷಣ ಇಲಾಖೆಯ ಉಪನಿರ್ದೇಶಕರು (ಡಿಡಿಪಿಐ), ಬ್ಲಾಕ್ ಶಿಕ್ಷಣಾಧಿಕಾರಿ (ಬಿಇಒ), ಮತ್ತು ಎಲ್ಲಾ ಶಾಲೆಗಳ ಶಿಕ್ಷಕರು ಉಪಸ್ಥಿತರಿದ್ದರು .
