ಇದು ರೀಲ್ಸ್ (Reels) ಯುಗ, ಇನ್‌ ಸ್ಟಾದಲ್ಲಿ (Instagram) ಫಾಲೋವರ್ಸ್‌ ಮತ್ತು ಲೈಕ್‌ ಗಳನ್ನು ಪಡೆಯಲು ವಯೋಮಾನದ ಬೇಧವಿಲ್ಲದೆ ತಮ್ಮ ತಮ್ಮ ಟ್ಯಾಲಂಟ್‌ ಗಳನ್ನು ಪ್ರದರ್ಶಿಸುತ್ತಿರುತ್ತಾರೆ. ಅದ್ರಲ್ಲಿ ಕೆಲವೊಂದು ಓವರ್‌ ಟ್ಯಾಲಂಟ್‌ ಎಂದೆಣಿಸಿದರೆ ಇನ್ನು ಕೆಲವು ಅವರಲ್ಲಿರುವ ನಿಜವಾದ ಪ್ರತಿಭೆಯ ಅನಾವರಣಕ್ಕೊಂದು ವೇದಿಕೆಯಾಗಿರುತ್ತದೆ. ಹಾಗೆಯೇ, ಇನ್‌ ಸ್ಟಾದಲ್ಲಿ ನಿಮಗೆ ಹಲವಾರು ಮ್ಯೂಸಿಕ್‌ ರೀಲ್ಸ್ ಗಳು ನಿಮಗೆ ಸಿಗುತ್ತವೆ. ಇದೀಗ ಒಂದು ಮ್ಯೂಸಿಕ್‌ ರೀಲ್ಸ್ ಸೋಷಿಯಲ್‌ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಟ್ರೆಂಡಿಂಗ್‌ (Viral Video) ಆಗುತ್ತಿದೆ.
ಮಹಿಳೆಯೊಬ್ಬರು ಜಗ್ಜಿತ್‌ ಸಿಂಗ್‌ (Jagjit Singh) ಅವರ ಹಾಡನ್ನು ಭಾವಪೂರ್ಣವಾಗಿ ಹಾಡಿದ್ದು, ಈ ಹಾಡಿಗೆ ನೆಟ್ಟಿಗರು ಫಿದಾ ಆಗಿದ್ದಾರೆ. ಯೋಜನಾ ಶುಕ್ಲ ಎಂಬ ಮಹಿಳೆ ಜಗ್ಜಿತ್‌ ಅವರ ʼಹೋಶ್‌ ವಾಲೋಂ ಕೋ ಖಬರ್‌ ಕ್ಯಾ..ʼ ಎಂಬ ʼಸರ್ಫರೋಶ್‌ʼ (Sarfarosh) ಚಿತ್ರದ ಹಾಡನ್ನು ಹಾಡಿ ಇನ್‌ಸ್ಟಾದಲ್ಲಿ ಸಂಗೀತಪ್ರಿಯರ ʼಹೋಶ್‌ʼ ಉಡಾಯಿಸಿದ್ದಾರೆ.
ಈ ವರ್ಷದ ಪ್ರಾರಂಭದಲ್ಲಿ ಮಹಿಳೆಯೊಬ್ಬರು ಗಿಟಾರ್‌ ವಾದನದ ಮೂಲಕ ಇಂಟರ್ನೆಟ್‌ ನಲ್ಲಿ ಸೆನ್ಸೇಶನ್‌ ಸೃಷ್ಟಿಸಿದ್ದ ಮಹಿಳೆಯ ನೆನಪು ನಿಮಗಿದೆಯೇ..? ಆ ಮಹಿಳೆಯೇ ಈ ಯೋಜನಾ ಶುಕ್ಲ, ಇವರೇ ಇದೀಗ ʼಹೋಶ್‌ ವಾಲೋಂಕೋ..ʼ ಹಾಡಿನ ಮೂಲಕ ಮತ್ತೊಮ್ಮೆ ಇನ್ಸ್‌ ಸ್ಟಾದಲ್ಲಿ ಟ್ರೆಂಡ್‌ ಆಗಿದ್ದಾರೆ.
