ಅಮೆರಿಕ ಮಾರುಕಟ್ಟೆಗೆ (US Market) ಪ್ರವೇಶ ಪಡೆದಿರುವ ಅಮುಲ್ ಹಾಲು (Amul Milk) ಈ ಮೂಲಕ ಯುರೋಪಿಯನ್ ಮಾರುಕಟ್ಟೆಗೆ (European Market) ಪ್ರವೇಶಿಸಲು ಸಿದ್ಧವಾಗಿದೆ. ಇದೊಂದು ಐತಿಹಾಸಿಕ ಕ್ಷಣ ಎಂದು ಗುಜರಾತ್ ಕೋ ಆಪರೇಟಿವ್ ಮಿಲ್ಕ್ ಮಾರ್ಕೆಟಿಂಗ್ ಫೆಡರೇಶನ್ ಲಿಮಿಟೆಡ್ ನ (GCMMF) ವ್ಯವಸ್ಥಾಪಕ ನಿರ್ದೇಶಕ ಜಯನ್ ಮೆಹ್ತಾ (Jayen Mehta) ಅಭಿಪ್ರಾಯಪಟ್ಟಿದ್ದಾರೆ.
ಡಾ. ವರ್ಗೀಸ್ ಕುರಿಯನ್ ಸಂಸ್ಮರಣೆ ಭಾಷಣ “ಅಮುಲ್ ಮಾಡೆಲ್: ಟ್ರಾನ್ಸ್‌ಫಾರ್ಮಿಂಗ್ ಲೈವ್ಸ್ ಆಫ್ ಮಿಲಿಯನ್” ಕುರಿತು ಖಾಸಗಿ ವ್ಯಾಪಾರ ನಿರ್ವಹಣಾ ಸಂಸ್ಥೆಯು ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ಭಾರತವು ಈಗ ವಿಶ್ವದ ಅತಿದೊಡ್ಡ ಹಾಲು ಉತ್ಪಾದಕ ರಾಷ್ಟ್ರವಾಗಿದ್ದು, ಮುಂದಿನ ವರ್ಷಗಳಲ್ಲಿ ವಿಶ್ವದ ಒಟ್ಟು ಹಾಲಿನ ಮೂರನೇ ಒಂದು ಭಾಗವನ್ನು ಭಾರತ ಉತ್ಪಾದಿಸಲಿದೆ. ಡೈರಿ ಕೇವಲ ವ್ಯಾಪಾರವಲ್ಲ. ಇದು ಗ್ರಾಮೀಣ ಭಾರತಕ್ಕೆ ಜೀವನಾಡಿ ಎಂದು ಅವರು ಹೇಳಿದರು.
ಯುಎಸ್‌ನಲ್ಲಿ ಇತ್ತೀಚೆಗೆ ಬಿಡುಗಡೆ ಮಾಡಿದ ಅಮುಲ್ ಹಾಲು ಕುರಿತು ಮಾತನಾಡಿದ ಅವರು, ಇದು ಅತ್ಯಂತ ಯಶಸ್ಸಿನ ಕ್ಷಣ. ಈ ಮೂಲಕ ಮೊದಲ ಬಾರಿಗೆ ಯುರೋಪಿಯನ್ ಮಾರುಕಟ್ಟೆ ಪ್ರವೇಶಿಸಲು ಸಿದ್ಧರಾಗಿರುವುದಾಗಿ ತಿಳಿಸಿದರು.
ಅಮುಲ್ ಗ್ರಾಹಕರ ನಂಬಿಕೆಯನ್ನು ಉಳಿಸುವಲ್ಲಿ ಹೆಚ್ಚಿನ ಗಮನ ಹರಿಸುತ್ತದೆ. ಪ್ರೊಟೀನ್ ಸಮೃದ್ಧ, ರಾಸಾಯನಿಕ ಮುಕ್ತ ಉತ್ಪನ್ನಗಳನ್ನು ನೀಡುವುದರ ಮೇಲೆ ಅಮುಲ್ ಗಮನಹರಿಸುತ್ತದೆ. ಸಾಮರ್ಥ್ಯ ಮತ್ತು ಮೂಲಸೌಕರ್ಯವನ್ನು ನಿರಂತರವಾಗಿ ವಿಸ್ತರಿಸುತ್ತಿರುವ ಅಮುಲ್ ಸಂಸ್ಥಾಪಕರಾದ ಡಾ. ಕುರಿಯನ್ ಅಭಿವೃದ್ಧಿಪಡಿಸಿದ ಪರಿಸರ ವ್ಯವಸ್ಥೆಯನ್ನು ಅವರು ಶ್ಲಾಘಿಸಿದರು.
