ವಿಶ್ವವಾಣೆ ಸುದ್ದಿ ಮನೆ ಬೆಂಗಳೂರು:
ಲಾಕ್ ಡೌನ್ ಹಿನ್ನೆಲೆಯಲ್ಲಿ ಕಳೆದ ಮೂರು ವಾರಗಳಿಂದ ಪೊಲೀಸರು ಉತ್ತಮ ಕಾರ್ಯನಿರ್ವಹಿಸಿದ್ದಾರೆ. ಜನರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಹಾಗಂತ ಹೊಗಳಿಕೆ ತಲೆಗೆ ಹೋಗದೆ ಇನ್ನೂ ಉತ್ತಮವಾಗಿ ಕೆಲಸ ಮಾಡಬೇಕು ಎಂದು ನಗರ ಪೊಲೀಸ್ ಆಯುಕ್ತ ಭಾಸ್ಕರ್ ರಾವ್ ವೈರ್ ಲೈಸ್ ಮೂಲಕ ಎಲ್ಲಾ ಪೊಲೀಸರಿಗೂ ಕಿವಿ ಮಾತು ಹೇಳಿದ್ದಾರೆ.
ಲಾಕ್ ಡೌನ್ ಮೊದಲ ಹಂತದಲ್ಲಿ ಎಲ್ಲಾ ಪೊಲೀಸರು ಚೆನ್ನಾಗಿ ಕೆಲಸ ಮಾಡಿದ್ದೀರಾ.. ನಿಮ್ಮ ಕಾರ್ಯಗಳ ಸಾರ್ವಜನಿಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಹಾಗಾಂತ ಮಾತ್ರಕ್ಕೆ ನಮ್ಮ ಕೆಲಸ ಇಷ್ಟೇ ಎಂದು ಸುಮ್ಮನೆ ಇರಬೇಡಿ.. ಹೊಗಳಿಗೆ ತಲೆಗೆ ಹತ್ತೋದು ಬೇಡ. ನೀವೆಲ್ಲರೂ ಒಗ್ಗಟ್ಟಿನಿಂದ ಇದ್ದೀರಾ ಅಂತಾ ನನಗೆ ಗೊತ್ತು. ನಿಮ್ಮ ಆರೋಗ್ಯವನ್ನು ಕಾಪಾಡಿಕೊಳ್ಳಿ. ದಿನಕ್ಕೆ ಮೂರು ಲೀಟರ್ ನೀರು ಕುಡಿಯುವಂತೆ ನೋಡಿಕೊಳ್ಳಿ. ಮಂಗಳವಾರಕ್ಕೆ ಮೊದಲ ಹಂತದ ಲಾಕ್ ಡೌನ್ ಮುಗಿಯಲಿದೆ. ರಾಜ್ಯ ಸರಕಾರ ಸೂಚನೆ ಮೇರೆಗೆ ಮುಂದಿನ ನಿರ್ದೇಶನಗಳನ್ನು ನೀಡುವುದಾಗಿ ತಿಳಿಸಿದ್ದಾರೆ.
