ನವದೆಹಲಿ: ಈ ಐ ಡ್ರಾಪ್ ಬಳಸಿದರೆ ಕನ್ನಡಕವೇ ಬೇಕಿಲ್ಲ ಎಂಬ ಭಾರಿ ಪ್ರಚಾರ ಪಡೆದಿದ್ದ ಮುಂಬಯಿ (Mumbai) ಮೂಲದ ಎಂಟೋಡ್ ಫಾರ್ಮಾಸ್ಯುಟಿಕಲ್ಸ್‌ ಸಂಸ್ಥೆಯ ಪ್ರೆಸ್ ವಿಯು ಐ ಡ್ರಾಪ್ ಗೆ (PresVU Eye Drop) ನೀಡಿರುವ ಅನುಮತಿಯನ್ನು ಡ್ರಗ್ಸ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ (DGCI) ಅಮಾನತುಗೊಳಿಸಿದೆ.
ಹೊಸ ಡ್ರಗ್ಸ್ ಮತ್ತು ಕ್ಲಿನಿಕಲ್ ಟ್ರಯಲ್ ರೂಲ್ಸ್ 2019 ರ ಅಡಿಯಲ್ಲಿ ನಿಬಂಧನೆಗಳನ್ನು ಉಲ್ಲಂಘಿಸಿರುವುದಕ್ಕೆ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಡ್ರಗ್ಸ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ ಹೇಳಿದೆ.
ಪ್ರೆಸ್‌ಬಯೋಪಿಯಾದಿಂದ ಬಳಲುತ್ತಿರುವವರಿಗೆ ಕನ್ನಡಕಗಳ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಎಂಬ ಮುಂಬಯಿ ಮೂಲದ ಎಂಟೋಡ್ ಫಾರ್ಮಾಸ್ಯುಟಿಕಲ್ಸ್‌ನ ಹೇಳಿಕೆಗಳನ್ನು ಡ್ರಗ್ಸ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ ಗಂಭೀರವಾಗಿ ಪರಿಗಣಿಸಿದೆ. ಅವುಗಳನ್ನು ತಯಾರಿಸಲು ಮತ್ತು ಮಾರಾಟ ಮಾಡಲು ಕಂಪೆನಿಗೆ ನೀಡಿದ್ದ ಅನುಮತಿಯನ್ನು ರದ್ದುಗೊಳಿಸಿದೆ.
ನ್ಯಾಷನಲ್ ಐ ಇನ್ಸ್ ಟಿಟ್ಯೂಟ್ ಪ್ರಕಾರ ಪ್ರೆಸ್ಬಯೋಪಿಯಾ ವಕ್ರೀಕಾರಕ ದೋಷವಾಗಿದ್ದು ಮಧ್ಯವಯಸ್ಕ ಮತ್ತು ಹಿರಿಯ ವಯಸ್ಕರಿಗೆ ವಿಷಯಗಳನ್ನು ಹತ್ತಿರದಿಂದ ನೋಡಲು ಕಷ್ಟವಾಗುತ್ತದೆ. ಇದಕ್ಕಾಗಿ ಹೊಸ ಕಣ್ಣಿನ ಡ್ರಾಪ್ ಪ್ರೆಸ್ ವಿಯು ಅನ್ನು ಹೊರತರಲಾಗಿತ್ತು.
ಆದರೆ ಕಂಪೆನಿಯು ಹೊಸ ಡ್ರಗ್ಸ್ ಮತ್ತು ಕ್ಲಿನಿಕಲ್ ಟ್ರಯಲ್ ರೂಲ್ಸ್ 2019ರ ಅಡಿಯಲ್ಲಿ ನಿಬಂಧನೆಗಳನ್ನು ಉಲ್ಲಂಘಿಸಿರುವುದು ಮಾತ್ರವಲ್ಲದೆ ಕೇಂದ್ರ ಪರವಾನಗಿ ಪ್ರಾಧಿಕಾರದಿಂದ ಅನುಮೋದನೆಯನ್ನು ಪಡೆಯದ ಉತ್ಪನ್ನಕ್ಕಾಗಿ ಕಂಪೆನಿಯು ಹಕ್ಕು ಸಾಧಿಸಿದೆ ಎಂದು ಡಿಸಿಜಿಐ ತಿಳಿಸಿದೆ.
