ಮುಂಬೈ: ಸೂರತ್‌ನ ಖೋಲ್ವಾಡ್ ಜಿಮ್‌ಖಾನಾ ಮೈದಾನದಲ್ಲಿಅಂಡರ್-16 ಪಂದ್ಯಾ ವಳಿ ವಿಜಯ್ ಮರ್ಚೆಂಟ್ ಟ್ರೋಫಿ ಪಂದ್ಯದಲ್ಲಿ ಮಧ್ಯಪ್ರದೇಶದ ವಿರುದ್ಧ ಸಿಕ್ಕಿಂ ತಂಡ 2ನೇ ಇನಿಂಗ್ಸ್ ನಲ್ಲಿ 9.3 ಓವರ್ ಗಳಲ್ಲಿ ಕೇವಲ 6 ರನ್ ಗೆ ಆಲೌಟಾಗಿದೆ.
ಗಿರಿರಾಜ್ ಶರ್ಮಾ 5 ಓವರ್‌ಗಳಲ್ಲಿ 1 ರನ್ ನೀಡಿ 5 ವಿಕೆಟ್ ಗಳನ್ನು ಕಬಳಿಸಿದರೆ, ಅಲಿಫ್ ಹಸನ್ 4.3 ಓವರ್‌ಗಳಲ್ಲಿ 5 ರನ್ ನೀಡಿ 4 ವಿಕೆಟ್ ಕಬಳಿಸಿದರು. ಸಿಕ್ಕಿಂನ 7 ಬ್ಯಾಟ್ಸ್‌ಮನ್‌ ಗಳು ಶೂನ್ಯಕ್ಕೆ ಔಟಾದರು. ಸಿಕ್ಸಿಂ ಇನ್ನಿಂಗ್ಸ್ ಕೇವಲ 57 ಎಸೆತಗಳಿಗೆ ಕೊನೆ ಗೊಂಡಿತು. ಈ ಪಂದ್ಯದಲ್ಲಿ ಮಧ್ಯಪ್ರದೇಶ ಇನಿಂಗ್ಸ್ ಹಾಗೂ 365 ರನ್‌ಗಳ ಅಂತರದಿಂದ ಭರ್ಜರಿ ಜಯ ಸಾಧಿಸಿತು.
ಮಧ್ಯಪ್ರದೇಶ 8 ವಿಕೆಟ್‌ಗೆ 414 ರನ್ ಗಳಿಸಿ ಇನಿಂಗ್ಸ್ ಡಿಕ್ಲೇರ್ ಮಾಡಿಕೊಂಡ ನಂತರ ಸಿಕ್ಕಿಂ 43 ಹಾಗೂ 6 ರನ್ ಗೆ ಆಲೌಟಾ ಯಿತು.
ಸ್ಕೋರ್‌: ಮಧ್ಯಪ್ರದೇಶ 414-8 ಡಿಕ್ಲೇರ್ (ಮನಲ್ ಚೌಹಾಣ್ 170, ಪ್ರತೀಕ್ ಶುಕ್ಲಾ 86; ಅಕ್ಷ್ಯದ್ 4-87) ಸಿಕ್ಕಿಂ 43 ರನ್ (ಆದಿತ್ಯ ಭಂಡಾರಿ 5-20, ಆಯಮ್ ಸರ್ದಾನ 3-21) & 6 (ಗಿರ್ರಾಜ್ ಶರ್ಮಾ 5-1, ಹಸನ್ 4-5).
Read E-Paper click here
