ಒಟ್ಟಾವಾ: ‘ತಂಬಾಕು ಹೊಗೆ ಮಕ್ಕಳಿಗೆ ಹಾನಿ ಮಾಡುತ್ತದೆ.’ ‘ಸಿಗರೇಟ್‌ಗಳು ಲ್ಯುಕೇಮಿಯಾಕ್ಕೆ ಕಾರಣ.’ ‘ಪ್ರತಿ ಪಫ್ ನಲ್ಲಿ ವಿಷವಿದೆ.’
ಇಂತಹ ಸಾಲುಗಳು ಸಿಗರೇಟ್‌ ಗಳ ಮೇಲೆ ಇಂಗ್ಲಿಷ್ ಮತ್ತು ಫ್ರೆಂಚ್ ಎರಡರಲ್ಲೂ ಶೀಘ್ರದಲ್ಲೇ ಕಾಣಿಸಿಕೊಳ್ಳಲಿವೆ.
ಪ್ರತಿ ಸಿಗರೇಟಿನ ಮೇಲೆ ಆರೋಗ್ಯ ಎಚ್ಚರಿಕೆಗಳನ್ನು ನೇರವಾಗಿ ಮುದ್ರಿಸುವ ಅಗತ್ಯವಿದೆ ಎಂದು ಕೆನಡಾ ಘೋಷಿ ಸಿದೆ. ಈ ರೀತಿ ಘೋಷಿಸಿದ ವಿಶ್ವದ ಮೊದಲ ದೇಶ ಕೆನಡಾ ಆಗಿದೆ.
ಹೊಸ ತಂಬಾಕು ಉತ್ಪನ್ನಗಳ ಪ್ಯಾಕೇಜಿಂಗ್ ಮತ್ತು ಲೇಬಲಿಂಗ್ ನಿಯಮಗಳು ಕೆನಡಾ ಸರ್ಕಾರದ ಮುಂದುವರಿದ ಪ್ರಯತ್ನಗಳ ಭಾಗವಾಗಿ ಯುವಕ ರನ್ನು ಮತ್ತು ತಂಬಾಕು ಅಲ್ಲದ ಬಳಕೆದಾರರನ್ನು ನಿಕೋಟಿನ್ ವ್ಯಸನದಿಂದ ರಕ್ಷಿಸಲು ಮತ್ತು ತಂಬಾಕಿನ ಆಕರ್ಷಣೆಯನ್ನು ಮತ್ತಷ್ಟು ಕಡಿಮೆ ಮಾಡಲು ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಕೆನಡಾದ ಆರೋಗ್ಯ ಅಧಿಕಾರಿಗಳು ತಿಳಿಸಿದ್ದಾರೆ.
ಆರೋಗ್ಯ ಅಧಿಕಾರಿಗಳ ಪ್ರಕಾರ, ಪ್ರತ್ಯೇಕ ಸಿಗರೇಟ್‌ಗಳ ಮೇಲಿನ ಲೇಬಲ್‌ಗಳು ಧೂಮಪಾನಿಗಳಿಗೆ ಎಚ್ಚರಿಕೆ ಗಳಿಂದ ತಪ್ಪಿಸಿಕೊಳ್ಳಲು ಸಾಧ್ಯವಾಗದಂತೆ ಮಾಡುತ್ತದೆ. 2035 ರ ವೇಳೆಗೆ ರಾಷ್ಟ್ರವ್ಯಾಪಿ ತಂಬಾಕು ಸೇವನೆಯನ್ನು ಶೇಕಡ 5 ಕ್ಕಿಂತ ಕಡಿಮೆಗೆ ತಗ್ಗಿಸುವ ದೇಶದ ಗುರಿಯ ಭಾಗವಾಗಿದೆ.
ಹೊಸ ನಿಯಮಗಳು ಆಗಸ್ಟ್ 1 ರಿಂದ ಜಾರಿಗೆ ಬರುತ್ತವೆ. ತಂಬಾಕು ಉತ್ಪನ್ನ ಪ್ಯಾಕೇಜ್‌ಗಳನ್ನು ಮಾರಾಟ ಮಾಡುವ ಚಿಲ್ಲರೆ ವ್ಯಾಪಾರಿಗಳು ಏಪ್ರಿಲ್ 2024 ರ ಅಂತ್ಯದ ವೇಳೆಗೆ ಹೊಸ ಎಚ್ಚರಿಕೆಗಳನ್ನು ಒಳಗೊಂಡಿರಬೇಕು.
