ಬೆಂಗಳೂರು: ಭಾರತದ ನಕ್ಷತ್ರವೀಕ್ಷಕರು (Stargazers), 80,000 ವರ್ಷಗಳ ನಂತರ ಕಂಡುಬಂದ ಅಪರೂಪದ ಧೂಮಕೇತುವನ್ನು (Rare Comet) ಬಾನಂಗಳದಲ್ಲಿ ಬರಮಾಡಿಕೊಂಡಿದ್ದು, ಅದರ ಮಿನುಗುವ ಚಿತ್ರಗಳನ್ನು ಸೆರೆಹಿಡಿದಿದ್ದಾರೆ. ಬೆಂಗಳೂರಿನಲ್ಲೂ (Bengaluru news) ಇದು ಗೋಚರಿಸಿದೆ.
ಭಾರತದಲ್ಲಿನ ಸ್ಟಾರ್‌ಗೇಜರ್‌ಗಳು ಕಾಮೆಟ್ C/2023 A3 (Tsuchinshan-ATLAS) ನ ಅಪರೂಪದ ಫೋಟೋಗಳನ್ನು ಸೆರೆಹಿಡಿದಿದ್ದಾರೆ. ಇದು ಅಕ್ಟೋಬರ್ ಆರಂಭದಲ್ಲಿ ಗೋಚರಿಸಿದೆ. ಇದು ಈ ಹಿಂದೆ ಕಂಡುಬಂದದ್ದು 80,000 ವರ್ಷಗಳ ಹಿಂದೆ.
ಇದೊಂದು ಅಸಾಧಾರಣ ಆಕಾಶ ಘಟನೆ. ಅಕ್ಟೋಬರ್ ಮೊದಲ ವಾರದಲ್ಲಿ ಕಾಮೆಟ್ C/2023 A3 (Tsuchinshan-ATLAS) ಚಲನೆಯ ಅಪರೂಪದ ದೃಶ್ಯ ಕಂಡುಬಂತು. 80,000 ವರ್ಷಗಳ ಹಿಂದೆ ಕೊನೆಯ ಬಾರಿಗೆ ಕಾಣಿಸಿಕೊಂಡ ಧೂಮಕೇತು ಖಗೋಳಶಾಸ್ತ್ರದ ಆಸಕ್ತರಲ್ಲಿ ಉತ್ಸಾಹವನ್ನು ಉಂಟುಮಾಡಿದೆ. ದೇಶಾದ್ಯಂತ ಖಗೋಳ ಛಾಯಾಗ್ರಾಹಕರು ಜೀವಿತಾವಧಿಯಲ್ಲಿ ಒಮ್ಮೆ ಮಾತ್ರ ಕಾಣಸಿಗುವ ಈ ಬಾಹ್ಯಾಕಾಶ ಶಿಲೆಯ ಚಿತ್ರಗಳನ್ನು ಸೆರೆಹಿಡಿದಿದ್ದಾರೆ, ಇದು ಅಕ್ಟೋಬರ್ 12 ಮತ್ತು 24 ರ ನಡುವೆ ಭೂಮಿಗೆ ಹತ್ತಿರದಲ್ಲಿ ಓಡಾಡುತ್ತಿದೆ.
ಅಕ್ಟೋಬರ್ 1 ರಂದು, ಖಗೋಳ ಛಾಯಾಗ್ರಾಹಕರ ತಂಡವು ಧೂಮಕೇತುವಿನ ಛಾಯಾಗ್ರಹಣಕ್ಕಾಗಿ ಲಡಾಖ್‌ನ ಗೊಂಗ್ಮಾ ಲಾ, ಹಾನ್ಲೆಗೆ ತೆರಳಿತು. ಹೆಚ್ಚಿನ ಎತ್ತರ ಮತ್ತು ಹೆಪ್ಪುಗಟ್ಟಿದ ತಾಪಮಾನವಿದ್ದರೂ ಹಿಂಜರಿಯಲಿಲ್ಲ. Instagram ಖಾತೆ @comic_trails ಶೀರ್ಷಿಕೆಯೊಂದಿಗೆ ಇದರ ಅಪೂರ್ವ ಚಿತ್ರಗಳನ್ನು ಹಂಚಿಕೊಂಡಿದೆ:
“ಅಕ್ಟೋಬರ್ 1 ರಂದು ಬೆಳಿಗ್ಗೆ, ಆಸ್ಟ್ರೋಫೋಟೋಗ್ರಫಿ ಮಾಸ್ಟರ್‌ಕ್ಲಾಸ್ ತಂಡವು ಧೂಮಕೇತುವನ್ನು ಸೆರೆಹಿಡಿಯಲು ಗಾಂಗ್ಮಾ ಲಾಗೆ (ಸಮುದ್ರ ಮಟ್ಟದಿಂದ 4880 ಮೀಟರ್ ಎತ್ತರ) ಪ್ರಯಾಣಿಸಿತು. ಆಮ್ಲಜನಕ ಮತ್ತು ಉಷ್ಣತೆಯು ಕಡಿಮೆಯಾಗಿತ್ತು, ಆದರೆ ಉತ್ಸಾಹವು ಹೆಚ್ಚಿತ್ತು.” ಎಂದು ಛಾಯಾಗ್ರಾಹಕರು ಉಲ್ಲೇಖಿಸಿದ್ದಾರೆ.
