ಬೆಂಗಳೂರು: ದಿಶಾ ಭಾರತ್ ಸಂಸ್ಥೆಯು ದಯಾನಂದ್ ಸಾಗರ್ ಡೆಂಟಲ್ ಸೈನ್ಸಸ್ ಕಾಲೇಜು ಮತ್ತು ಮಿಥಿಕ್ ಸೊಸೈಟಿಯ ಸಹಯೋಗದಲ್ಲಿ ನಗರದ (Bengaluru News) ದಯಾನಂದ್ ಸಾಗರ್ ಇನ್ಸ್ಟಿಟ್ಯೂಷನ್‌ನ ಡಾ. ಡಿ ಪ್ರೇಮ ಚಂದ್ರಸಾಗರ್ ಆಡಿಟೋರಿಯಂನಲ್ಲಿ ಶನಿವಾರ ರಾಜ್ಯಮಟ್ಟದ ವಿದ್ಯಾರ್ಥಿಗಳ ಸಮಾವೇಶ ಮತ್ತು ʼಯೂತ್ ಇನ್‌ಸ್ಪೈರ್‌-ಟುವರ್ಡ್ಸ್ ಎ ಮೀನಿಂಗ್ ಫುಲ್ ಲೈಫ್ʼ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು.
ಕಾರ್ಯಕ್ರಮದಲ್ಲಿ ಬೆಂಗಳೂರು ಗ್ರಾಮಾಂತರ ಸಂಸದ ಡಾ.ಸಿ.ಎನ್.ಮಂಜುನಾಥ್ ಗೌರವಾನ್ವಿತ ಅತಿಥಿಯಾಗಿ ಪಾಲ್ಗೊಂಡು ಮಾತನಾಡಿ, ಯುವಕರೇ ನಿಜವಾದ ವಿಶ್ವನಾಯಕರು ಎಂದು ತಿಳಿಸಿದ ಅವರು, ನಮ್ಮ ದೇಶವನ್ನು ಬೇರೆ ಯಾವುದೇ ದೇಶವು ಸರಿಗಟ್ಟಲು ಸಾಧ್ಯವಿಲ್ಲ, ನಾವು ನಮ್ಮ ದೇಶ ಮತ್ತು ಸಂಸ್ಕೃತಿಯ ಕುರಿತು ಹೆಚ್ಚಾಗಿ ತಿಳಿದುಕೊಳ್ಳಬೇಕು ಎಂದು ಹೇಳಿದರು.
ಈ ಸುದ್ದಿಯನ್ನೂ ಓದಿ | Bengaluru News: ಅಪಾಯದ ಅಂಚಿನಲ್ಲಿ ಹವಾಮಾನ; ವಿವಿಧ ಲಿಂಗ, ಜಾತಿ, ವರ್ಗಗಳ ಅಸಹಾಯಕತೆ ಕುರಿತ ವಸ್ತು ಪ್ರದರ್ಶನ
ಜೀವನದಲ್ಲಿ 4C’s’ ಮುಖ್ಯ ಎಂದು ಹೇಳಿದ ಅವರು, ಸಂವಹನ ಕೌಶಲ್ಯ, ಏಕಾಗ್ರತೆ, ಸ್ಥಿರತೆ ಮತ್ತು ಸಹಾನುಭೂತಿ ಮುಖ್ಯವಾದ 4 c ಗಳು ಎಂದು ಅವರು ತಿಳಿಸಿದರು.
ಇಸ್ರೋ ಮಾಜಿ ಅಧ್ಯಕ್ಷ ಎ.ಎಸ್. ಕಿರಣ್ ಕುಮಾರ್ ಮಾತನಾಡಿ, ಪ್ರತಿಯೊಬ್ಬ ಯುವಕರು ನಮ್ಮ ದೇಶವನ್ನು ಉನ್ನತ ಮಟ್ಟಕ್ಕೆ ಕೊಂಡೊಯ್ಯಲು ಸಮರ್ಥರಾಗಿದ್ದಾರೆ ಎಂದು ಹೇಳಿದರು.
ಈ ಸುದ್ದಿಯನ್ನೂ ಓದಿ | Bengaluru News: ಬರಿಗಾಲಿನ ಕಾರ್ಯಕರ್ತ ಖ್ಯಾತಿಯ ಅಜಯ್ ಒಲಿಗೆ ಸಾಕ್ರ ಆಸ್ಪತ್ರೆಯಿಂದ ಸನ್ಮಾನ
ಕಾರ್ಯಕ್ರಮದಲ್ಲಿ Spreading Goodness-ಉತ್ತಮ ಜಗತ್ತಿನ ಕಡೆ ಎಂಬ ಧ್ಯೇಯದೊಂದಿಗೆ ಡಿಜಿಟಲ್ ಅಭಿಯಾನವನ್ನು ಉದ್ಘಾಟಿಸಲಾಯಿತು. ದಯಾನಂದ ಸಾಗರ್ ವಿಶ್ವವಿದ್ಯಾಲಯದ ಪ್ರಾಂಶುಪಾಲ ಹೇಮಂತ್ ಕಾರ್ಯಕ್ರಮದಲ್ಲಿ ಅಧ್ಯಕ್ಷತೆ ವಹಿಸಿ, ಮಾತನಾಡಿದರು.