ಪ್ರೆಸ್ ವಿಯು ಕಣ್ಣಿನ ಡ್ರಾಪ್ಸ್ ತಯಾರಿಸಲು ಮತ್ತು ಮಾರಾಟ ಮಾಡಲು ಆಗಸ್ಟ್ 20ರಂದು ಅನುಮತಿ ನೀಡಲಾಗಿತ್ತು. ಸೆಪ್ಟೆಂಬರ್ 4ರಂದು ಔಷಧ ನಿಯಂತ್ರಕರು ಪತ್ರಿಕೆಗಳಲ್ಲಿ ಮಾಡಿದ ಹಕ್ಕುಗಳಿಗೆ ಕಂಪೆನಿಯಿಂದ ಡಿಸಿಜಿಐ ವಿವರಣೆ ಕೇಳಿದ ಬಳಿಕ ಫಾರ್ಮಾ ಸಂಸ್ಥೆಯು ತನ್ನ ಪ್ರತಿಕ್ರಿಯೆಯನ್ನು ನೀಡಿತು.
ಓದುವ ಕನ್ನಡಕಗಳ ಅಗತ್ಯವನ್ನು ಕಡಿಮೆ ಮಾಡಲು ವಿನ್ಯಾಸಗೊಳಿಸಲಾದ ಭಾರತದಲ್ಲಿ ಮೊದಲ ಕಣ್ಣಿನ ಡ್ರಾಪ್ ಎಂದು ಕಂಪೆನಿ ಹೇಳಿಕೊಂಡಿದೆ. ಆದರೆ ಇದಕ್ಕಾಗಿ ಯಾವುದೇ ಕ್ಲೈಮ್‌ಗೆ ಕಂಪೆನಿಗೆ ಅನುಮೋದಿಸಲಾಗಿಲ್ಲ ಎಂದು ಡಿಸಿಜಿಐ ಆದೇಶವು ಹೇಳಿದೆ. ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಕಂಪೆನಿಯು ಈ ಐ ಡ್ರಾಪ್ ಆಯ್ಕೆಯನ್ನು ನೀಡುತ್ತದೆ. ಇದು ಓದುವ ಕನ್ನಡಕಗಳ ಅಗತ್ಯವಿಲ್ಲದೇ ಸಮೀಪ ದೃಷ್ಟಿಯನ್ನು ಹೆಚ್ಚಿಸುತ್ತದೆ ಎಂದು ಹೇಳಿದೆ.
ಡಿಸಿಜಿಐ ಆದೇಶವು ಮಾಧ್ಯಮ ವರದಿಗಳನ್ನು ಪರಿಗಣಿಸಿ ಯಾವುದೇ ಅನುಮೋದನೆಯನ್ನು ನೀಡದ ಕಂಪನಿಯು ಮಾಡಿದ ಹಕ್ಕುಗಳಿಂದ ಸಾಮಾನ್ಯ ಜನರು ತಪ್ಪುದಾರಿಗೆಳೆಯುವ ಸಾಧ್ಯತೆಯಿದೆ ಎಂದು ತಿಳಿಸಿದೆ.
Illegal Fishing: ಅಕ್ರಮವಾಗಿ ಮರಿ ಮೀನುಗಳ ಬೇಟೆ; ಸಾರ್ಡಿನ್‌ ಮೀನು ಸಂತತಿಗೆ ಸಂಚಕಾರ!
ವಯಸ್ಕರಲ್ಲಿ ಪ್ರಿಸ್ಬಯೋಪಿಯಾ ಚಿಕಿತ್ಸೆಗಾಗಿ ಐಡ್ರಾಪ್ ಅನ್ನು ಅನುಮೋದಿಸಲಾಗಿದ್ದರೂ ಓದುವ ಕನ್ನಡಕಗಳ ಅಗತ್ಯವಿಲ್ಲದೇ 15 ನಿಮಿಷಗಳಲ್ಲಿ ಹತ್ತಿರದ ದೃಷ್ಟಿಗೆ ಅದನ್ನು ಅನುಮೋದಿಸಲಾಗಿಲ್ಲ. ಇದು ಕೇವಲ ಪ್ರಿಸ್ಕ್ರಿಪ್ಷನ್ ಔಷಧವಾಗಿದೆ ಹೊರತು ಪ್ರತ್ಯಕ್ಷವಾದ ಔಷಧವಾಗಿ ಅಲ್ಲ. ಅದನ್ನು ತಪ್ಪಾಗಿ ಪ್ರಚಾರ ಮಾಡಲಾಗುತ್ತಿದೆ ಎಂದು ಡಿಸಿಜಿಐ ಸ್ಪಷ್ಟಪಡಿಸಿದೆ.
