ಇತ್ತೀಚೆಗೆ ಯುವತಿಯೊಬ್ಬಳು ಬಂಗೀ ಜಂಪಿಂಗ್ ಕ್ರೀಡೆ ಮಾಡುತ್ತಿದ್ದಾಗ ಅನಾಹುತವೊಂದು ಸಂಭವಿಸಿದೆ. ಅದರ ವಿಡಿಯೊ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದ್ದು, ಸಿಕ್ಕಾಪಟ್ಟೆ ವೈರಲ್(Viral News) ಆಗಿದೆ. ಬಂಗೀ ಜಂಪ್ ವೇಳೆ ಕೆಲವೊಮ್ಮೆ ಅಪಾಯಕಾರಿ ಘಟನೆಗಳು ನಡೆಯುತ್ತವೆ. ಇದರಿಂದ ಎಷ್ಟೋ ಜನರು ತಮ್ಮ ಪ್ರಾಣವನ್ನು ಕೂಡ ಕಳೆದುಕೊಂಡಿದ್ದಾರೆ. ಹಾಗಾಗಿ ಈ ಕ್ರೀಡೆಯನ್ನು ಆಡಲು ಸಾಮಾನ್ಯ ಜನರು ಮುಂದೆ ಬರುವುದಿಲ್ಲ. ಆದರೆ ಸಾಹಸಪ್ರಿಯಳಾದ ಯುವತಿ ಧೈರ್ಯ ಮಾಡಿ ಬಂಗೀ ಜಂಪಿಂಗ್ ಮಾಡಲು ಹೋಗಿ ಹಗ್ಗ ತುಂಡಾದ ಕಾರಣ ಆಕೆ ನೇರವಾಗಿ ನದಿಗೆ ಬಿದ್ದಿದ್ದಾಳೆ.
ಈ ವೈರಲ್ ವಿಡಿಯೊದಲ್ಲಿ ಬಂಗೀ ಜಂಪಿಂಗ್ ಮಾಡಲು ಯುವತಿಯೊಬ್ಬಳು ಸೊಂಟಕ್ಕೆ ಹಗ್ಗ ಕಟ್ಟಿಕೊಂಡು ಪ್ರಪಾತಕ್ಕೆ ಜಂಪ್ ಮಾಡಿದ್ದಾಳೆ. ಆ ವೇಳೆ ಇದ್ದಕ್ಕಿದ್ದಂತೆ ಹಗ್ಗ ಕಟ್ಟಾಗಿದ್ದು, ಆಗ ಆಕೆ ದಾರುಣವಾಗಿ ನದಿಯ ನೀರಿಗೆ ಬೀಳುವಂತಾಗಿದೆ.
Woman falls down as bungee jump goes horribly wrong. pic.twitter.com/bMzidmL843
— MDN NEWS (@MDNnewss) May 16, 2023
ಇದನ್ನೂ ಓದಿ: ನುಂಗಿದ ಮೂರು ಹಾವುಗಳನ್ನು ಉಗುಳಿದ ಕಾಳಿಂಗ ಸರ್ಪ! ವಿಡಿಯೊ ವೈರಲ್
ಇತ್ತೀಚೆಗೆ ಹಂಚಿಕೊಳ್ಳಲಾದ ಈ ವಿಡಿಯೊಗೆ 6 ಲಕ್ಷಕ್ಕೂ ಹೆಚ್ಚು ವೀವ್ಸ್ ಹಾಗೂ ಸಾವಿರಾರು ಕಮೆಂಟ್‌ಗಳು ಬಂದಿವೆ. ಈ ವಿಡಿಯೊ ನೋಡಿದ ಬಳಕೆದಾರರೊಬ್ಬರು ʼಅಯ್ಯೋ ದೇವರೇ! ಈ ದೃಶ್ಯ ನಿಜಕ್ಕೂ ಭಯಾನಕವಾಗಿದೆʼ ಎಂಬ ಕಮೆಂಟ್‌ ಬರೆದಿದ್ದಾರೆ. ಮತ್ತೊಬ್ಬ ಬಳಕೆದಾರರು ʼಆಯೋಜಕರಿಗೆ ಹಗ್ಗ ಗಟ್ಟಿಯಾಗಿದೆಯೇ? ಇಲ್ಲವೇ ಎಂಬುದನ್ನು ಮೊದಲೇ ಚೆಕ್ ಮಾಡಲು ಏನಾಗಿತ್ತುʼ ಎಂದು ಪ್ರಶ್ನಿಸಿದ್ದಾರೆ. ಇನ್ನೊಬ್ಬ ಬಳಕೆದಾರರು ʼಆ ಯುವತಿ ಹುಷಾರಾಗಿ ಇದ್ದಾಳಾ?ʼ ಎಂಬ ಕಳವಳ ವ್ಯಕ್ತಪಡಿಸಿದ್ದಾರೆ.