ಈ ವಿಡಿಯೋದಲ್ಲಿ ಶುಕ್ಲ ಅವರು ತಮ್ಮ ಗಿಟಾರ್‌ ನೊಂದಿಗೆ ಕಾಣಿಸಿಕೊಂಡಿದ್ದು ಪ್ರಾರಂಭದಲ್ಲಿ ಗಿಟಾರ್‌ ವಾದನದ ಮೂಲಕ ಮೂಡ್‌ ಸೆಟ್‌ ಮಾಡಿಕೊಂಡು ಬಳಿಕ ಹಾಡನ್ನು ತಮ್ಮ ಸುಶ್ರಾವ್ಯ ಕಂಠದ ಮೂಲಕ ಭಾವಪೂರ್ಣವಾಗಿ ಹಾಡಿದ್ದಾರೆ. ಈ ವಿಡಿಯೋವನ್ನು ಶುಕ್ಲ ಅವರು ನವಂಬರ್‌ 11ರಂದು ಅಪ್ಲೋಡ್‌ ಮಾಡಿದ್ದು, ಕೆಲವೇ ದಿನಗಳಲ್ಲಿ ಈ ವಿಡಿಯೋ ವೈರಲ್‌ ಆಗುವ ಮೂಲಕ ಸಾವಿರಾರು ಮಂದಿ ವೀಕ್ಷಿಸಿದ್ದಾರೆ.
ಇದನ್ನೂ ಓದಿ: Kanhaiya Kumar: ಮಾಜಿ ಸಿಎಂ ಫಡ್ನವೀಸ್‌ ಪತ್ನಿ ಬಗ್ಗೆ ಕಮೆಂಟ್‌; ವಿವಾದದ ಕಿಡಿ ಹೊತ್ತಿಸಿದ ಕನ್ಹಯ್ಯಾ ಕುಮಾರ್ ಹೇಳಿಕೆ
ಈ ವಿಡಿಯೋ ಇದೀಗ ನೆಟ್ಟಿಗರ ಹೃದಯ ಗೆದ್ದಿದ್ದು, ಇದನ್ನು ವೀಕ್ಷಿಸಿ ಈ ಹಾಡನ್ನು ಕೇಳಿದ ಬಹುತೇಕರು ʼಹಾರ್ಟ್‌ʼ ಮತ್ತು ʼಚಪ್ಪಾಳೆʼಯ ಇಮೋಜಿಯನ್ನು ಹಾಕಿ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ. ಈ ಮೂಲಕ ಶುಕ್ಷ ಅವರ ತನ್ಮಯತೆಯ ಫರ್ಮಾಮೆನ್ಸ್‌ ಎಲ್ಲರನ್ನೂ ಫಿದಾ ಆಗುವಂತೆ ಮಾಡಿದೆ. ಒಟ್ಟಿನಲ್ಲಿ, ಲೈಕ್ಸ್‌ ಗಳನ್ನು ಪಡೆಯುವ ಹಪಾಹಪಿಯಲ್ಲಿ ಕೋಡಂಗಿಗಳಂತೆ ಚೇಷ್ಟೆ ಮಾಡುವ, ಅಶ್ಲೀಲ ಭಂಗಿಗಳಲ್ಲಿ ಮತ್ತು ಅಶ್ಲೀಲ ಕಂಟೆಂಟ್‌ ಗಳ ವಿಡಿಯೋಗಳನ್ನೇ ಅಪ್ಲೋಡ್‌ ಮಾಡುವ ಕೆಲವು ಇನ್‌ ಸ್ಟಾ ಪ್ರಚಾರಪ್ರಿಯರ ನಡುವೆ ಯೋಜನಾ ಶುಕ್ಲ ಅವರಂತಹ ಸದಭಿರುಚಿಯ ಬಳಕೆದಾರರು ಮಾಡುವ ಕಂಟೆಂಟ್‌ ಗಳು ಆರೋಗ್ಯಕರ ಸ್ಪರ್ಧೆಗೆ ನಾಂದಿಯಾಗುವಂತಿದೆ.
