ಪಾಕಿಸ್ತಾನ ಕ್ರಿಕೆಟ್ ಟಿ20 ತಂಡಕ್ಕೆ ಬಾಬರ್ ಅಜಂ ನಾಯಕ

ಇಸ್ಲಮಾಬಾದ್: ಪಾಕಿಸ್ತಾನ ಪುರುಷರ ಕ್ರಿಕೆಟ್ ಟಿ20 ತಂಡದ ನಾಯಕನಾಗಿದ್ದ ಶಾಹೀನ್ ಅಫ್ರಿದಿ ಅವರನ್ನು ಕೆಳಗಿಳಿಸಿ ಬಾಬರ್ ಅಜಂ ಅವರನ್ನು ನಾಯಕನ ಸ್ಥಾನಕ್ಕೆ ಮತ್ತೆ ತರಲಾಗಿದೆ.

ಪಾಕಿಸ್ತಾನ ಮಂಡಳಿಯ ಬದಲಾವಣೆಯ ಬಳಿಕ ಇದೀಗ ನಾಯಕತ್ವ ಬದಲಾವಣೆಯಾಗಿದೆ. ಟಿ20 ವಿಶ್ವಕಪ್ ಗೆ ಕೆಲವೇ ತಿಂಗಳು ಬಾಕಿ ಇರುವಂತೆ ಈ ಬದಲಾವಣೆ ಮಾಡಲಾಗಿದೆ.

ನ್ಯೂಜಿಲೆಂಡ್ ವಿರುದ್ಧ ಕೇವಲ ಒಂದು ಟಿ20 ಸರಣಿಯಲ್ಲಿ ಶಾಹೀನ್ ಪಾಕಿಸ್ತಾನದ ನಾಯಕತ್ವ ವಹಿಸಿದ್ದರು. ಅಲ್ಲಿ ತಂಡವು 4-1 ಅಂತರದಿಂದ ಸೋತಿತ್ತು. ಶಾಹೀನ್ ತನ್ನ ಮೌನವನ್ನು ಮುರಿದು ಭಾನುವಾರ ಪಾಕಿಸ್ತಾನದ ನಾಯಕನಾಗಿ ಮರು ಆಯ್ಕೆಯಾದ ಬಾಬರ್ ಅಜಂ ಅವರನ್ನು ಬೆಂಬಲಿಸುವುದು ತನ್ನ ಕರ್ತವ್ಯ ಎಂದು ಹೇಳಿದರು.