ನೊಯ್ಡಾ: ನೊಯ್ಡಾದಲ್ಲಿ ಒಬ್ಬ ವ್ಯಕ್ತಿ ಕೆಲಸ ಕಳೆದುಕೊಂಡು 6 ತಿಂಗಳ ಬಳಿಕ, ತನ್ನನ್ನು ಕೆಲಸದಿಂದ ತೆಗೆದು ಹಾಕಿದ ಮ್ಯಾನೇಜರ್ ಎದೆಗೆ ಗುಂಡು ಹಾರಿಸಿದ್ದಾನೆ.
ಆ ಮ್ಯಾನೇಜರ್ ಸ್ಥಿತಿ ಗಂಭೀರವಾಗಿದ್ದು, ಐಸಿಯುವಿನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ನೊಯ್ಡಾದ ಹೊರಗುತ್ತಿಗೆ ಕಂಪನಿಯೊಂದರಲ್ಲಿ ಡಾಟಾ ಎಂಟ್ರಿ ಆಪರೇಟರ್ ಆಗಿ ಕೆಲಸ ಮಾಡುತ್ತಿದ್ದ ಅನೂಪ್ ಸಿಂಗ್ ಆರೋಪಿ. ಈತ ದೆಹಲಿಯ ಅಶೋಕ್ ನಗರದ ನಿವಾಸಿ. ಸರಿಯಾಗಿ ಕೆಲಸ ಮಾಡುತ್ತಿರಲಿಲ್ಲ ಎಂಬ ಕಾರಣಕ್ಕೆ ಆತನ ಮ್ಯಾನೇಜರ್ ಆಗಿದ್ದ ಶಾರ್ದೂಲ್ ಇಸ್ಲಾಮ್ ಅವರು ಕೆಲಸದಿಂದ ವಜಾಗೊಳಿಸಿದ್ದರು.
ಕಳೆದ ಒಂದು ತಿಂಗಳ ಹಿಂದೆ ಮತ್ತು ಶಾರ್ದೂಲ್ ಇಸ್ಲಾಮ್ನನ್ನು ಸಂಪರ್ಕಿಸಿ ಅನೂಪ್ ಸಿಂಗ್, ತನ್ನನ್ನು ಕೆಲಸಕ್ಕೆ ವಾಪಸ್ ತೆಗೆದುಕೊಳ್ಳುವಂತೆ ಒತ್ತಾಯಿಸಿದ್ದ. ಆದರೆ ಇಸ್ಲಾಮ್ ಒಪ್ಪಿರಲಿಲ್ಲ.
ಇಸ್ಲಾಮ್ನ ಆಫೀಸಿಗೆ ನುಗ್ಗಿದ ಅನೂಪ್ ಜಗಳ ಮಾಡಿದ್ದಾನೆ. ಇವರಿಬ್ಬರ ನಡುವೆ ಸಿಕ್ಕಾಪಟೆ ಗಲಾಟೆಯೂ ಆಯಿತು. ಆಗ ಏಕಾಏಕಿ ಅನೂಪ್ ದೇಶೀಯ ರಿವಾಲ್ವರ್ನ್ನು ತೆಗೆದು, ಇಸ್ಲಾಮ್ಗೆ ಗುಂಡು ಹಾರಿಸಿ ದ್ದಾನೆ.
‘ಇಸ್ಲಾಮ್ ಎದೆಗೇ ಗುಂಡು ಹಾರಿದೆ. ಪರಿಸ್ಥಿತಿ ಗಂಭೀರವಾಗಿದೆ. ಕೈಲಾಶ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ’ ಎಂದು ಮಾಹಿತಿ ನೀಡಿದ್ದಾರೆ. ಅನೂಪ್ ಸಿಂಗ್ ನಾಪತ್ತೆ ಯಾಗಿದ್ದು ಆತನಿಗಾಗಿ ಹುಡುಕಾಟ ನಡೆದಿದೆ.
