ಪಾಟ್ನಾ: ಬಿಹಾರ ರಾಜ್ಯದ ಬಂಕಾದ ಛತ್ರಪಾಲ್ ನಲ್ಲಿ ವ್ಯಕ್ತಿ ತನ್ನ ಪತ್ನಿ ಮರಣದ ನಂತರ ಅತ್ತೆಯ ಜೊತೆ ಸಲುಗೆ ಬೆಳೆಸಿ, ಪ್ರೀತಿ ಮಾಡಿ ಮದುವೆಯಾಗಿದ್ದಾನೆ.
ಹೀರ್ಮೋತಿ ಗ್ರಾಮದ ದಿಲೇಶ್ವರ್ ದರ್ವೆ ಹಾಗೂ ಗೀತಾ ದೇವಿ ದಂಪತಿ ತಮ್ಮ ಮಗಳನ್ನು ಸಿಕಂದರ್ ಯಾದವ್ಗೆ ಕೊಟ್ಟು ಈ ದಂಪತಿ ಮದುವೆ ಮಾಡಿದ್ದರು. ಕೆಲವು ಕಾರಣಗಳಿಂದ ಪತ್ನಿ ಮೃತಪಟ್ಟು, ನಂತರ ಅಳಿಯ ಅತ್ತೆ ಮನೆಯಲ್ಲೇ ಇದ್ದ ಎನ್ನಲಾಗಿದೆ.
ಅಳಿಯ, ಅತ್ತೆ ಮನೆಯಲ್ಲಿ ಇರುವುದರಿಂದ ಇಬ್ಬರ ನಡುವೆ ಸಲುಗೆ ಬೆಳೆದು ಪ್ರೀತಿ ಮೂಡಿರುತ್ತದೆ. ಈ ಬಗ್ಗೆ ಮಾವ ದಿಲೇಶ್ವರ್ ದರ್ವೆಗೆ ಇವರಿಬ್ಬರ ಬಗ್ಗೆ ಅನುಮಾನ ಬಂದಿದ್ದರು, ಕೇಳೋಕೆ ಹೋಗಿರಲಿಲ್ಲ.
ಒಂದು ದಿನ ಅತ್ತೆ ಅಳಿಯ ಮನೆಯಲ್ಲಿ ಒಟ್ಟಿಗೆ ಇದ್ದಾಗ, ಗಂಡ ದಿಲೇಶ್ವರ್ ದರ್ವೆ ಕೈಗೆ ಸಿಕ್ಕಿ ಬಿದ್ದಿದ್ದಾರೆ. ಮಾವ ಅಳಿಯನ ನಡುವೆ ಸಂಘರ್ಷ ಏರ್ಪಟ್ಟು ಗ್ರಾಮ ಪಂಚಾಯತಿಯಲ್ಲಿ ಅಳಿಯನು ಅತ್ತೆ ಮೇಲಿರುವ ಪ್ರೀತಿಯನ್ನು ಬಿಚ್ಚಿಟ್ಟಿದ್ದಾನೆ.
ನಂತರ ಗಂಡ ಹಾಗೂ ಗ್ರಾಮದ ಹಿರಿಯರ ಒಪ್ಪಿಗೆಯ ಮೇರೆಗೆ ಇಬ್ಬರು ಎಲ್ಲರ ಸಮ್ಮುಖದಲ್ಲಿ ಆಕೆಯ ಪತಿ ಕಾನೂನು ಪ್ರಕಾರ ಮದುವೆಯನ್ನು ಮಾಡಿಸಿದ್ದಾರೆ.
