ಕಲಿಯುಗದ ಜನರ ಕಲ್ಯಾಣಕ್ಕಾಗಿ ಅವತರಿಸಿದ ಬಂದ ಮೇರು ಪುರುಷ ಸಿದ್ಧಾರೂಡ

ಶಹಾಬಾದ: ಸಿದ್ಧಾರೂಡರು ಕಲಿಯುಗದ ಜನರ ಕಲ್ಯಾಣಕ್ಕಾಗಿ ಅವತರಿಸಿದ ಬಂದ ಮೇರು ಪುರುಷ ಎಂದು ಕಲಬುರಗಿ ಗ್ರಾಮೀಣ ಮತಕ್ಷೇತ್ರದ ಶಾಸಕ ಬಸವರಾಜ ಮತ್ತಿ ಮಡು ಹೇಳಿದರು.

ನಗರದ ಕೊಳಸಾ ಫೈಲ್ ಬಡಾವಣೆಯಲ್ಲಿನ ಸಿದ್ಧಾರೂಢ ಮಹಾಸ್ವಾಮಿಗಳ ದೇವಸ್ಥಾನ ದಲ್ಲಿ ಕಾರ್ತಿಕ ಅಮವಾಸ್ಯೆಯ ನಿಮಿತ್ತ ಆಯೋಜಿಸಲಾದ ದಿಪೋತ್ಸವ ಕಾರ್ಯಕ್ರಮದ ಉದ್ಘಾಟಿಸಿ ಮಾತನಾಡಿದರು.

ಮನುಷ್ಯ ಸಂಘ ಜೀವಿ ಬದುಕುವ ಕಲೆ ಗೊತ್ತಿರುವುದು ಮಾನವ ಜೀವಿಗೆ ಮಾತ್ರ. ಕಾರಣ ಮಾನವ ಜೀವಿ ಎಲ್ಲಾ ಪ್ರಾಣಿಗಳಂತೆ ಜೀವಿಸುವುದನ್ನು ಬಿಟ್ಟು ಬದುಕು ಕಂಡುಕೊಳ್ಳ ಬೇಕು. ಶರಣರ, ಮಹಾತ್ಮರ, ಜ್ಞಾನಿಗಳ, ಸಂತರ ವಿಚಾರಗಳನ್ನು ಕೇಳಿ ತಿಳಿದುಕೊಂಡಾಗ ಸನ್ಮಾರ್ಗದಲ್ಲಿ ನಡೆಯಲು ಸಹಕಾರಿಯಾಗುತ್ತದೆ. ಸಿದ್ಧಾರೂಡÀರು ಹಾಕಿಕೊಟ್ಟ ಮಾರ್ಗ ದಲ್ಲಿ ನಡೆದಾಗ ಮಾತ್ರ ಜಾತಿಯ ಸೊಂಕು ತಗುಲದೇ ಸರ್ವರೂ ಒಂದಾಗಿ ಬಾಳಲು ಸಾಧ್ಯ.ಇಂತಹ ಧಾರ್ಮಿಕ ಕಾರ್ಯಕ್ರಮಗಳಿಂದ ಜನರಲ್ಲಿ ಒಳ್ಳೆಯ ಸಂಸ್ಕಾರ ಬೆಳೆಯು ತ್ತದೆ. ದಿಪೋತ್ಸವದಂತಹ ಕಾರ್ಯಕ್ರಮಗಳು ಶ್ರದ್ಧಾಭಕ್ತಿಯಿಂದ ತೊಡಗುವುದರಿಂದ ಮಾನವರ ಸಂಬಂಧಗಳು ಗಟ್ಟಿಗೊಳ್ಳುತ್ತವೆಯಲ್ಲದೇ ಜೀವನದಲ್ಲಿ ನೆಮ್ಮದಿ ಕಂಡುಕೊಳ್ಳಬಹುದೆಂದು ಹೇಳಿದರು.

ಅಕ್ಕಲಕೋಟನ ಚಿಕ್ಕ ರೇವಣಸಿದ್ಧ ಶಿವಶರಣರು ಮಾತನಾಡಿ, ಕಾರ್ತಿಕ ಅಮವಾಸ್ಯೆಯ ದಿನ ಕ್ಷೇತ್ರದಲ್ಲಿ ದೀಪಾರಾಧನೆ ನಮ್ಮ ಸಂಪ್ರದಾಯ.ಪರಶಿವನು ಜ್ಯೋತಿಯಲ್ಲಿ ನೆಲೆಸಿರುತ್ತಾನೆ ಎಂಬ ನಂಬಿಕೆ ಇದೆ. ದೀಪಕ್ಕೆ ಜಾತಿ ಇದೆ, ಬತ್ತಿಗೆ ಜಾತಿ ಇದೆ, ಎಣ್ಣೆಗೆ ಜಾತಿ ಇದೆ ಆದರೆ ಜ್ಯೋತಿಗೆ ಜಾತಿ ಇಲ್ಲ. ಈ ಬೆಳಕಿನಲ್ಲಿ ಅಜ್ಞಾನ ಕಳೆದು ಹೋಗಲಿ . ಜ್ಯೋತಿ ಬೆಳಗುವುದರ ಮೂಲಕ ಸರ್ವ ರಿಗೂ ಸುಖ,ಶಾಂತಿ, ಸಂಪತ್ತು ದೊರಕಲಿ ಎಂದು ಹೇಳಿದರು. ಸಮಾಜ ಸೇವಕಿ ಜಯಶ್ರೀ ಮತ್ತಿಮಡು ಮಾತನಾಡಿದರು.

ಆಳಂದನ ಚನ್ನಬಸವ ಪಟ್ಟದೇವರು, ಪೀರಮ್ಮ ಪಗಲಾಪೂರ, ಕನಕಪ್ಪ ದಂಡಗುಲಕರ್, ಅರುಣ ಪಟ್ಟಣಕರ, ನಿಂಗಪ್ಪ ಹುಳಗೋಳಕರ್, ಸದಾನಂದ ಕುಂಬಾರ, ನರಸಿಂಹಲು ರಾಯಚೂರಕರ, ಮನೋಹರ ಮೇತ್ರೆ, ಮೈಲಾರಿ ದಿವೇಕರ್, ಹಣಮಂತ ಮೇತ್ರೆ,ಮರಲಿಂಗ ಮುನಗಲ,ವಿಕ್ರಂ ಮೂಲಿಮನಿ,ಮಲ್ಲೇಶಿ ಬಳಿಚಕ್ರ, ಸತೀಶ ಪ್ರಲ್ಹಾದ ಇತರರು ಇದ್ದರು.
*
ಸಿದ್ಧಾರೂಢ ಮಠಕ್ಕೆ ಬರಲು ಒಳ್ಳೆಯ ರಸ್ತೆ ನಿರ್ಮಾಣ ಮಾಡಿಕೊಡುವುದಾಗಿ ಮತ್ತು ಮಠದ ಉನ್ನತೀಕರಣ ಅಭಿವೃದ್ಧಿಗಾಗಿ 5 ಲಕ್ಷ ರೂಪಾಯಿ ವ್ಯಯಕ್ತಿಕ ಧನ ಸಹಾಯ ಹಾಗೂ ಇಲ್ಲಿನ ಬಡಾವಣೆಯ ಜನರಿಗಾಗಿ ದೊಡ್ಡ ಸಮುದಾಯ ಭವನ ನಿರ್ಮಾಣ ಮಾಡಿ ಕೊಡುತ್ತೆನೆ.

ಬಸವರಾಜ ಮತ್ತಿಮಡು
ಗ್ರಾಮೀಣ ಶಾಸಕ