ಭೋಪಾಲ್‌: ಖೇಲೋ ಇಂಡಿಯಾ ಯೂತ್ ಗೇಮ್ಸ್ (ಕೆಐವೈಜಿ) ಐದನೇ ಆವೃತ್ತಿಯನ್ನು ಮಧ್ಯ ಪ್ರದೇಶ ಮುಖ್ಯಮಂತ್ರಿ ಶಿವರಾಜ್ ಸಿಂಗ್ ಚೌಹಾಣ್ ಅವರು ಕೇಂದ್ರ ಕ್ರೀಡಾ ಮತ್ತು ಯುವ ವ್ಯವಹಾರಗಳ ಸಚಿವ ಅನುರಾಗ್ ಸಿಂಗ್ ಠಾಕೂರ್ ಉಪಸ್ಥಿತಿಯಲ್ಲಿ ಸೋಮವಾರ ತಾತ್ಯಾ ತೋಪೆ ನಗರ ಕ್ರೀಡಾಂಗಣದಲ್ಲಿ ಉದ್ಘಾಟಿಸಲಿದ್ದಾರೆ.
ರಾಜ್ಯದ ಎಂಟು ನಗರಗಳ 23 ಸ್ಥಳಗಳಲ್ಲಿ ಕೆವೈಐಜಿ 2022 ನಡೆಯಲಿದ್ದು, ಸುಮಾರು 6,000 ಕ್ರೀಡಾಪಟುಗಳು 27 ವಿವಿಧ ಕ್ರೀಡೆಗಳಲ್ಲಿ ಭಾಗವಹಿಸಲಿದ್ದಾರೆ ಎಂದು ಅಧಿಕಾರಿಯೊಬ್ಬರು ತಿಳಿಸಿ ದ್ದಾರೆ.
ಇದೇ ಮೊದಲ ಬಾರಿಗೆ ಕಯಾಕಿಂಗ್, ಕ್ಯಾನೋಯಿಂಗ್, ಕ್ಯಾನೋ ಸ್ಲಾಲೋಮ್ ಮತ್ತು ಫೆನ್ಸಿಂಗ್ ನಂತಹ ಕ್ರೀಡೆಗಳು ಖೇಲೋ ಇಂಡಿಯಾ ಯೂತ್ ಗೇಮ್ಸ್ ನ ಭಾಗವಾಗಲಿವೆ. ‘ಖೇಲೋ ಇಂಡಿಯಾ ಯೂತ್ ಗೇಮ್ಸ್ ಆಯೋಜಿಸಲು ಎಲ್ಲಾ ಸಿದ್ಧತೆಗಳು ಪೂರ್ಣಗೊಂಡಿವೆ.
‘ಹಿಂದೂಸ್ತಾನ್ ಕಾ ದಿಲ್ ಧಡ್ಕಾ ದೋ’ ಎಂಬ ಧ್ಯೇಯವಾಕ್ಯದೊಂದಿಗೆ ಸೋಮವಾರದಿಂದ 13 ದಿನಗಳ ಕಾಲ ಕ್ರೀಡಾಕೂಟ ಆರಂಭವಾಗಲಿದೆ.
