ನ್ಯೂಯಾರ್ಕ್: ಕೋರ್ಟ್ನಲ್ಲಿ ವಿಡಿಯೋ ಮಾಡಲು ಅಡ್ಡಿ ಉಂಟು ಮಾಡಿದ್ದರಿಂದ ಸಿಟ್ಟಿಗೆದ್ದ ವ್ಯಕ್ತಿಯೊಬ್ಬ ಕೋರ್ಟ್ ಆವರಣ ಹಾಗೂ ನ್ಯಾಯಮೂರ್ತಿಗಳ ಕೊಠಡಿ ಬಳಿ ಸಾವಿರಾರು ಸಂಖ್ಯೆಯಲ್ಲಿ ಜಿರಲೆ ಬಿಟ್ಟು ಎಲ್ಲರನ್ನೂ ಸುಸ್ತು ಮಾಡಿದ್ದಾನೆ.
ಭೂ ವಿವಾದಕ್ಕೆ ಸಂಬಂಧಿಸಿದಂತೆ ನಾಲ್ಕು ಮಂದಿಯನ್ನು ಬಂಧಿಸಿ ವಿಚಾ ರಣೆಗೆ ಒಳಪಡಿಸಲಾಗಿತ್ತು. ಈ ಸಂದರ್ಭದಲ್ಲಿ ವ್ಯಕ್ತಿಯೊಬ್ಬ ವಿಡಿಯೋ ಮಾಡಲು ಶುರು ಮಾಡಿದ. ವಿಚಾರಣೆಗೆ ಒಳಗಾದವರು ಇವನ ವಿರೋಧಿ ಗಳಾಗಿದ್ದರಿಂದ ಅವರ ಮರ್ಯಾದೆ ತೆಗೆಯುವ ಉದ್ದೇಶದಿಂದ ವಿಡಿಯೋ ಮಾಡಲು ಶುರು ಮಾಡಿದ.
ಆದರೆ ಕೋರ್ಟ್ ಆವರಣದಲ್ಲಿ ಇದಕ್ಕೆ ಅವಕಾಶ ಇರದ ಹಿನ್ನೆಲೆಯಲ್ಲಿ ಆತನನ್ನು ಹೊರಕ್ಕೆ ಕಳಿಸಲಾಯಿತು. ಇದೇ ಸಿಟ್ಟಿನಿಂದ ಈತ ಈ ಕೃತ್ಯ ಎಸಗಿದ್ದ. ನಂತರ ಕೀಟನಾಶಕದವರನ್ನು ಕರೆಯಿಸಿ ಕೋರ್ಟ್ ತುಂಬೆಲ್ಲಾ ಕೀಟನಾಶಕ ಸಿಂಪಡಣೆ ಮಾಡಿಸಿ ಜಿರಲೆಗಳನ್ನು ಸಾಯಿಸಲಾಯಿತು ಎಂದು ವರದಿಯಾಗಿದೆ.