ಛಾಯಾಗ್ರಾಹಕರಾದ ಅಭಿನವ್ ಸಿಂಘೈ, ಅತಿಶ್ ಅಮನ್, ಲಕ್ಷ್ಮಿ ನಾರಾಯಣ, ಪ್ರೀತಮ್ ಪಾಣಿಗ್ರಾಹಿ, ಸ್ಮಿತಾ ಸಿಂಗ್, ಅನುಜ್ ಸಿಂಗ್ ಮತ್ತು ಆಂಗ್‌ಚೋಕ್ ಪದ್ಮಾ ಅವರು ಅದ್ಭುತ ಚಿತ್ರಗಳನ್ನು ನೀಡಿದ್ದಾರೆ. ಅಕ್ಟೋಬರ್ 4 ರಂದು, ಖಗೋಳ ಛಾಯಾಗ್ರಾಹಕ ಸತ್ಯ ನಾರಾಯಣನ್ ಶ್ರೀಧರ್ ಅವರು ತಮಿಳುನಾಡಿನ ಮಹಾಬಲಿಪುರಂ ಬಳಿ ಧೂಮಕೇತುವಿನ ಚಿತ್ರವನ್ನು ಸೆರೆಹಿಡಿದರು.
ಬೆಂಗಳೂರು ಆಸ್ಟ್ರೋನಾಮಿಕಲ್ ಸೊಸೈಟಿಯ ಸದಸ್ಯರಾದ ಕೀರ್ತಿ ಕಿರಣ್ ಎಂ ಅವರು ಅಕ್ಟೋಬರ್ 4 ರಂದು ಧೂಮಕೇತುವಿನ ಅದ್ಭುತ ಚಿತ್ರಗಳನ್ನು ಸೆರೆಹಿಡಿದಿದ್ದಾರೆ. ಧೂಮಕೇತುವಿನ ಉದ್ದನೆಯ ಬಾಲದ ಚಿತ್ರವನ್ನು ಆಕೆ ತನ್ನ Instagram ಪುಟದಲ್ಲಿ ಹಂಚಿಕೊಂಡಿದ್ದಾರೆ. ಮುಂಜಾನೆ ಆಕಾಶದಲ್ಲಿ ಅದನ್ನು ನೋಡಲು ಅನುಯಾಯಿಗಳನ್ನು ಪ್ರೋತ್ಸಾಹಿಸಿದ್ದಾರೆ- “ಆಕಾಶವು ಸ್ಪಷ್ಟವಾಗಿದ್ದರೆ, ನೀವು ಅದನ್ನು 5 AM ಮತ್ತು 5:45 AM ನಡುವೆ ಗುರುತಿಸಲು ಸಾಧ್ಯವಿದೆ.”
ಅಪರೂಪದ ಆಕಾಶದ ಅತಿಥಿ
ಕಾಮೆಟ್ C/2023 A3, ಬ್ರಹ್ಮಾಂಡದ ಬಹುದೂರದ ಊರ್ಟ್ ಕ್ಲೌಡ್‌ನಿಂದ ಹುಟ್ಟಿಕೊಂಡಿದೆ, ಕಳೆದ ವರ್ಷ ಚೀನಾ ಮತ್ತು ದಕ್ಷಿಣ ಆಫ್ರಿಕಾದ ವೀಕ್ಷಣಾಲಯಗಳಿಂದ ಇದನ್ನು ಕಂಡುಹಿಡಿಯಲಾಯಿತು. ಧೂಮಕೇತು ನಿಯಾಂಡರ್ತಲ್‌ಗಳ ಕಾಲದಲ್ಲಿ ಕೊನೆಯದಾಗಿ ಭೂಮಿಯ ಬಳಿ ಹಾದು ಹೋಗಿದೆ ಎಂದು ಹೇಳಲಾಗುತ್ತದೆ. ಇದು ಪ್ರಪಂಚದಾದ್ಯಂತದ ಖಗೋಳಶಾಸ್ತ್ರಜ್ಞರಿಗೆ ಇದು ಒಂದು ಸ್ಮಾರಕ ಘಟನೆಯಾಗಿದೆ.
ಇದನ್ನೂ ಓದಿ: Karnikotsava: ʼಆಕಾಶದತ್ತ ಚಿಗುರಿತಲೇ, ಬೇರೆಲ್ಲಾ ಮುತ್ತಾಯಿತಲೇ ಪರಾಕ್ʼ; ಗೊರವಯ್ಯನ ಕಾರ್ಣಿಕ ನುಡಿಯ ಅರ್ಥವೇನು?
