ಟೋಕಿಯೋ: ಜಪಾನಿನ ಈಶಾನ್ಯ ಪ್ರಾಂತ್ಯದ ಫುಕುಶಿಮಾದಲ್ಲಿ ಭಾನುವಾರ 4.9 ತೀವ್ರತೆಯ ಭೂಕಂಪ ಸಂಭವಿಸಿದೆ.
ಸ್ಥಳೀಯ ಕಾಲಮಾನ ಮಧ್ಯಾಹ್ನ 12:12 ರ ಸುಮಾರಿಗೆ 50 ಕಿ.ಮೀ ಆಳದಲ್ಲಿ ಭೂಕಂಪ ಸಂಭವಿಸಿದ್ದು, ಫುಕುಶಿಮಾದಲ್ಲಿ ಜಪಾನಿನ ಭೂಕಂಪನ ತೀವ್ರತೆಯ ಮಾಪಕದಲ್ಲಿ 4 ರಷ್ಟಿದೆ ಎಂದು ಜಪಾನ್ ಹವಾಮಾನ ಸಂಸ್ಥೆ (ಜೆಎಂಎ) ತಿಳಿಸಿದೆ.
ಭೂಕಂಪದ ಕೇಂದ್ರಬಿಂದುವು 37.1 ಡಿಗ್ರಿ ಉತ್ತರ ಅಕ್ಷಾಂಶ ಮತ್ತು 141.2 ಡಿಗ್ರಿ ಪೂರ್ವ ರೇಖಾಂಶದಲ್ಲಿದೆ. ಮಿಯಾಗಿ, ಇಬಾರಾಕಿ ಮತ್ತು ಟೋಚಿಗಿ ಪ್ರಾಂತ್ಯಗಳಲ್ಲಿಯೂ ಭೂಕಂಪನದ ಅನುಭವವಾಗಿದೆ.
ಭೂಕಂಪದ ನಂತರ ದುರ್ಬಲಗೊಂಡ ಫುಕುಶಿಮಾ ಡೈಚಿ ಪರಮಾಣು ವಿದ್ಯುತ್ ಸ್ಥಾವರ ಮತ್ತು ಫುಕುಶಿಮಾ ಡೈನಿ ಪರಮಾಣು ವಿದ್ಯುತ್ ಸ್ಥಾವರದಲ್ಲಿ ಯಾವುದೇ ಹೊಸ ಅಸಹಜತೆಗಳು ವರದಿಯಾಗಿಲ್ಲ ಎಂದು ಸ್ಥಾವರದ ಆಪರೇಟರ್ ಟೋಕಿಯೊ ಎಲೆಕ್ಟ್ರಿಕ್ ಪವರ್ ಕಂಪನಿ ತಿಳಿಸಿದೆ.
