ಐರ್ಲೆಂಡ್‌: ಪೋಷಕರು ತಾವು ಇಷ್ಟಪಟ್ಟು ತಿಂದ ಖಾದ್ಯವೊಂದರ ಹೆಸರನ್ನೇ ಮಗುವಿಗೆ ಇಟ್ಟಿದ್ದನ್ನು ಕೇಳಿದ್ದೀರಾ!?
ಇಂಗ್ಲೆಂಡ್‌ ನಲ್ಲಿ ವಿನೋದಮಯ ಘಟನೆ ನಡೆದಿದೆ. ರೆಸ್ಟೋರೆಂಟ್ ಒಂದರಲ್ಲಿ ಭಾರತೀಯ ಮೂಲದ ಖಾದ್ಯವೊಂದರ ಸ್ವಾದಕ್ಕೆ ಬೆರಗಾದ ದಂಪತಿ ತಮ್ಮ ನವಜಾತ ಶಿಶುವಿಗೆ ಭಾರತೀಯ ಖಾದ್ಯದ ಹೆಸರನ್ನೇ ಇಟ್ಟಿದ್ದಾರೆ!
ಐರ್ಲೆಂಡ್‌ನ ನ್ಯೂಟೌನಾಬ್ಬೆಯಲ್ಲಿರುವ ʼಕ್ಯಾಪ್ಟನ್ಸ್ ಟೇಬಲ್ʼ ಪ್ರಸಿದ್ಧ ರೆಸ್ಟೋರೆಂಟ್. ತಮ್ಮ ರೆಸ್ಟೋರೆಂಟ್‌ಗೆ ಆಗಾಗ್ಗೆ ಭೇಟಿ ನೀಡುವ ದಂಪತಿಗಳು ʼತಮ್ಮ ರೆಸ್ಟೋರೆಂಟ್‌ನಲ್ಲಿನ ʼಪಕೋರಾʼ ಭಕ್ಷ್ಯದ ಹೆಸರನ್ನೇ ತಮ್ಮ ನವಜಾತ ಶಿಶುವಿಗೆ ಹೆಸರಿಸಿದ್ದಾರೆʼ.
‘ಪಕೋರಾ’ ಖಾದ್ಯವನ್ನು ಮಳೆಗಾಲದಲ್ಲಿ ಜನರು ಚಹಾದೊಂದಿಗೆ ಆನಂದಿಸುತ್ತಾರೆ. ನವಜಾತ ಶಿಶುವಿನ ಫೋಟೋವನ್ನು ಹಂಚಿಕೊಂಡಿರುವ ರೆಸ್ಟಾರೆಂಟ್ “ಈ ಹೆಸರನ್ನು ಹೊತ್ತ ಮೊದಲ ಮಗು. ಜಗತ್ತಿಗೆ ಸ್ವಾಗತ ಪಕೋರಾ! ನಾವು ನಿಮ್ಮನ್ನು ಭೇಟಿ ಮಾಡಲು ಕಾಯಲು ಸಾಧ್ಯವಿಲ್ಲ! ಎಂದು ಬರೆದುಕೊಂಡಿದೆ. ಜೊತೆಗೆ ರೆಸ್ಟೊರೆಂಟ್‌ನಲ್ಲಿ ‘ಪಕೋರಾ’ ಖಾದ್ಯದ ಹೆಸರನ್ನು ಹೊಂದಿರುವ ಬಿಲ್ ರಶೀದಿಯ ಫೋಟೋವನ್ನು ಸಹ ಹಂಚಿಕೊಂಡಿದೆ.
ನೆಟಿಜನ್‌ಗಳು ಶಿಶು ʼಪಕೋರಾʼಗೆ ಹೃತ್ಪೂರ್ವಕ ಹಾರೈಕೆಗಳನ್ನು ಸಲ್ಲಿಸುತ್ತಿದ್ದಾರೆ. ಕೆಲವರು ತಮಾಷೆಯ ಕಾಮೆಂಟ್‌ಗಳನ್ನು ಹಂಚಿಕೊಂಡಿದ್ದಾರೆ. ಒಬ್ಬ ಬಳಕೆದಾರ, “ಇದು ನನ್ನ ಇಬ್ಬರು ಹೆಣ್ಣುಮಕ್ಕಳು ʼಚಿಕನ್ ಮತ್ತು ಟಿಕ್ಕಾ” ಎಂದು ಬರೆದು ಫೋಟೋ ಹಂಚಿಕೊಂಡಿದ್ದಾನೆ.
