ಬೆಂಗಳೂರು: ರಾವುಲ ವೆಂಕಟೇಶ್ವರ ರಾವ್ ಅರ್ಪಿಸುವ, ಅನ್ವಿಕ ಆರ್ಟ್ಸ್ ಮತ್ತು ಎ ಐ ಎಂಟರ್ಟೈನ್ಮೆಂಟ್ ನಿರ್ಮಿಸಿರುವ ʼಆದಿಪರ್ವʼ ಚಿತ್ರವು (Adiparva Movie) ಇದೇ ನವಂಬರ್ 8 ರಂದು ರಾಜ್ಯಾದ್ಯಂತ ಬಿಡುಗಡೆಯಾಗಲಿದೆ. ತೆಲುಗು, ಕನ್ನಡ, ತಮಿಳು, ಮಲಯಾಳಂ ಹಾಗೂ ಹಿಂದಿ ಭಾಷೆಯಲ್ಲಿ ಏಕಕಾಲದಲ್ಲಿ ಬಿಡುಗಡೆಯಾಗಲಿದೆ. ತೆಲುಗಿನ ಸೂಪರ್ ಸ್ಟಾರ್ ಮೋಹನ್ ಬಾಬು (Mohan Babu) ಅವರ ಪುತ್ರಿ ಮಂಚು ಲಕ್ಷ್ಮಿ (Manchu Lakshmi) ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಉಳಿದಂತೆ ಜಮಿನಿ ಸುರೇಶ್, ಎಸ್ತರ್ ಸತ್ಯ ಪ್ರಕಾಶ್ ಇನ್ನು ಹಲವರು ತಾರಾಗಣದಲ್ಲಿದ್ದಾರೆ.
ಚಿತ್ರವು 1974 ರಿಂದ 1990ರ ಸಮಯದಲ್ಲಿ ನಡೆಯುವ ಕಥೆ. ಹೈದ್ರಾಬಾದ್ ಸುತ್ತಮುತ್ತ ಹಾಗೂ ಕರ್ನಾಟಕದ ಕೆಲವು ಭಾಗಗಳಲ್ಲಿ ಚಿತ್ರೀಕರಣ ಮಾಡಲಾಗಿದೆ. ಚಿತ್ರದಲ್ಲಿ ಐದು ಹಾಡುಗಳಿದ್ದು ಐವರು ಸಂಗೀತ ನಿರ್ದೇಶಕರು ಕೆಲಸ ಮಾಡಿದ್ದಾರೆ. ಹರೀಶ್ ಸೊಂಡೆಕೊಪ್ಪ ಅವರ ಛಾಯಾಗ್ರಣವಿದೆ.
ಈ ಸುದ್ದಿಯನ್ನೂ ಓದಿ | Winter Makeup Awareness: ಚಳಿಗಾಲದಲ್ಲಿ ಮೇಕಪ್‌ ಪ್ರಿಯರು ನೆನಪಿನಲ್ಲಿಟ್ಟುಕೊಳ್ಳಬೇಕಾದ ಪ್ರಮುಖ ಅಂಶಗಳಿವು
ಈ ಹಿಂದೆ ದಂಡು, ಕ್ಯೂ ಚಿತ್ರವನ್ನು ನಿರ್ದೇಶನ ಮಾಡಿದಂತಹ ಸಂಜೀವಿ ಮೆಗೋಟಿ ನಿರ್ದೇಶನ ಮಾಡಿದ್ದಾರೆ. ಚಿತ್ರದ ಹಾಡುಗಳು ಈಗಾಗಲೇ ಜನ ಮೆಚ್ಚುಗೆ ಗಳಿಸಿವೆ. ಭಾರಿ ಕುತೂಹಲವಿರುವ ಸಿನಿಮಾ ಆದಿ ಪರ್ವ ನವೆಂಬರ್ 8 ರಂದು ರಾಜ್ಯದ್ಯಂತ ಬಿಡುಗಡೆಯಾಗಲಿದೆ.