ಭಾರತವು ಜಗತ್ತಿಗೆ ಉಡುಗೊರೆಯನ್ನು ನೀಡಲು ಸಾಧ್ಯವಾದರೆ ಅದು ಸಹಕಾರಿ ಕಾರ್ಯ ವ್ಯವಸ್ಥೆಯಾಗಿದೆ. ಡಾ. ಕುರಿಯನ್ ನಮಗೆ ನೀಡಿದ ಉಡುಗೊರೆ ಇದು. ಅವರ ಸಹಕಾರದ ನಂಬಿಕೆಯು ಭಾರತದಲ್ಲಿ ಹೊಸ ಕ್ರಾಂತಿಯನ್ನು ಹುಟ್ಟುಹಾಕಿದೆ ಎಂದು ತಿಳಿಸಿದರು.
ಅಮುಲ್ ಪ್ರತಿದಿನ 310 ಲಕ್ಷ ಲೀಟರ್ ಹಾಲನ್ನು ಸಂಗ್ರಹಿಸುತ್ತದೆ. ಭಾರತದಾದ್ಯಂತ 107 ಡೈರಿ ಕೇಂದ್ರಗಳು ಮತ್ತು 50ಕ್ಕೂ ಹೆಚ್ಚು ಉತ್ಪನ್ನಗಳನ್ನು ಹೊಂದಿದೆ. ವಾರ್ಷಿಕವಾಗಿ 22 ಬಿಲಿಯನ್ ಪ್ಯಾಕ್‌ಗಳು ಮಾರಾಟವಾಗುತ್ತವೆ ಎಂದು ತಿಳಿಸಿದರು.
ಅಮುಲ್ 80,000 ಕೋಟಿ ರೂಪಾಯಿ ವಹಿವಾಟು ನಡೆಸುತ್ತಿದೆ. ಇದು ಜಾಗತಿಕವಾಗಿ ಪ್ರಬಲವಾದ ಡೈರಿ ಮತ್ತು ಆಹಾರ ಬ್ರ್ಯಾಂಡ್ ಎಂದು ಸ್ಥಾನ ಪಡೆದಿದೆ. ಇದು 36 ಲಕ್ಷ ರೈತರ ಒಡೆತನದಲ್ಲಿದೆ ಎಂದು ಅವರು ಹೇಳಿದರು.
ಸಭೆಯನ್ನುದ್ದೇಶಿಸಿ ಮಾತನಾಡಿದ ಡಾ. ವರ್ಗೀಸ್ ಕುರಿಯನ್ ಅವರ ಪುತ್ರಿ ನಿರ್ಮಲಾ ಕುರಿಯನ್, ಹಾಲಿನ ಕೊರತೆಯಿರುವ ದೇಶವು ಮುಂದೊಂದು ದಿನ ಸ್ವಾವಲಂಬಿಯಾಗಬಹುದೆಂದು ತನ್ನ ತಂದೆ ಕನಸು ಕಾಣಲು ಅರ್ಧ ಶತಮಾನದ ಹಿಂದೆ ಧೈರ್ಯ ಮಾಡಿದ್ದರು. ಇಂದು ಭಾರತವು ವಿಶ್ವದ ಅತಿದೊಡ್ಡ ಹಾಲು ಉತ್ಪಾದಕ ರಾಷ್ಟ್ರವಾಗಿ ನಿಂತಿದೆ ಎಂದು ಅವರು ಹೇಳಿದರು.
Drug Bust: ಮಾದಕ ವಸ್ತು ಬೃಹತ್‌ ಜಾಲ ಪತ್ತೆ; ಬರೋಬ್ಬರಿ 1,814 ಕೋಟಿ ರೂ. ಮೌಲ್ಯದ MD ಡ್ರಗ್ಸ್‌ ಸೀಜ್‌
ಎಕ್ಸ್‌ಎಲ್‌ಆರ್‌ಐ ಜಮ್‌ಶೆಡ್‌ಪುರದ ನಿರ್ದೇಶಕ ಫಾ. ಎಸ್‌. ಜಾರ್ಜ್‌ ಮಾತನಾಡಿ, ಡಾ. ವರ್ಗೀಸ್ ಕುರಿಯನ್ ಅವರ ಜೀವನವು ಬದಲಾವಣೆಯನ್ನು ಮಾಡುವ ಬದ್ಧತೆಯಿಂದ ನಿರೂಪಿಸಲ್ಪಟ್ಟಿದೆ ಎಂದು ತಿಳಿಸಿದರು.
