ಬೆಂಗಳೂರು: ಸುಚಿತ್ರ ಅಕಾಡೆಮಿ ಹಾಗೂ ಸುಚಿತ್ರ ಪುರವಂಕರ ಸಿನಿಮಾ ಮತ್ತು ಸಾಂಸ್ಕೃತಿಕ ಪ್ರತಿಷ್ಠಾನದ ಸಹಯೋಗದಲ್ಲಿ ಸಿನಿಮಾಸಕ್ತರಿಗೆ ಸಿನಿಮಾಟೋಗ್ರಫಿ ಹಾಗೂ ಸಿನಿಮಾ ಲೈಟಿಂಗ್‌ ಕುರಿತು ಅಕ್ಟೋಬರ್‌29 ರಿಂದ ಸುಚಿತ್ರ ಅಕಾಡೆಮಿಯಲ್ಲಿ ತರಬೇತಿ ಹಮ್ಮಿಕೊಂಡಿದೆ.
ಈ ಕೋರ್ಸ್‌ನನ್ನು ಜರ್ಮನ್‌ನ ಪ್ರಖ್ಯಾತ ಚಲನಚಿತ್ರ ನಿರ್ದೇಶಕ ಎಮಿಲ್‌ ಕಲುಸ್‌ ಅವರು ಬೋಧಿಸಲಿದ್ದಾರೆ. ಸಿನಿಮಾದಲ್ಲಿ ಬಹುಮುಖ್ಯವಾಗಿ ಸಿನಿಮಾಟೋಗ್ರಫಿ ಹಾಗೂ ಲೈಟಿಂಗ್‌ ಬಹಳ ಮುಖ್ಯ ಪಾತ್ರವಹಿಸುತ್ತದೆ. ಈ ಕ್ಷೇತ್ರದಲ್ಲಿ ಪರಿಣಿತಿ ಹೊಂದಿ ದಾಗ ಮಾತ್ರ ಅತ್ಯತ್ತಮ ಸಿನಿಮಾ ನಿರ್ದೇಶಿಸಲು ಸಾಧ್ಯ. ಹೀಗಾಗಿ ಸುಚಿತ್ರ ಅಕಾಡೆಮಿಯು ಆಸಕ್ತರಿಗೆ ಈ ಕೋರ್ಸ್‌ ಆಯೋಜಿಸಿದೆ. ಸಿನಿಮಾಟೋಗ್ರಫಿ ಹಾಗೂ ಸಿನಿಮಾ ಲೈಟಿಂಗ್‌ ನಲ್ಲಿ ಇತ್ತೀಚಿನ ತಂತ್ರಜ್ಞಾನ ಬಳಕೆ, ಹಾಲಿವುಡ್‌ನಲ್ಲಿ ಯಾವ ರೀತಿಯ ಲೈಟಿಂಗ್‌ ಬಳಕೆ ಮಾಡಲಾಗುತ್ತದೆ ಎಂಬಿತ್ಯಾದಿ ವಿಷಯಗಳ ಬಗ್ಗೆ ಹೇಳಿಕೊಡಲಾಗುವುದು.
ಆಸಕ್ತರು ಅ.೨೫ರೊಳಗೆ ನೋಂದಾಯಿಸಿಕೊಳ್ಳಬೇಕು. ಹೆಚ್ಚಿನ ಮಾಹಿತಿಗಾಗಿ school@scuhitra.org ವೆಬ್‌ಸೈಟ್‌ಗೆ ಭೇಟಿ ನೀಡಬಹುದು ಅಥವಾ 080 26711785 | 9845055034 ಈ ಸಂಖ್ಯೆಯನ್ನು ಸಂಪರ್ಕಿಸಬಹುದು.
